Lixtenşteyn İnstitutu
| Lixtenşteyn İnstitutu | |
|---|---|
 | |
 | |
 | |
| 47°12′40″ şm. e. 9°30′26″ ş. u.HGYO | |
| Əsası qoyulub | 1986 |
| Ölkə | |
| Sayt | liechtenstein-institut.li |
 Vikianbarda əlaqəli mediafayllar | |
Lixtenşteyn İnstitutu — Lixtenşteyndə elmi tədqiqat mərkəzi və akademik müəssisə.[1] İnstitut Lixtenşteyn Knyazlığının Qamprin-Bendern şəhərində yerləşir.
İnstitut Lixtenşteynin tarixi, siyasəti, hüququ və iqtisadiyyatı ilə bağlı araşdırmalar aparır.[2]
Tarixi
[redaktə | mənbəni redaktə et]1986-cı il avqustun 15-də (Lixtenşteyn Knyazlığının milli günü) institut Lixtenşteynlə bağlı praktiki və fundamental tədqiqatlar üçün tədqiqat mərkəzi kimi yaradılmışdır. 1998-ci ildən bəri İnstitut Bendern kilsəsinin yanında yerləşir.
Lixtenşteyn Knyazlığının ali təhsil aktına əsasən,[3] Lixtenşteyn İnstitutu universitetə bənzər bir qurumdur. İnstitut Lixtenşteynin özəl və korporativ qanunlarına uyğun olaraq qeyri-kommersiya cəmiyyəti kimi təşkil edilmişdir.
Lixtenşteyn İnstitutu hazırda dövlət orqanları tərəfindən maliyyə olunur.
Araşdırmaları
[redaktə | mənbəni redaktə et]Lixtenşteyn İnstitutunun tarixi araşdırmaları iki dünya müharibələri arasındakı vaxta və indiki Lixtenşteyn əyalətində Lixtenşteyn knyazlıgı ailəsinin hakimiyyətinin keçidinə yönəlib.
2016-cı ildən Lixtenşteyn İnstitutu 1988-ci ildə Lixtenşteyn Knyazlığının Tarixi Assosiasiyası tərəfindən yaradılmış lüğətin kitab formatına əsaslanan Lixtenşteyn Knyazlığının onlayn Tarixi lüğətinə (eHLFL) cavabdehdir. eHLFL 2018-ci ilin noyabrından onlayn olaraq hər kəs üçün əlçatandır.[4]
Siyasi və sosial elm tədqiqatları əsasən Lixtenşteynin siyasi sisteminə və Avropaya inteqrasiya məsələlərinə aiddir, çünki Lixtenşteyn Avropa İqtisadi zonasının üzvüdür.
İnstitutda hüquqşünaslıq təhsili Lixtenşteynin ictimai hüququ, xüsusən də inzibati və konstitusiya hüququ ilə əlaqədardır. 2016-cı ildən Lixtenşteyn İnstitutu Lixtenşteyn Knyazlığının Konstitusiyasına dair onlayn şərhlər dərc edir. Bura giriş açıqdır.[5]
İqtisadi tədqiqatlar ilk növbədə kiçik dövlət iqtisadiyyatı, dövlət maliyyəsi və makroiqtisadi təhlillərlə məşğul olur. Məs. biznes dövrü indeksi KonSens[6] və ÜDM təxminləri[7] mövcud rəsmi məlumatlardan kənarda İnstitut Lixtenşteyn iqtisadiyyatı üçün göstərici olan əsas makroiqtisadi göstəricilər yaradır.
İnstitutda aparılan tədqiqatların nəticələri kitab və elmi jurnallarda məqalə şəklində çap olunur. Tədqiqatçıların nəşrlərinin əksəriyyəti internetdə sərbəst şəkildə əldə edilə bilər. Onlar İnstitutun məlumat bazasına ötürülür.[8]
İnstitut Lixtenşteyn hökuməti, o cümlədən dövlət qurumları və bələdiyyələr üçün hesabatlar və sorğular hazırlayır.
Bundan əlavə, Lixtenşteyn İnstitutunun əməkdaşları dissertasiya və diplom işlərinə rəhbərlik edir, davamlı peşə təhsili, yaşlıların təhsili, universitet və kolleclərdə dərs deyirlər.
Tədqiqatlarının bir çox sahələrində Lixtenşteyn İnstitutu ölkədə özünü Lixtenşteyn və qonşu regionlar üçün əhəmiyyət kəsb edən məsələlərə həsr edən yeganə akademik-elmi qurumdur.
Kitabxanası
[redaktə | mənbəni redaktə et]İnstitutda Lixtenşteynə diqqət yetirməklə, tarix, hüquq, siyasət və iqtisadiyyat sahələri üçün xüsusi kitabxana var. Kitabxana xarici ziyarətçilər üçün də açıqdır. Kitabxananın fondları ilə yerində tanış olmaq olar, lakin onları götürmək mümkün deyil.[9]
Lixtenşteyn Universitetlər birliyi
[redaktə | mənbəni redaktə et]İnstitut Lixtenşteyn Universiteti və Lixtenşteyn Knyazlığındaki Özəl Universitetin daxil olduğu Lixtenşteyn Universitetlər Assosiasiyasının üzvüdür. Assosiasiya Lixtenşteynin ali təhsil sistemini daxildə və xaricdə təmsil edir, universitetlər və institutlar arasında əməkdaşlığı təşviq edir və əlaqələri təşviq etmək üçün tədbirlər həyata keçirir.[10]
İstinadlar
[redaktə | mənbəni redaktə et]- ↑ "Arxivlənmiş surət". 2024-08-20 tarixində arxivləşdirilib. İstifadə tarixi: 2024-08-20.
- ↑ Liechtenstein Institute: Statute 2022. (PDF) . Retrieved on 2024-06-20.
- ↑ "Arxivlənmiş surət". 2024-06-25 tarixində arxivləşdirilib. İstifadə tarixi: 2024-08-20.
- ↑ https://historisches-lexikon.li/Home
- ↑ https://verfassung.li/About_this_project
- ↑ "Arxivlənmiş surət". 2024-06-21 tarixində arxivləşdirilib. İstifadə tarixi: 2024-08-22.
- ↑ "Arxivlənmiş surət". 2024-06-21 tarixində arxivləşdirilib. İstifadə tarixi: 2024-08-22.
- ↑ "Arxivlənmiş surət". 2024-06-20 tarixində arxivləşdirilib. İstifadə tarixi: 2024-08-22.
- ↑ "Arxivlənmiş surət" (PDF). 2024-08-16 tarixində arxivləşdirilib (PDF). İstifadə tarixi: 2024-08-22.
- ↑ https://www.uni.li/de/universitaet/medienportal/publikationen/forschungsmagazin-160-hoch-2
Xarici keçidlər
[redaktə | mənbəni redaktə et]- Website of the Liechtenstein Institute
- Liechtenstein Institute as member of TEPSA
- EFTA-Studies.org. Information and Debate on the EFTA countries, jointly administered by University of Bergen, CENTENOL, Reykjavik University, University of Liechtenstein and Liechtenstein Institute
- Library catalog of the Liechtenstein Institute
| Normativ yoxlama | ISNI: 0000000123757821 · LCCN: n91112684 · Microsoft: 1281641059 · VIAF: 131487868 · WorldCat VIAF: 131487868 |
|---|
