Kristina Pravdina
_pictogram.svg){kind=small} Kristina Pravdina | |
|---|---|
| Şəxsi məlumatlar | |
| Tam adı | Kristina Sergey qızı Pravdina |
| Vətəndaşlığı |
 Azərbaycan |
| Doğum tarixi | |
| Doğum yeri |
Voronej, .svg){kind=small} Rusiya SFSR |
| Boyu | 158 sm. |
| Çəkisi | 48 kq. |
| İdman növü |
İdman Gimnastikası |
| 18 aprel 2016 tarixində yenilənib. | |
Kristina Pravdina — Rus əsilli Azərbaycanlı idman gimnastı. 2006-cu ildə Orhus şəhərində keçirilən Dünya Çempionatının bürünc medalçısıdır.
Həyatı[redaktə | mənbəni redaktə et]
Kristina Pravdina 28 dekabr 1990-cı ildə Rusiyanın Voronej şəhərində anadan olmuşdur. Kristina Pravdina 1995-ci ildən idman ilə məşğul olur. Kristina Pravdina Voronej Dövlət Bədən Tərbiyəsi İnstitutunun məzunudur.
Karyerası[redaktə | mənbəni redaktə et]
Kristina Pravdina ən böyük uğurunu 2006-cı ildə Rusiya bayrağı altında qazandı. O Danimarkanın Orhus şəhərində keçirilən Dünya Çempionatında komanda yarışlarında bürünc medal qazandı. Daha sonra Kristina Pravdina Azərbaycanın uğurları üçün çalışdı.
O Azərbaycan bayrağı altında birinci uğurunu Azərbaycan Çempionatında qazandı. Kristina Pravdina 2015-ci ildə çoxnövçülük və müxtəlif hündürlüklü qollarda Azərbaycan Çempionatının qızıl medalını qazandı. Elə həmin il o həmçinin Almaniyanın Kotbus şəhərində keçirilən Dünya Kubokunda 2-ci yeri tutdu və gümüş medal qazandı.
Kristina Pravdina 2015-ci ildə önəmli yarışlarından birinə Bakı şəhərində qatıldı. O Azərbaycanı I Avropa Oyunlarında təmsil etdi. Amma bu yarışlarda Kristina Pravdina medal qazana bilmədi. O müxtəlif hündürlüklü qollarda 11.666 xalla 39-cu, dirəkdə isə 12.033 xalla 41-ci yeri tutdu.
Ailəsi[redaktə | mənbəni redaktə et]
Kristina Pravdinanın anası Nina Pravdina İdman Gimnastikası üzrə Azərbaycan millisinin məşqçisidir.