Keqon şəlaləsi

Vikipediya, açıq ensiklopediya
Jump to navigation Jump to search
Keqon
yap. 華厳滝
Lake chuzenji and kegon waterfall.jpg
Keqon şəlaləsi və Tyudzendi gölü
36°44′ şm. e. 139°30′ ş. u.
Ölkə Yaponiya Yaponiya
Region
  • Toçiqi (prefektura)
Çay Daiyaqava
Hündürlüyü 97 m
Eni 7 m
Keqon xəritədə
Keqon
Keqon
Commons-logo.svg Vikianbarda əlaqəli mediafayllar

Keqon (yap. 華厳滝 Keqon-taki) —Yaponiyada şəlalə. Şəlalə Toçiqi prefekturasının Nikko şəhəri yaxınlığındadır. "Nikko Milli Parkı" ərazisində yerləşir. Tyudzendi gölündən çıxan Daiyaqava çayı üzərində yerləşən şəlalənin hündürlüyü 97 metrdir. Vaxtıilə çay yatağı vulkan püskürməsi zamanı lava ilə dolmuşdur. Çayın geoloji fəaliyyəti nəticəsində yataq böyümüş və Keqonla yanaşı on iki kiçik şəlalələr meydana gəlmişdir.

Ümumi məlumat[redaktə | əsas redaktə]

Şəlalə öz adını buddist mənbələrindən götürmüş (華厳経 Keqonqe). Nikko şəhəri yaxınlığında ümumən 48 şəlalə mövcuddur. Keqon isə bunlardan ən məhşurudur. Bundan başqa Keqon ölkənin ən gözəl üç şəlaləsindən biridir (Nati -Vakayam prefekturası, Fukuroda - İbaraki prefekturası) 1900-cu illərə qədər şəlaləyə gediş çox çətin idi. Şəlalə yaxınlığında Çaşitsu (çay evi) tikildikdən sonra ərazi turistlərin sevimli məkanına çevrildi. 1930-cu ildən xüsusi qaldırcı qurğu xidmət göstərir. Yay aylarında şəlalə ətrafında qaranquşların uçuşunu müşahidə etmək olar.[1] Bu mənzərəni pulsuz müşahidə meydançasından seyr etmək olar. Əraziyə qalxan lift 100 metrdən sonra şəlaləyə çatır. Yaxınlıqda Aketidayra rəsədxanası yerləşir. Payız zamanı ərazi daha cəlb edici olur. Bəzən bölgəyə yaxın olan magistiral yolda tıxaclar meydana gəlir. Qış aylarında şəlalə donur.[2]

2003-cü ildə şəlalənin geri çəkilmə sürrəti müəyyən olunmuş və məlum olmuşdur ki, şəlalə gölə il ərzində 1,8 sm gölə yaxınlaşır.[3] Şəlaləyə gedən yol 1300 m hündürlükdən keçir. Həm şəlalə, həm də, Nikko şəhərində yerləşən  buddizm və sintoizm məbədləri YUNESKO-nun Ümumdünya irsi siyahısına daxil edilmişlər.

Şəlaləyə getmək üçün daha çox ictimai nəqliyyatdan istifadə olunur. İlk öncə eKeqon və ya Kinu kspress qatarına minmək lazım. Qatar Asakusa stansiyasından yol düşür və Simo-İmaiti dayanacağına kimi getmək gərək. Ümumi səfər 2 saat çəkir. Sonra yerli elektrik qatarı sizi son məntəqəyə qədər aparır. Bundan başqa Tobu-Nikko Station dəmiryolu stansiyasından avtobus fəaliyyət göstərir. Şəlaləyə ən yaxın dayanacaq Tyudzen-dzi-onsendir.[4]

İntihar[redaktə | əsas redaktə]

Misao Fudzimuranın vida məktubu

Keqon şəlaləsi həmçinin yapon gəncləri arasında özünə qəsd məkanı kimidə məhşurdur. 1903-cü ilin (Verter effekti) mayında 18 yaşlı gənc filosof tələbə Misao Fudzimura şəlalədən tullanaraq intihar etmişdir. İntihardan öncə Fudzimura öz qeydlərini şeir şəklində ağac kötüyündə qeyd etmişdir.[5]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. "Kegon Waterfall" (ing.). Nikko Tourist Association. 14 aprel 2012 tarixində arxivləşdirilib. İstifadə tarixi: 9 yanvar 2010.
  2. Водопад Кэгон
  3. HAYAKAWA YUICHI, MATSUKURA YUKINORI.Recession Rates of Kegon Falls in Nikko, Tochigi Prefecture, Japan. Journal of Geography
  4. Kegon Falls
  5. Lake-Chuzenji Encyclopædia Britannica Online ensiklopediyasında