Janna Badoyeva

Vikipediya, azad ensiklopediya
Jump to navigation Jump to search
Janna Badoyeva
ukr. Жанна Бадоєва
Zhanna Badoeva.jpg
Doğum tarixi 18 mart 1976(1976-03-18) (44 yaş)
Doğum yeri
Vətəndaşlığı
Fəaliyyəti aktrisa, rejissor[d], aparıcı[d], prodüser, televiziya aparıcısı[d], dizayner, traveller, televiziya prodüseri[d], pedaqoq, müəllimə
Saytı zhannabadoeva.com
Commons-logo.svg Vikianbarda əlaqəli mediafayllar

Janna Osipovna Badoyeva (ukr. Жанна Йосипівна Бадоєва; qızlıq soyadı — Dolqopolskaya; d. 18 mart 1976, Majeykyay, Litva SSR, SSRİ) — Ukraynalı teleaparıcı və rejissor. Daha çox "Oryol i Reşka" səyahət proqramının müəllifi və aparıcısı kimi tanınır.[1]

Həyatı[redaktə | əsas redaktə]

Janna Badoyeva 18 mart 1976-cı ildə Litvanın Majeykyay şəhərində anadan olmuşdur. Onun valideynləri mühəndis idilər, buna görə də qızlarının inşaat texnikumuna daxil olmasını arzu edirdilər. Janna bu texnikuma daxil olur və sonadək təhsil alır. Sonra Kino və Televiziya İnstitutunun aktyorluq fakültəsinə daxil olmaq istəyir, lakin yaşı çatmır. Rejissorluq fakültəsini bitirərək, ardınca Kiyevdə yerləşən ali məktəblərin birində işləməyə başlayır.

Televiziya karyerası[redaktə | əsas redaktə]

Badoyeva Comedy Club U.A. şousunun ilk rezident qadını olmuşdur. 1+1 telekanalında efirə çıxan "Танцую для тебя" (azərb. "Sənin üçün rəqs edirəm"‎) layihəsində və "Суперзвезда", "Шарманка", "Лялечка" verilişlərində iştirak etmişdir. Mədəniyyət Universiteti nəzdində Kino və Televiziya Məktəbində aktyor sənətini tədris etmişdir[2].

2011-ci ildə Janna Badoyeva Yevgeni və Yelena Sinelnikovlar, həmçinin Natella Krapivina ilə birlikdə Интер telekanalında "Oryol i Reşka" (rus. Орёл и решка) proqramının formatını irəli sürmüşlər. Janna həyat yoldaşı Alan Badoyevlə bu verilişin aparıcısı olmuşdur. 2012-ci ildə – üçüncü mövsümdən sonra layihəni tərk etmişdir; onu Lesya Nikityuk əvəz etmişdir. 8 fevral 2015-ci ildə "Oryol i reşka" verilişinin 10-cu yubiley buraxılışı efirə çıxarkən, digər həmkarları ilə birlikdə Janna Badoyeva da həmin verilişdə iştirak etmişdir[3]. 2017-ci ilin noyabrında Jannanın "ulduzlu" mövsümün bir buraxılışında layihəyə qayıdacağı açıqlanmışdı[4].

5 mart 2015-ci ildə Пятница! telekanalında "Битва салонов" (azərb. "Salonların döyüşü"‎) proqramının premyerası olmuşdur. Verilişin 1-ci və 2-ci mövsümlərinin aparıcısı Janna Badoyeva olmuşdur. Onun vəzifəsi hazır süjetlərə nəzər salmaq və öz münasibətini bildirmək idi[5][6].

2015-ci ilin sentyabrın əvvəlində Пятница! telekanalında Janna Badoyeva "#ЖаннаПожени" (azərb. "Janna, evləndir"‎) adlı yeni proqramını təqdim etdi. Verilişin əsas ideyası planetin müxtəlif yerlərində aparıcının şəxsən təşkil etdiyi toy mərasimlərini göstərmək idi[7][8]. Layihə başa çatmışdır.

2016-cı ildə Janna "Опасные гастроли" (azərb. "Təhlükəli qastrollar"‎) proqramında çəkilmişdir. Bu verilişdə Vova Myaso kimi tanınan Vladimir Petrov və Janna Badoyeva marginal Avropa dünyasını araşdırırdılar[9][10].

2017-ci ildə Janna Badoyeva Пятница! telekanalında "ЖаннаПомоги" (azərb. "Janna, kömək et"‎) müəllif proqramının aparıcısı olmuşdur. O, həmin proqramda öz xarici görünüşlərindən sıxılan və internet tanışlıqlarına üstünlük verən qızların köməyinə gəlir[11].

2019-cu ilin fevralından Pervıy kanalda yayımlanan "Жизнь других" (azərb. "Başqalarının həyatı"‎) proqramının aparıcısıdır[12].

Ayaqqabı kolleksiyası[redaktə | əsas redaktə]

17 oktyabr 2016-cı ildə Janna italyan dizayner Ernesto Espozito ilə birlikdə hazırladığı ZHANNA BADOEVA debüt ayaqqabı kolleksiyasını təqdim etmişdir.[13][14] 2017-ci ildən ayaqqabı satışı üzrə internet mağazası fəaliyyət göstərir.

Şəxsi həyatı[redaktə | əsas redaktə]

  • 1-ci həyat yoldaşı (1996—1998) — İqor Kuraçenko. İlk nikahdan oğlu — Boris Kuraçenko.
  • 2-ci həyat yoldaşı (2003—2012) — kurs yoldaşı Alan Badoyev (d. 10 yanvar 1981), Ukrayna rejissoru, klipmeyker və prodüser. İkinci nikahdan qızı — Lolita Badoyeva.
  • 3-cü həyat yoldaşı (2015-ci ildən) — Vasili Melniçin, biznesmen. İtaliyada yaşayır və fəaliyyət göstərir[15][16].

Janna Badoyeva 2013-cü ildən övladları ilə birlikdə İtaliyada yaşayır[17].

Telelayihələr[redaktə | əsas redaktə]

  • "Oryol i Reşka" (Интер, Пятница!) — aparıcı (1-3 və 10-cu mövsümlər).
  • "МастерШеф" (СТБ) — münsiflər heyətinin üzvü (2-ci mövsüm).
  • "Битва салонов" (Пятница!) — aparıcı.
  • "#ЖаннаПожени" (Пятница!) — aparıcı.
  • "Опасные гастроли" (Пятница!) — aparıcı.
  • "ЖаннаПомоги" (Пятница!) — aparıcı.
  • "Жизнь других" (Pervıy kanal) — aparıcı.

İstinadlar[redaktə | əsas redaktə]

  1. "Студия «Украина»: кто снимает развлекательные хиты для российского ТВ". РБК. 2019-07-27.
  2. Жанна БАДОЕВА: «Не жду подходящих условий. Люблю просто так»
  3. "Бадоева, Бедняков, Серга... В шоу «Орел и решка» возвращаются лучшие ведущие!". Комсомольская правда. 2019-07-27.
  4. "Жанна Бадоева заинтриговала возвращением в шоу «Орел и решка»". Теленеделя UA. 2019-07-27.
  5. "Жанна Бадоева променяла путешествия на салон красоты". Woman’s Day. 2019-07-27.
  6. «Битва салонов» на сайте телеканала «Пятница!»
  7. «#ЖаннаПожени» на сайте телеканала «Пятница!»
  8. "Жанна Бадоева на авторской теле-программе примерит свадебное платье". 2019-07-27.
  9. "Жанна Бадоева отправилась в «Опасные гастроли»". Вокруг ТВ. 2019-07-27.
  10. «Опасные гастроли» на сайте телеканала «Пятница!»
  11. «ЖаннаПомоги» на сайте телеканала «Пятница!»
  12. Ксения Падерина (2019-02-16). "Жанна Бадоева: Безумно интересно заглянуть в чужие окна!". Комсомольская правда. İstifadə tarixi: 2019-07-27.
  13. "Жанна Бадоева представила дебютную коллекцию обуви". Hello!. 2016-10-18.
  14. "Жанна Бадоева станет дизайнером обуви". StarHit. 2019-07-27.
  15. "Жанна Бадоева — биография, личная жизнь, фото и телепроекты, последние новости". 24СМИ.
  16. Интервью с Жанной Бадоевой Вокруг ТВ, 28 oktyabr 2015
  17. Жанна Бадоева рассказала о жизни в Италии с новым мужем

Xarici keçidlər[redaktə | əsas redaktə]