Li Kyon Ok
| Li Kyon Ok | |
|---|---|
| Şəxsi məlumatlar | |
| Tam adı | Li Kyon Ok |
| Vətəndaşlığı |
 Şimali Koreya |
| Doğum tarixi | |
| Doğum yeri | Pxenyan, Şimali Koreya |
| Boyu | 157 kq |
| Çəkisi | 48 kq |
| İdman növü | Cüdo |
| 15 noyabr 2016 tarixində yenilənib. | |
Li Kyon Ok (kor. 리 경옥; 3 yanvar 1980, Pxenyan) — Yüngül çəki dərəcəsində Şimali Koreyanı beynəlxalq yarışlarda təmsil edən qadın cüdoçu. 2000-ci illərin birinci yarısında Koreya Xalq Demokratik Respublikası yığmasında iştirak edirdi. Afinada keçirilən Yay Olimpiya Oyunlarının iştirakçısı, Dünya Çempionatının gümüş medalının sahibi, Busanda keçirilən Asiya Oyunlarının bürünc mükafatçısı, cüdo üzrə Asiya çempionu, milli və beynəlxalq turnirlərin bir çox yarışlarının qalibidir.
Bioqrafiyası[redaktə | mənbəni redaktə et]
Li Kyon Ok 3 yanvar 1980-ci ildə Pxenyanda anadan olmuşdur.
Böyük beynəlxalq turnirlərdə birinci ciddi uğuruna 2001-ci ildə nail olmuşdur. Koreya Xalq Demokratik Respublikasının əsas milli yığma tərkibinə düşdü və Ulan-Batorda keçirilən Asiya Çempionatında iştirak etdi. Burada Ok ölkəsinə qızıl medal qazandırdı. Yüngül çəki dərəcəsində bütün rəqiblərinə qalib gələrək çempion oldu. Finalda Cənubi Koreyanın nümayəndəsi Kan Sin Xe üzərində qələbə qazandı. Münhendə keçirilən Dünya Çempionatında çıxış etdi və gümüş mükafat almış oldu. Yüngül çəki dərəcəsində yeganə məğlubiyyətini finalda aldı. Finalda yapon Ryoko Tani ilə üz-üzə gəlid və rəqibinə məğlub oldu. Bundan başqa, həmin mövsümdə Dünya Kuboku turnirində bürünc medal qazandı. 1/8 finalda fransız cüdoçuya məğlub oldu. Üçüncü yer üçün təsəlliverici görüşlərdə üç rəqibinə qalib gəldi və bürünc medal qazandı.[1][2][3]
2002-ci ildə Lİ Busanda keçirilən Asiya Oyunlarında bürünc medal qazandı. Burada birinci iki rəqibinə qalib gəldi, yarımfinalda (üçüncü yer üçün təsəlliverici görüşdə Qazaxıstanın nümayəndəsi Tatyana Şışkinə qalib gəldi) isə yapon Kayo Kitadaya məğlub oldu.[4] Bir il sonra Praqada Sülh Kuboku turnirində çıxış etdi. Hərçənd burada mükafatçıların sırasına düşə bilmədi. 1/8 finalda hollandiyalı Ninka Klopstraya məğlub oldu. Bir il sonra Almatıda keçirilən Asiya birinciliyində gümüş medal qazandı. Finalda yenidən Kayo Kitadaya məğlub oldu. Uğurlu çıxışların sayəsində 2004-cü ildə Afinada keçirilən Yay Olimpiya Oyunlarında ölkəsinin şərəfini qorumaq hüququnu əldə etdi. İlk döyüşdə türk Neşe Şensoya vazari balı ilə məğlub oldu və mükafatçıların sırasına düşmək şansını itirdi.[5][6]
Afina Olimpiadasından sonra Ken Ok cüdoda əhəmiyyətli nəticələr qazana bilmədi və böyük beynəlxalq yarışlarda iştiraklarını dayandırdı.
İstinadlar[redaktə | mənbəni redaktə et]
- ↑ "Beaming Tamaru wins record five titles in a row". Hürriyet Daily News. 31 July 2001. 2 February 2016 tarixində orijinalından arxivləşdirilib. İstifadə tarixi: 4 December 2014.
- ↑ "Aussies Too Tough for U.S." Los Angeles Times. 30 July 2001. 22 December 2014 tarixində arxivləşdirilib. İstifadə tarixi: 4 December 2014.
- ↑ "Busan is bursting as Asian Games begin". JoongAng Ilbo. 27 September 2002. 3 March 2016 tarixində arxivləşdirilib. İstifadə tarixi: 4 December 2014.
- ↑ "DPR Korea hopes for 4th place". Xinhua. 28 September 2002. 10 December 2014 tarixində orijinalından arxivləşdirilib. İstifadə tarixi: 4 December 2014.
- ↑ "Judo: Women's Extra-Lightweight (48kg/106 lbs) Repechage Round 3". Athens 2004. BBC Sport. 15 August 2004. 26 July 2023 tarixində arxivləşdirilib. İstifadə tarixi: 31 January 2013.
- ↑ "Judoda Neşe Şensoy Yıldız elendi" (Turkish). Zaman. 14 August 2004. 8 December 2014 tarixində orijinalından arxivləşdirilib. İstifadə tarixi: 3 December 2014.
Xarici keçidlər[redaktə | mənbəni redaktə et]
- Ли Кён Ок — профиль на сайте Judoinside.com