Li Venlian

Vikipediya, azad ensiklopediya
Jump to navigation Jump to search
Li Venlian
çin Li Wenliang
LiWengliang.jpg
Doğum tarixi 12 oktyabr 1986(1986-10-12)[1]
Doğum yeri
Vəfat tarixi 7 fevral 2020(2020-02-07)[2] (33 yaşında)
Vəfat yeri
Vəfat səbəbi COVID-19[3]
Vətəndaşlığı
Təhsili
  • Uhan Universiteti tibb fakültəsi[d] (2011)
Fəaliyyəti oftalmoloq
Fəaliyyət illəri 20117 fevral 2020
Commons-logo.svg Vikianbarda əlaqəli mediafayllar

Li Venlian (çin 李文亮; 12 oktyabr 1986(1986-10-12)[1], Beytçjen[d], Liaoning[d]7 fevral 2020(2020-02-07)[2], Uhan Mərkəzi Hospitalı[d][2]) — çinli həkim, bəzi məlumatlara görə COVID-19 koronavirus pandemiyası haqda ilk məlumat verən adam.

Həyatı[redaktə | əsas redaktə]

1986-cı il oktyabrın 12-də Beytçjen qəzasında anadan olmuşdur. 2011-ci ildə Uhan Universitetinin tibb fakültəsini oftalmoloq ixtisası üzrə bitirib. Üç il ərzində Xiamendə işləmiş, sonra yenidən Uhana dönərək mərkəzi xəstəxanada oftalmoloq kimi çalışmağa başlamışdır.[5]

Li evli olmuş, bir övlada malik idi. O, vəfat edəndə həyat yoldaşı ikinci uşağını gözləyirdi.[6]

Li Venlian və koronavirus[redaktə | əsas redaktə]

Belə hesab olunur ki, 2019-cu il dekabrın 30-da "WeChat" çatında Uhan Universitetinin tibb fakültəsinin məzunları arasında baş tutan söhbətdə Li Venlian, SARS virusuna bənzər yeni bir virus haqqında ilk xəbəri vermişdir. Bu hadisədən sonra o, polisə çağrılaraq şayiələrin yayılmasının yolverilməzliyi barədə ciddi xəbərdarlıq alır.[7]

Li Venlianın Uhan polisi tərəfindən yalan şayiələrin yayılmasının yolverilməzliyi barədə imzaladığı yazılı xəbərdarlığı

Ölümü[redaktə | əsas redaktə]

İşə qayıdan həkim yoluxmuş xəstələr də daxil olmaqla pasientləri qəbul etməyə davam etdi. Yanvarın 10-da Li Venlianda virus infeksiyasına tutulmasının simptomları özünü göstərməyə başladı. Yanvarın 12-də xəstəxanaya yerləşdirildi, lakin yeni virusu aşkarlamaq üçün diaqnostik testlərin olmaması səbəbindən onun diaqnozu yalnız fevralın 1-də təsdiqləndi. Fevralın 5-də onun vəziyyəti kəskin şəkildə pisləşdi və ertəsi gün ölüm xəbərləri gəlməyə başladı. Onun ölüm vaxtının səhər saat 7-də olduğu bildirildi.[8] Ümumdünya Səhiyyə Təşkilatının icraçı direktoru Mayk Rayan Li Venlianın vəfatı ilə əlaqədar başsağlığı verərək demişdir: "Biz hamımız onun gördüyü işlərə hörmətlə yanaşmalıyıq".[9] Fevralın 6-da Çin mediasında Li Venlianin vəziyyəti barədə ziddiyyətli məlumatlar yayılırdı: xəbər verilirdi ki, fevralın 6-da saat 9.30-da onun ürək tutması baş vermiş və bundan sonra Li Venlian bir müddət reanimasiya şöbəsində qalmağa davam etmiş, həkimlər onu yenidən həyata qaytarmağa çalışmışdılar.[10] Son məlumatlara görə, həkim fevralın 7-də gecə saat 3-də vəfat etmiş, bu vaxta qədər bir çox ictimai xadim və sosial şəbəkə istifadəçiləri başsağlığı vermişdi.[11].

Həmçinin bax[redaktə | əsas redaktə]

İstinadlar[redaktə | əsas redaktə]