Kristian Dopler
| Kristian Dopler | |
| Christian Doppler | |
 |
|
| Doğum tarixi: | 29 noyabr 1803 |
|---|---|
| Doğum yeri: | Zaltsburq, Avstriya |
| Vəfatı: | 17 mart 1853 (49 yaşında) |
| Vəfat yeri: | Venesiya, İtaliya |
İohann Kristian Andreas Dopler (d. 29 noyabr 1803 - ö. 17 mart 1853) — Avstriyalı riyaziyyatçı və fizik. 1800-cü illərin ortalarında öz adı ilə adlandırıldığı "Dopler effekti" sayəsində məşhurlaşdı. Kristian Dopler radio dalğası yayan hər hansı bir cismin müşahidəçiyə yaxınlaşıb-uzaqlaşdıqca tezliyinin dəyişirmiş kimi müşahidə olunması nəzəriyyəsini fikrini söyləmişdir.
Mündəricat
Həyatı[redaktə | əsas redaktə]
Kristian Dopler Avstriyanın Salzburq kəndində olduqca istedadlı divar ustasının ailəsində anadan olmuşdur.Ancaq vücudu zəif,xüsusilə də xəstə olduğu üçün tez-tez atası ilə birgə çalışa bilməmişdir.Salzburqda lisey təhsilini tamamladıqdan sonra Vyanada astronomiya və riyaziyyatla bağlı ciddi işlər görən Dopler, 1841-ci ildən etibarən Çex Texnik Universitetində riyaziyyat və fizika professoru olaraq çalışmışdır.
Bir il sonra, onu dünyaya məşhurlaşdıran Dopler effekti haqda məqalə yazıb, Praqadakı professorluq kariyerası boyunca riyaziyyat,fizika və astronomiya mövzularında 50-dən çox elmi iş nəşr etdirmişdir.
Praqadakı araşdırmaçılıq kariyerası, 1848-ci ildə baş verən inqilablar səbəbindən yarımçıq qalmış və Vyanaya qaçmaq məcburiyyətində qalmışdır. 1850-ci ildə Vyana Universiteti nəzdində olan "Təcrübi Fizika universiteti"nə başçılıq etmişdir.
1853-cü ildə 50 yaşında olarkən Venesiyada ağciyər xəstəliyi səbəbindən vəfat etmişdir.
Ədəbiyyat[redaktə | əsas redaktə]
- Храмов Ю. А. Физики. часть = Доплер Христиан (Doppler Johann Christian), с. 106, ссылка часть 544.
