Lesya Nikityuk

Vikipediya, azad ensiklopediya
Naviqasiyaya keç Axtarışa keç
Lesya Nikityuk
ukr. Леся Нікітюк
Doğum tarixi (36 yaş)
Doğum yeri Xmelnitski, Ukrayna SSR, SSRİ
Vətəndaşlığı Ukrayna Ukrayna
Atası İvan İvanoviç Nikityuk
Anası Yekaterina Petrovna Nikityuk
Fəaliyyəti jurnalist, televiziya aparıcısı, aktrisa, aparıcı, KVN actor[d]
Fəaliyyət illəri 2009-cu ildən
Vikianbarın loqosu Vikianbarda əlaqəli mediafayllar

Lesya İvanovna Nikityuk (ukr. Леся Іванівна Нікітюк; d. 19 oktyabr 1987, Xmelnitski) — Ukrayna teleaparıcısı. Daha çox "Oryol i Reşka" (rus. Орёл и решка) verilişinin aparıcısı kimi tanınır.

Həyatı[redaktə | mənbəni redaktə et]

Lesya Nikityuk 19 oktyabr 1987-ci ildə Xmelnitski şəhərində anadan olmuşdur. Anası Yekaterina Petrovna Nikityuk və atası İvan İvanoviç Nikityuk "Ukrelektroapparat" Açıq Səhmdar Cəmiyyətinin işçiləri olub. Məktəbi bitirdikdən sonra Lesya Xmelnitski humanitar-pedaqoji akademiyasında ali təhsil alıb. Təhsil aldığı illərdə gənc qız "Tornado Lüks" KVN komandasının iştirakçısı olmuşdur.[1] "Qalya, mən marşrutdayam" səhnəciyi YouTube portalında 4 milyondan artıq baxış toplamışdır.[2]

2009-cu ildə Lesya yaxın rəfiqəsi Olqa Panasenko ilə birlikdə "Biqudi şou"da çıxış etməyə başlayıb.[3] 2011-ci ildə Lesya və Olqa "Рассмеши комика" şousuna qatılıb və 10.000 qrivna qazanıblar. 2012-ci ildə onlar yenidən həmin şouda iştirak edib və bu dəfə 50.000, ardınca isə 20.000 qrivni əldə ediblər.[1]

2012-ci ildə Lesya "Oryol i Reşka" (rus. Орёл и решка) səyahət verilişinin aparıcısı oldu. 2013-cü ildə K1 kanalında onun müəllif proqramı olan "Леся-ЗдЄся" yayımlanmağa başlayıb.[4]

8 fevral 2015-ci ildə "Oryol i reşka"nın 10-cu yubiley mövsümünün nümayişi başlanmışdır. Orada Lesya Nikityuk da digər həmkarları ilə birlikdə iştirak edib.

2015-ci ildə Lesya Nikityuk, Andrey Bednyakov, Regina Todorenko və Janna Badoyeva Svetlana Lobodanın "Пора домой" (azərb. "Evə getmək vaxtıdır"‎) klipində çəkiliblər. Aparıcı, eləcə də, əyləncəli proqram aparıcısı kimi milli televiziya mükafatı "Teletriumf"a namizəd olub.[5]

10 dekabr 2015-ci ildə Lesya Nikityuk "Oryol i reşka" proqramı ilə dünya səyahətinə çıxmışdır. Lakin 24-cü buraxılışdan sonra "Dünya səyahəti"ni yeni şou naminə tərk etmişdir.[6][7] Интер Ukrayna telekanalındakı həmin şou "Вокруг М" adlanırdı,[8] Пятница rus telekanalında isə "Леся здеся" adı almışdı.[9] Bu dəfə veriliş şou-biznesə yox, bütün dünyadakı kişilərə həsr olunmuşdu. Şounun premyerası 10 sentyabr 2016-cı ildə oldu.

2016-cı ilin dekabrında "XXL" kişi jurnalının açıq fotosessiyasında iştirak etmişdir.[1][10]

2016-cı ilin sonunda Lesya Regina Todorenko ilə birlikdə "Oryol i reşka"nın "Dünyanın ən cənnət və cəhənnəm yerləri" adlanan 13-cü mövsümünün çəkilişinə yollanıb.[11] Mövsümün premyerası 2017-ci ilin fevralında baş tutub.

Televiziya fəaliyyəti[redaktə | mənbəni redaktə et]

  • Рассмеши комика — iştirakçı
  • Орёл и решка — aparıcı (4–5, 10–13-cü mövsümlər)
  • Леся-ЗдЄся ("К1" telekanalı) — aparıcı
  • Вокруг М ("Интер" telekanalı) / Леся здеся ("Пятница!" telekanalı) — aparıcı

Mükafat və nominasiyalar[redaktə | mənbəni redaktə et]

İl Mükafat Nominasiya Nəticə
2015 Teletriumf Əyləncəli proqram aparıcısı Namizəd
2016 TEFİ "Həyat tərzi" (rus. "Образ жизни") əyləncəli proqramı Qazandı[12]
2016 Teletriumf Məlumat xarakterli əyləncəli proqram ("Орел и решка. Кругосветка") Qazandı
2017 2017-ci ilin ən uğurlu qadını İlin teleaparıcısı Qazandı

İstinadlar[redaktə | mənbəni redaktə et]

  1. ↑ 1 2 3 "Что известно о новой ведущей шоу "Кто сверху"". «Комсомольская правда на Украине». 2017-06-18. 2017-06-20 tarixində arxivləşdirilib. İstifadə tarixi: 2017-07-23.
  2. ↑ "Постановка «Галя я в маршрутке» на YouTube". 2022-03-30 tarixində arxivləşdirilib. İstifadə tarixi: 2017-07-23.
  3. ↑ "«Бигуди Шоу» на YouTube". 2022-01-27 tarixində arxivləşdirilib. İstifadə tarixi: 2017-07-24.
  4. ↑ "«Леся-ЗдЄся» на YouTube". 2023-07-26 tarixində arxivləşdirilib. İstifadə tarixi: 2017-07-24.
  5. ↑ "Оголошено трійки кращих номінантів премії «Телетріумф 2014-2015» за підрахунками голосів журі". премия «Телетриумф». 2017-06-24 tarixində arxivləşdirilib. İstifadə tarixi: 2017-07-24.
  6. ↑ Орёл и Решка. Кругосветка — Леся Никитюк ушла из проекта[ölü keçid]
  7. ↑ "Леся Никитюк ушла из шоу "Орел и решка" ради идеального мужчины". 2016-06-30 tarixində orijinalından arxivləşdirilib. İstifadə tarixi: 2017-07-24.
  8. ↑ "Вокруг М на сайте телеканала Интер". 2017-07-27 tarixində orijinalından arxivləşdirilib. İstifadə tarixi: 2017-07-24.
  9. ↑ ""Леся здеся" на сайте телеканала "Пятница!"". 2022-01-21 tarixində arxivləşdirilib. İstifadə tarixi: 2017-07-24.
  10. ↑ "Леся Никитюк из «Орла и Решки» впервые разделась для мужского журнала". журнал «Cosmopolitan». 2016-12-05. 2016-12-08 tarixində arxivləşdirilib. İstifadə tarixi: 2017-07-24.
  11. ↑ "В «Орле и решке» покажут адские и райские уголки мира". «Комсомольская правда на Украине». 2016-11-03. 2016-12-20 tarixində arxivləşdirilib. İstifadə tarixi: 2017-07-24.
  12. ↑ "Названы первые лауреаты ТЭФИ-2016" (rus). 2016-06-28. 2016-06-29 tarixində arxivləşdirilib. İstifadə tarixi: 2017-07-24.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Lesya_Nikityuk&oldid=7305615"