Kimya-biologiya təmayüllü respublika liseyi

Vikipediya, azad ensiklopediya
Jump to navigation Jump to search

Kimya – biologiya təmayüllü Respublika liseyi 1969-cu ildə beynəlmiləl orta  məktəbin bazası əsasında yaradılmış və  kimya–biologiya təmayüllü 5№-li internat məktəb kimi fəaliyyətə başlamışdır. Bu məktəb uzun müddət N.Nərimanov adına Tibb İnstitunun baza məktəbi olmuş və 1991-ci ildən lisey statusu almışdır. Lisey yarandığı gündən öz nəticələrinə görə bütün Respublikada yaxşı mənada tanınmağa başlamışdır. Lisey  savadlı, səriştəli müxtəlif ixtisas müəllimləri ilə komplektləşdirilmiş, istedadlı şagirdləri cəlb etməklə böyük uğurlar qazanmışdır və Respublikanın ən mötəbər təhsil ocaqlarından birinə çevrilmişdir. Lisey kimya və biologiya təmayüllü olduğundan məzunların çoxu tibb sahəsinə maraq göstərmiş, müəyyən qismi isə digər maraqlandıqları peşələrə yiyələnmişlər. Lisey yarandığı gündən bu günə kimi yüzlərlə, minlərlə yüksək ixtisaslı kadrlar hazırlamış, onların bir çoxu Respublikamızla yanaşı bu gün də MDB ölkələrində və xarici ölkələrdə uğurla fəaliyyət göstərməkdədirlər.

Maddi texniki bazası[redaktə | əsas redaktə]

Lisey 4 mərtəbəli tədris korpusundan, 3 mərtəbəli yataqxanadan, 1 mərtəbəli yeməkxanadan, 1 mərtəbəli yardımçı təsərrüfat binasından və emalatxanadan ibarətdir. Son illərdə liseyin maddi-texniki bazası daha da möhkəmləndirilmiş, bütün korpusların dam örtükləri yenidən qurulmuş, pəncərələr plastik pəncərələrlə əvəz edilmiş, yeni informatika kabinetləri yaradılmış, internetə qoşulan müasir kompüterlərlə təhciz olunmuş, müasir kimya, fizika və  biologiya laboratoriyaları quraşdırılmış,şagird partaları və stulları, müəllim stol və stulları, yazı lövhələri tamamilə yeniləşdirilmişdir. Lisey notbuk və proyektor, həmçinin elektron dərs vəsaitləri ilə təmin olunmuşdur.

Rəhbərlik[redaktə | əsas redaktə]

Direktor-Rəhimov Kamran Osman oğlu 1979-cu ildə V.İ.Lenin adına APİ-nin fizika fakültəsini fərqlənmə diplomu ilə bitirmişdir.

  • Azərbaycan SSR Elmlər Akademiyasının " Radiasiya Tədqiqatlar" bölməsinin aspirantı olmuş,1983-1987-ci illərdə Moskvada akademik İ.V.Kurçatov adına Atom enerjisi institutunda elmi tədqiqat işləri aparmışdır.
  • 1990-cı ildə elmi işini müdafiə etmiş və Fizika-riyaziyyat elmləri namizədi alimlik dərəcəsi almışdır. 1998-ci ildən TQDK ilə əməkdaşlıq edir. TQDK-nın nəşr etdiyi Fizikadan test kitabçalarının (7- 11-ci siniflər üçün) müəllifidir.
  • 1992-2008 -ci tədris illərində Fizika-Riyaziyyat və İnformatika Təmayüllü Liseydə fizika müəllimi kimi fəaliyyət göstərmişdir.
  • 2008-2014-cü illərdə Z.Əliyeva adına liseydə fizika müəllimi vəzifəsində  işləmişdir.
  • 30-a  yaxın elmi əsərin müəllifidir. Orta məktəb Fizika və Astronomiya dərsliklərinin, Fizikadan sual və məsələlər (7-9-cu siniflər üçün), Fizika məsələləri (10-11-ci siniflər üçün) dərs vəsaitlərinin müəllifidir.

Təlim-tərbiyə işləri üzrə direktor müavini-Əliyeva Səbinə Süleyman qızı 2001- 2005- ci illərdə ADPU-nun fizika fakültəsində təhsil almışdir.

  • 2005-2006-cı ildə ADPU-nun Müəllimlərin İxtisasdəyişmə və Yenidən hazırlanma kursunda Riyaziyyat və İnformatika müəllimliyi şöbəsini bitirib.
  • 2010-2012-ci illərdə ADPU-nun Fizikanın tədrisi metodikası və metodologiyası ixtisası üzrə magistr təhsili almışdır.
  •  Azərbaycan xalqının Ümummilli Lideri Heydər Əliyevin  anadan olmasının 90 illik yubileyi ilə əlaqədar Heydər Əliyev Mərkəzinin orta ümumtəhsil məktəblərinin müəllimləri arasında elan etdiyi “Dövlətim üçün layiqli vətəndaş yetişdirirəm” yazı müsabiqəsində 22.06.2013 tarixdə diplom və planşetlə təltif edilmişdir.
  • 2014-cü ildə Azərbaycan Respublikası Təhsil Nazirliyi Təhsil Problemləri İnstitutu və “Demokratik Gənclər” İctimai Birliyinin Heydər Əliyevin anadan olmasının 91-ci ildönümü  münasibəti ilə təşkil etdiyi “Ən yaxşı blog” müsabiqəsində ən yaxşı dizayn naminasiyasında IV yerə layiq görülmüşdür
  • 2015-ci ildə Təhsil Nazirliyi və Qafqaz Universitetinin birgə təşkil etdiyi “ Direktorluq” kursunun bütün mərhələlərindən uğurla keçmişdir.
  • 2013-2014-cü tədris ilində 5-ci və 6-cı siniflərdə dərs deyəcək və indiyədək təlimdən keçməyən fizika fənn müəllimləri üçün yeni ümumi orta təhsil kurikulumu üzrə təlimlərdə təlimçi olmuşdur.
  • 2014-2015-cü tədris ilində 6-ci və 7-cı siniflərdə dərs deyəcək və indiyədək təlimdən keçməyən fizika fənn müəllimləri üçün yeni ümumi orta təhsil kurikulumu üzrə təlimlərdə təlimçi olmuşdur.
  • 2015-ci ildə Təhsil Nazirliyi və Edumedia şirkətində Fizika fənn müəllimləri üçün Labdics üzrə təlimçi olmuşdur.
  • 1 kitabın və 5 elmi məqalənin müəllifidir.
  • 2015 - ci ildən Kimya-Biologiya Təmayüllü Respublika Liseyində təlim-tərbiyə işləri üzrə direktor müavini vəzifəsində işləyir.

Təlim-tərbiyə işləri üzrə direktor müavini -Ağakişiyev Aslan Gənci oğlu 1978-ci ildə Azərbaycan Dövlət Universitetinin Kimya fakültəsini bitirmişdir. 

  • 1978-1980-ci illərdə Azərbaycan SSR Elmlər Akademiyasının Bioloji Tədqiqatlar Elmi Mərkəzində baş laborant vəzifəsində çalışmışdır.
  • 1980-1981-ci illərdə SSRİ Elmlər Akademiyasının Fotosintez İnstitutunda elmi təcrübə keçmişdir.
  • 1981-1984-cü illərdə SSRİ Elmlər Akademiyasının Fotosintez İnstitutunun əyani aspirantı olmuşdur.
  • 1986-cı ildə M.V.Lomonosov adına Moskva Dövlət Universitetində dissertasiya müdafiə etmiş və Biologiya elmlər namizədi alimlik dərəcəsi almışdır.
  • 1984-1994, 2000-2001-cü illərdə Azərbaycan Elmi-Tədqiqat Əkinçilik İnstitutunda kiçik, böyük, daha sonra aparıcı elmi işçi vəzifələrində çalışmışdır.
  • 1994-2000-ci illərdə Azərbaycan Respublikası Milli Ordusunda həqiqi hərbi xidmətdə olmuş, baş leytenant rütbəsindən mayor rütbəsinə qədər yüksəlmişdir.
  • 2000-2006-cı illərdə Odlar Yurdu Universitetində Tibb fakültəsinin baş müəllimi omuşdur.
  • 1993-1994-cü tədris ilində Sabunçu rayon 213 saylı tam orta məktəbdə biologiya müəllimi kimi fəaliyyət göstərmişdir.
  • 2007-2009-cu illərdə Sabunçu rayon 310 saylı tam orta məktəbdə biologiya müəllimi vəzifəsində çalışmışdır.
  • 2011-2014-cü illərdə Azərbaycan Beynəlxalq Təhsil Mərkəzi, Bakıxanov "Araz" hazırlıq kurslarında biologiya müəllimi kimi fəaliyyət göstərmişdir.
  • 2014-2015-ci tədris ilində Nərimanov rayon "Evrika" özəl liseyində Biologiya müəllimi kimi fəaliyyət göstərmişdir.
  • 2001-2015-ci illərdə Bakı Sənaye-Pedaqoji Kollecində biologiya müəllimi, "Təbiət elmləri" fənn birləşmə komissiyasının sədri vəifəsində çalışmışdır.
  • 2015-ci ildən Kimya Biologiya Təmayüllü  Respublika liseyində təmayül fənləri  üzrə direktor müavini vəzifəsində çalışır.
  • 24 elmi işin, 6 fənn proqramının və bir səmərələşdirici təklifin müəllifidir.

Tərbiyə işləri üzrə direktor müavini-Zülfüqarov Əliağa Məmməd oğlu 1959-cu ildə Bakı şəhərində anadan olmuşdur. 

  •  1986-cı ildə SSR-in 50 illiyi adına Azərbaycan Dövlət Pedaqoji Xarici Dillər İnstitutunun ingilis dili fakültəsini bitirmişdir. 
  •  1981-1997-ci illərdə AZAQROPROYEKT institutunda Təsərrüfat müdiri işləmişdir.
  •  1997-2010-cu illərdə Azərbaycan Beynəlxalq Universitetinin Xarici Dillər Kafedrasının Baş müəllimi vəzifəsində çalışıb. 
  •   2008-2009-cu illərdə Azərbaycan Beynəlxalq Universitetinin dissertantı olmuş, "Dil nəzəriyyəsi"ixtisası üzrə "İngilis dilinin Amerika variantında etnoqrafik realilərin şərhi problemi" adlı dissertasiyası mövzusu təsdiq edilmişdir. 

Bir neçə məqalənin müəllifidir:  

1. Azərbaycanın Ümummilli Lideri Heydər Əlirza oğlu Əliyev haqqında - " Dahilər Dahisi" - ABU, 14.01.2006

2. "Dövlət quruculuğu" ictimai siyasi jurnalda " Müsəlman şərqində ilk Parlamentli, Demokratik Respublika" 2010-cu il

3. " Gənc Tədqiqatşıların Ümumrespublika Elmi Konfransı". Qafqaz universiteti 06-07 may 2010-cu il "Dil realiləri həyat realilərinin əksi kimi"

Uğurlarımız[redaktə | əsas redaktə]

2014-cü ildə məzunumuz İbrahimov Elton 700 balla Bakı Ali Neft Akademiyasına qəbul olmuşdur. 2015- ci il məzunumuz Namazov Nadir 695 balla Bakı Ali Neft Akademiyasına qəbul olmuşdur. 2003-2012-ci illərdə də lisey öz uğurları ilə ictimaiyyətin diqqətini özünə çəkə bilmişdir, belə ki, son illərdə 9 nəfər məzunumuz Prezident təqaüdünə layiq görülmüş, 99 nəfər məzunumuz 600-dən yuxarı bal toplamış, 31 nəfər şagirdimiz Respublika fənn olimpiadalarında qaliblər sarasında olmuşlar. 2005-ci ildə liseyin XI sinif şagirdi İsgəndərov Hikmət Tayvanda keçirilən 37-ci Beynəlxalq kimya olimpiadasında gümüş medal almış və hazırda təhsilini Türkiyədə davam etdirir. Liseyin məzunlarından Səlimzadə Həsən, Adgözəlzadə Samir, Qəhramanov Ürfan, Əsgərov Sənan və Mürsəlzadə Əliağa Türkiyənin Gülhanə Hərbi Tibb Akademiyasında, Quliyev Şaiq ABŞ-nın Harvard Universitetində, Axundzadə Fətullah İstanbul Tibb Universitetində, Aslanov Nuralı, Səzairova Məcidiyyə və bir çox başqaları Türkiyənin Tibb Universitetlərində, həmçinin bir sıra məzunlarımız Rusiya, Ukrayna və Litvanın Tibb Universitetlərində təhsillərini uğurla davam etdirirlər. 2007-2012-ci illərdə Heydər Əliyevin anadan olması münasibətilə keçirilmiş Respublika inşa müsabiqələrində liseyin şagirdləri Abbaszadə Hikmət, Əsədullayeva Leyla və Quliyeva Günel qaliblər sırasında olmuş, onların yazıları “H.Əliyev məktəblilərin gözü ilə” kitablarında nəfis şəkildə nəşr edilmişdir. Liseyin şagirdi Quliyev Məhəmməd 2006-cı ildə Tokioda və 2007-ci ildə Stokholmda keçirilən dünya kuboku yarışlarında karate üzrə qalib olmuş, Azərbaycan bayrağını uzaq ellərdə şərəflə qaldırmışdır. O, 6 dəfə Azərbaycan çempionu olmuş, Avropa və Dünya birinciliklərinin qalibi və ya mükafatçıları sırasında olmuşdur, hazırda Prezident Aparatı yanında İdarəçilik Akademiyasının “Hüquqşünaslıq” fakültəsində oxuyur. 2007 –ci tədris ilinin məzunu Quliyev Tural IV qrup üzrə Respublikada ən yüksək nəticə - 687 bal toplamış və hazırda Azərbaycan Tibb Universitetində prezident təqaüdü ilə oxuyur. 2009-cu tədris ilinin məzunu Yusifli Əlizamin IV qrup üzrə ən yüksək nəticə -690 bal toplamış və Tibb Univeristetində prezident təqaüdü ilə oxuyur. 2007-ci ildəliseyimizi bitirən və Prezident yanında idarəetmə Akademiyasına 691 balla qəbul olunub, universitetdə oxuduğu dörd il müddətində Prezident təqaüdünə layiq görülmüş şagirdimiz Əliyev Fuad Rasim oğlu təhsili İngiltərədə davam etdirmişdir.

Müəllimlərimiz[redaktə | əsas redaktə]

 Son illərdə liseyin müəllimlərindən 2 nəfəri “Əməkdar müəllim”, 2 nəfəri “Tərəqqi”medalı və 2 nəfəri “Qabaqcıl təhsil işçisi” fəxri adlarına layiq görülmüşlər. Bu gün kollektivimiz öz üzərinə düşən işin öhdəsindən layiqincə gəlir, təhsil islahatının uğurla həyata keçirilməsi üçün əlindən gələni edir, belə ki, yeni dərslik və proqramların yazılmasında liseyin kimya, biologiya və fizika müəllimlərinin əməyini xüsusi ilə qeyd etmək lazımdır. Liseyin biologiya müəllimi Şükür Mahmudov X və XI siniflərdə tədris olunan “Ümumi biologiya” dərsliyinin, kimya müəllimi Lətif Qasımov VIII – XI sinifdə tədris olunan “Kimya” dərisliklərinin, fizika müəllimi Arif Abdullayev isə fizikadan yeni proqramın müəlliflərindən biridir. Bütün bu qazanılan uğurların kuliminasiya nöqtəsi olaraq möhtərəm Prezidentimiz İlham Əliyev cənablarının 19 avqust 2008-ci il tarixli sərəncamı ilə 2007-2008-ci tədris ilində keçirilmiş “Ən yaxşı 50 ümumtəhsil məktəbi” müsabiqəsində Kimya – biologiya təmayüllü Respublika liseyinin  də qaliblər sırasında olmasıdır.

Ünvan[redaktə | əsas redaktə]

Ünvan: AZ1060,Bakı,Nizami,Şirin Mirzəyəv,53
Telefon: (+994 12) 323-77-95,

 (+994 12) 323-78-42

Website: https://www.kbtr.blogspot.com
Email: [[1]]