Keila şəlaləsi
| Keila şəlaləsi | |
|---|---|
| est. Keila juga | |
.jpg) | |
| Ümumi məlumatlar | |
| Hündürlüyü | 6 m |
| Eni | 70 m |
| Yerləşməsi | |
| 59°23′46″ şm. e. 24°17′41″ ş. u. | |
| Ölkə |
 Estoniya |
|
|
|
 Vikianbarda əlaqəli mediafayllar | |
Keila ( est. Keila juga) − Estoniyanın şimal-qərbində yerləşən şəlalə. Şəlalə Haryumaa vilayətinin Keila rayonu ərazisindədir. Şəlalə Keila çayı üzərində yerləşir və Keila-Yoa qəsəbəsi yaxınlığındadır. Tallin şəhərindən 30 km qərbdə yerləşir. Keila şəlaləsinin hündürlüyü 6 metr, eni isə 70 metrdir. Keila böyüklüyünə görə ancaq Narva və Yaqala şəlalələrindən geri qalır[1]. Şəlalənin suyu il boyu eyni deyil. Əsasən yaz aylarında, qar əridikdən sonra ən yüksək səviyyədə olur. Qış aylarında şəlalə qismən donur. Şəlalə ziyarətçilər üçün əlverişlidir. Əraziyə ictimi nəqliyyat işləyir.
1555-ci ildə yaxınlıqda su dəyirmanı fəaliyyət göstərirdi. 1928-ci ildə dəyirmanın yerində kiçik su elektrik stansiyası inşa edilmişdir. SES 1999-cu ildə fəaliyyətini dayandırmışdır. 2006-cı ilin mayı ayından stansiya tam yenidən qurulduqdan sonra fəaliyyətə başlamışdır[2]. Şəlalədən az aralı geniş park var. Park ərazisində ərazinin tarixi-mədəni özəlliyini göstərən xüsusi yol var. Yolun uzunluğu 3 km-dir və marşrut 2-3 saat çəkir. 1833-cü ildə Andrey İvanoviç Ştakenşneyderin layihəsinə əsasən ərazidə Keila-Yoa malikanəsi tikilmişdir. Bina Aleksandr fon Benkendorfa məxsus idi.[3] Sonradan malikanə Fall qəsri (Schloss Fall) adı ilə tanındı.[4] Parkdan şəlalyə gedən yol çay üzərində yerləşən üç körpüdən keçir. Körpülərdən ikisi şəlalə yaxınlığında yerləşir. Çay üzərində ilk asma körpü 1836-cı ildə tikilmişdir.
Yerli sakinlər arasında toy günlərində şəlaləni ziyarət etmək adəti var. Şəlalə yaxınlığında olan körpüyə yeni evlənənlər qıfıl bağlayır və açarı şəlalə suyuna atırlar.
İstinadlar[redaktə | mənbəni redaktə et]
- ↑ "Keila juga". www.eestigiid.ee (eston). 2012-02-26 tarixində arxivləşdirilib. İstifadə tarixi: 2020-04-29.
- ↑ "Водопад Кейла и замок Фалль. Природа Эстонии". 2022-01-24 tarixində arxivləşdirilib. İstifadə tarixi: 2020-04-29.
- ↑ "Keila-Joa mõis". Portaal "Eesti mõisad". 2016-03-04 tarixində arxivləşdirilib. İstifadə tarixi: 2020-04-29.
- ↑ "Замок и музей "Schloss Fall" в Кейла-Йоа". Visit Estonia - Официальный сайт туристической информации. 2017-01-15 tarixində arxivləşdirilib. İstifadə tarixi: 2019-05-01.