Kosovo avtomobil dövlət yol nişanı

Vikipediya, azad ensiklopediya
Jump to navigation Jump to search

Kosovo avtomobil dövlət yol nişanı- nəqliyyat vasitəsinin dövlət qeydiyyat nişanı Kosovo Respublikasının ərazisində və ya onun hüdudlarından kənarda yol hərəkətində olan hər bir nəqliyyat vasitəsini fərqləndirən, onun qabaq və arxa hissələrində (motosikletlərdə, traktorlarda və qoşqularda isə yalnız arxa hissəsində) müəyyən edilmiş yerlərdə bərkidilmiş xüsusi lövhə. Kosovo Respublikası Daxili İşlər Nazirliyi tərəfindən verilir. Kosovanın yeni dövlət yol nişanları 6 dekabr 2010-cu il tarixində tanıdılmışdır.[1] 1 noyabr 2011-ci il tarixindən etibarən Kosovonun şimalındakı köhnə Serbiya nəqliyyat vasitəsi lövhələri UNMİK lövhələri ilə dəyişdirilmişdir.

Kosovo avtomobil dövlət yol nişanı[redaktə | əsas redaktə]

Hərflər və rəqəmlər[redaktə | əsas redaktə]

Kosovo Respublikası dövlət qeydiyyat nişanı
Priştina nəqliyyat lövhəsi (01)

Kosovanın yeni dövlət qeydiyyat nişanı dizaynı 6 dekabr 2010-cu il tarixində tanıdılmışdır.[1] Yeni lövhəyə RKS ifadəsi əlavə olunub. Söz mövzusu olan RKS (Republic of Kosovo) hərfləri Kosovo Respublikasının beynəlxalq ölkə kodudur. Lövhənin sol yuxarısında mavi lent içində RKS ifadəsi vardır.

Lövhədə mavi zolağın sağdan iki xana olaraq regionun qeydiyyat nömrəsi, sonra Kosovo gerbi, üç rəqəmli say və iki rəqəmli hərf sırası yer alır.[2] Üç rəqəmli say sırası 101-dən, iki rəqəmli hərf sırası isə AA-dan başlayır.

1 Noyabr 2011-ci il tarixindən etibarən Kosovonun şimalındakı köhnə Serbiya nəqliyyat vasitəsi lövhələri UNMİK lövhələri ilə dəyişdirilib və bu lövhələr Kosovo - Serbiya nəqliyyatında istifadə edilir.

Qeydiyyat nömrələri[redaktə | əsas redaktə]

Kod Region Kod regionundakı bələdiyyələr
01 Priştina
02 Mitroviça
03 İpək
04 Prizren
05 Ferizovik
06 Gilan
07 Yakova

Tarix[redaktə | əsas redaktə]

UNMİK tərəfindən 2001-ci ildə istifadəyə təqdim edilən Kosovo nömrəsi. Yeni lövhələr bütün Kosovoda istifadədə olarkən hələ Serbiya belə lövhələrdən istifadə etmirdi.
Yuqoslaviya dövründə bir Kosovo lövhəsi
PZ = Prizren

UNMİK Dövrü[redaktə | əsas redaktə]

UNMIK nəqliyyat vasitəsi lövhələri UNMİK tərəfindən 1999-cu ildən 2010-cu ilə qədər istifadə edilmişdir. 1 Noyabr 2011-ci il tarixindən etibarən Serbiyaya avtomobillə keçmək vəziyyətində olan Kosovo vətəndaşları üçün istifadədə olub. Kosovonun şimalındakı köhnə Serbiya nəqliyyat vasitəsi lövhələri də UNMİK lövhələri ilə dəyişdirilib və bu lövhələr Kosovo - Serbiya nəqliyyatında istifadə edilir. Serbiyada yeni Kosovo lövhələri istifadə edilmir.

2010-cu ilin dekabrından etibarən bu nömrələrin verilməsi dayandırılmışdır. Ancaq Priştina ilə Belqrad arasındakı siyasi danışıqların işığında bu köhnə UNMİK lövhələrinin Kosovonunn şimalı üçün və Serbiyaya səyahət edəcək Kosovo vətəndaşları üçün istifadəsi davam edir.

Yuqoslaviya Dövrü[redaktə | əsas redaktə]

Kosovonun müstəqilliyindən əvvəl muxtar bölgə statusunda olduğu üçün Yuqoslaviya Sosialist Federativ Respublikası və dağılmasından sonra Yuqoslaviya Federativ Respublikası dövründə Yuqoslaviya daxilində istifadə edilən lövhələr bölgədə də eynilə istifadə edilmişdir.

Yuqoslaviya dövrü nəqliyyat vasitəsi lövhələrinin ilk qismi əlaqədar region mərkəzinin qısaltmasını (PZ = Prizren, PR = Priştina kimi) ifadə etmişdir. Sonrakı say qisimləri də nəqliyyat vasitəsinin qeydiyyatdan keçməsi əsnasında verilirdi.

İstinadlar[redaktə | əsas redaktə]

  1. 1 2 Nisi shpërndarja e targave të reja RKS Koha Ditore, 6 Aralık 2010
  2. http://www.mpb-ks.org/repository/docs/Udhezimi_Regjistrimi_Automj_teve.pdf ADMINISTRATIVE INSTRUCTION No. 14/2009 – MIA ON VEHICLE REGISTRATION, RKS.