Leyla İsmayılova

Vikipediya, açıq ensiklopediya
Keçid et: naviqasiya, axtar
Leyla Rizvan qızı İsmayılova
belar. Лейла Рызванаўна Ісмаілава
Leila Ismailava (3).JPG
Doğum tarixi: 28 iyul 1989 (1989-07-28) (28 yaş)
Doğum yeri: Minsk
Flag of Byelorussian SSR.svg Belorusiya SSR
Atası: Rizvan İslam oğlu İsmayılov
Anası: Halina İvanauna Rujantsova
Vətəndaşlıq: Flag of the Soviet Union.svg SSRİFlag of Belarus.svg Belarus
Peşələri: televiziya aparıcısı, model
İxtisası: audiovizual jurnalistika
Təhsili: Belarus Dövlət Universiteti Jurnalistika İnstitunu
Karyera: 2010 — indiyə qədər
Təltifləri: "Miss Minsk — 2009"da "Miss pressa" titulu
"Ən yaxşı musiqili-əyləncəli şou aparıcısı" nominasiyası üzrə "Televiarşinia — 2011" milli mükafatı
http://leila.tv

İsmayılova Leyla Rizvan qızı (belar. Лейла Рызванаўна Ісмаілава) – Belarus Respublikasının tanınmış jurnalisti, musiqili televiziya proqramının aparıcısı,[1] model, Minskdə keçirilən 2010 Avroviziya Uşaq Mahnı Müsabiqəsinin aparıcısı (Denis Kuryanla birgə), 2011 Avroviziya Mahnı Müsabiqəsində Belarus üzrə səsvermənin nəticələrini elan edib. O, həmçinin 2012 Avroviziya Mahnı Müsabiqəsinin Belarusda keçirilən seçim turunun aparıcısı olub.

Həyatı[redaktə | əsas redaktə]

Leyla İsmayılova 28 iyul 1989-cu ildə Minskdə anadan olub. Atası Rizvan İsmayılov, anası minskli Halina Rujantsovadır. Leyla anadan olandan bir ay sonra ailə Bakı şəhərinə köçüb.

Atasını 3 yaşında ikən itirib. Ağdamda neft bazasının direktoru olan Rizvan İsmayılov Ermənistan–Azərbaycan münaqişəsinin qurbanıdır – o, erməni tərəfinin Ağdam şəhərini bombardman etməsi nəticəsində həlak olub. 3 uşaqla tək qalan anası Minskə köçüb.

Leyla 15 yaşından mətbuatda çıxış etməyə başlayıb. 2006-cı ildə Belarus Dövlət Universitetinin Liseyini (tarix sinfini), sonra isə Jurnalistika İnstitutunu fərqlənmə diplomu ilə (audiovizual jurnalistika, 2011-ci ilin ən yaxşı məzunu) bitirib[2].

2010-cu ildə Avropa Komissiyasının "Erasmus Mundus" təqaüd proqramı çərçivəsində Yunanıstanın Saloniki şəhərində yerləşən Aristotel Universitetində təhsil alıb. Buradan Minskdə keçirilən "Avroviziya" uşaq musiqi yarışmasının aparıcısının seçim turuna qatılıb. Seçim turundan uğurla keçməsi onun televiziya ilə əməkdaşlığının əsasını qoyub.

Leyla həmçinin musiqi kliplərində, foto və telereklamlarda çəkilib. Dünya Azərbaycanlılarının III Qurultayının iştirakçısıdır. 2011-ci ildən Hollivudun aktyorluq məktəblərindən olan "Playhouse West Acting School and Repertory Theatre"də təhsil alır.

Leylanın anası – rus dili və ədəbiyyatı müəlliməsidir. Böyük bacısı Esmira – jurnalist, iqtisadçı və yazıçıdır. O cümlədən, Azərbaycanın Belarus səfirliyində çalışıb, bir neçə uşaq kitabı nəşr etdirib. Hazırda isə BMT İnkişaf Proqramının Minskdə həyata keçirdiyi layihələrdən birinin rəhbəridir. Kiçik qardaşı Bəhram universitetdə təhsil alır.

Əsas televiziya verilişləri[redaktə | əsas redaktə]

  • 2010 Avroviziya Uşaq Mahnı Müsabiqəsi – aparıcı.
  • 2011 Avroviziya Mahnı Müsabiqəsi – Belarusun səsvermə nəticələrini elan edən.
  • Birinci milli kanalda "Navahodni ahienchik" (Yeni il bayramı). 2011-ci il – aparıcı.
  • "Nəhənglərin döyüşü" ("Intervilles") əyləncəli idman oyunu, Fransa. 2011-ci il – Belarus komandasının üzvü.
  • "Muzychniya veçary u Mirskim zamku" ("Mir qəsrində musiqi gecəsi"). 2011-ci il – aparıcı.
  • "Slavyanski bazar u Viciebsku" ("Vitebsk Slavyan bazarı") Beynəlxalq İncəsənət Festivalı. 2011-ci il – aparıcı.
  • "Eurafest" (Belarusun "Eurovision-2012" təmsilçisinin seçimi) – aparıcı.

Musiqi klipləri[redaktə | əsas redaktə]

Model[redaktə | əsas redaktə]

Təltif və mükafatları[redaktə | əsas redaktə]

  • "Miss Minsk — 2009"-da "Miss pressa" titulu.
  • Belarus Dövlət Universitetinin Jurnalistika İnstitutunun 2011-ci ildə ən yaxşı məzunu.
  • "Ən yaxşı musiqili-əyləncəli şou aparıcısı" nominasiyası üzrə "Televiarşinia-2011" milli mükafatı.

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Leyla İsmayılova ilə əlaqəli mediafayllar var.