Kukesi FK

Vikipediya, azad ensiklopediya
Naviqasiyaya keçin Axtarışa keçin
Kukesi FK
Loqonun şəkli
Ölkə Albaniya Albaniya
Rəng(lər) göy,
Yaranma tarixi 4 mart 1930 (93 il əvvəl) (1930-03-04)
Stadionu "Zekir Emeri" stadionu
Tutumu 5000
Prezidenti Safet Gyici
Baş məşqçisi İskender Geqa
Liqa Albaniya Super Liqası
2022/23 7.
Rəsmi saytı
Vikianbarın loqosu Vikianbarda əlaqəli mediafayllar

"Kukesi"Albaniyanın Kukes şəhərini təmsil edən futbol klubu.

Tarixi[redaktə | mənbəni redaktə et]

1930-cu il martın 4-də yaradılmışdır[1].

Klubun adı[redaktə | mənbəni redaktə et]

Klubun ilk adı "Şöqeriya" olub[1]. İkinci Dünya müharibəsinin ardından ilk dəfə Albaniyanın III liqasında mübarizə aparan komanda 1958-ci ildən "Perperami" adını daşımağa başlayıb. 2010-cu ildə yenidən ad dəyişikliyinə gedən rəhbərlik bu dəfə kluba "Kukesi" adını verib[1].

Elitada[redaktə | mənbəni redaktə et]

"Kukesi" II liqa çempionu kimi ilk dəfə 2012/2013 mövsümündə elitaya vəsiqə qazanmışdır. Klub yüksək liqadakı ilk mövsümündəcə gümüş medala yiyələnərək, UEFA Avropa Liqasında iştirak hüququ qazanmışdır. Bundan sonra da ardıcıl 2 dəfə – 2013/2014, 2014/2015 mövsümlərində çempionatı 2-ci yerdə tamamlayan, 2015/2016 mövsümündə isə üçüncülüklə kifayətlənən klub, nəhayət ki, 2016/2017 mövsümündə tarixinin ilk çempionluğunu qazanmışdır[1].

"Kukesi" həmçinin 1 dəfə – 2015/2016 mövsümündə Albaniya kubokunu, 1 dəfə də – 2016-cı ildə Albaniya Superkubokunun sahibi olmuşdur[1].

Avropa kuboklarında[redaktə | mənbəni redaktə et]

Klub 2013/2014 mövsümündə avrokuboklarda debüt etməsinə baxmayaraq, kifayət qədər təhlükəli rəqib olduğunu qısa müddətdə göstərməyi bacarmışdır[1]. İlk mövsümündəcə UEFA Avropa Liqasında 3 mərhələ keçən albanlar yalnız pley-offda "Trabzonspor"a yenilmişlər[1]. 2014/2015 mövsümündə Avropa Liqası ilə erkən vidalaşan klub, 2015/2016 mövsümündə 2, 2016/2017 mövsümündə isə 1 mərhələ adlaya bilmişdir[1]. 2017/2018 mövsümündə isə tarixində ilk dəfə UEFA Çempionlar Liqasında mübarizə aparmışdır[1].

Stadionu[redaktə | mənbəni redaktə et]

Komanda ev oyunlarını Kukes şəhərində yerləşən "Zekir Emeri" stadionunda keçirir[1]. Lakin 5000 tamaşaçı tutumuna malik stadion beynəlxalq standartlara cavab vermədiyindən, "Kukesi" avrokubokda rəqiblərini Albaniya yığmasının stadionu olan Elbasan şəhərinin 12800 tamaşaçı tutumuna malik eyniadlı arenasında qəbul edir[1].

İstinadlar[redaktə | mənbəni redaktə et]

  1. 1 2 3 4 5 6 7 8 9 10 11 87 yaşlı yeni çempion – “Kukesi” Arxivləşdirilib 2021-10-20 at the Wayback Machine. apasport.az, 14.07.2017  (az.)