Leninen kiyava (qəzet)
| Leninen kiyava | |
|---|---|
| Yaranma tarixi | 10 yanvar 1931 |
| Dil | erzyanca |
| Baş ofis | |
| Ünvan | Saransk |
«Leninen kiyava» qəzeti[1] (Lenin yolu ilə) (rus. «По ленинскому пути») — «Leninen kiyava» qəzeti («Lenin yolu ilə») Mordoviya Regional Komitəsi və Ümumittifaq Leninist Kommunist Gənclər Birliyi Saransk Şəhər Komitəsi rəsmi mətbuat orqanı olaraq fəaliyyətə başlamışdır. Qəzet Mordoviyada 1931-ci ilin iyul ayından 1941-ci ilin iyul ayına kimi buraxılmışdır. Ümumittifaq Kommunist Partiyası bürosunun qərarı ilə qəzet beş gündə bir dəfə olmaqla erzyan dilində buraxılırdı. Qəzetin məqsədi mülayim, ağıllı, istedadlı, öz dilini və mədəniyyətini sevən gənclər yetişdirmək idi. Qəzetin redaksiyası Saransk şəhəri, Volodarsk küçəsi, ev 34 ünvanında yerləşirdi. İlk dövrdə qəzet ləvazimatlar və kadrlar baxımından böyük çətinliklər yaşayırdı. Qəzet abunəçiləri arasında fəhlə-kəndlilər və gənclər azlıq təşkil edirdi. Qəzetin ümumi dövriyyəsi 2500 nüsxə təşkil etmişdir. Çətinliklərə baxmayaraq gənclər qəzeti həmişə Mordovalı vətəndaşların gəncləri arasında böyük dəstək alırdı. «Leninen kiyava» («Lenin yolu ilə») qəzeti bu illər Saransk işçi fakultəsinin tələbələri arasında sevimli qəzetə çevrilir. Qəzetin 300 daimi abunəçisi vardı. Leninen kiyava müəssələrdə, məktəblərdə, kəndlərdə və s. yerlərdə böyük marağa səbəb olmuşdur. İ. D. Voronin adına Mordoviya diyarşunaslıq muzeyinin eksponatları arasında «Leninen kiyava» qəzetinin 1935, 1937, 1940, 1941-ci illər tirajının nüxsələri saxlanılır. Burada zamanın təsirindən saralmış qəzetlər öz mövcudluğunu qoruyur. Bu nüxsələrsə Mordoviya xalqının tarixi yazırlıb. Müxtəlif vaxtlarda qəzetə erzyan əsilli ən yaxşı jurnalist kadrları rəhbərlik etmişdir: V.M. Kuzmin, İ.S. Tyurkin, А.S. Şeqlov, redaktor müavinləri А.O. Brijinski, T.A. Raptanov. Onların taleyləri çox oxşardır. Onlar böyük kəndli ailələrində doğulmuş, öz doğma kəndlərində ibtidai məktəbi bitirdikdən sonra təhsillərini Saranskda davam etdirmiş, Böyük Vətən müharibəsində iştirak etmişlər. Onlar vətən qarşısında xidmətlərinə görə orden və medallarla təltif olunmuşlar. Onların hamısı fəal və yorulmaz işçilər, bacarıqlı təşkilatçılar idi. Respublikada baş verən hadisələrə tez və əzmkarlıqla münasibət bildirirdilər. Hər bir liderin fərdiliyi öz yaradıcılıq prosesində öz əksini tapmışdı, lakin nəşrin əsas xətti dəyişməz idi - Erzya dilinin yüksək peşəkar tələbləri və saflığı.
İstinadlar
[redaktə | mənbəni redaktə et]- ↑ "Российская Государственная Библиотека: Национальная библиотека им. А. С. Пушкина Республики Мордовия (rus.)". 2019-04-24 tarixində arxivləşdirilib. İstifadə tarixi: 2019-04-24.