Lonseston

Vikipediya, azad ensiklopediya
Jump to navigation Jump to search
Şəhər
Lonseston
ing. Launceston
Launcestonpicturesfromcommons.jpg
Bayraq Gerb
Bayraq Gerb

41°26′40″ c. e. 147°08′16″ ş. u.


Ölkə Avstraliya Avstraliya
Rayon Tasmaniya
Mer Albert Van Zetten
Tarixi və coğrafiyası
Əsası qoyulub 1806
Sahəsi 91.1 km²
Mərkəzin hündürlüyü 0 m
Saat qurşağı UTC+10
Əhalisi
Əhalisi 106 153[1] nəfər (2011)
Rəsmi dili ingilis dili
Rəqəmsal identifikatorlar
Poçt indeksi 7250
launceston.tas.gov.au/lcc/  (ing.)
Xəritəni göstər/gizlə
Lonseston xəritədə
Lonseston
Lonseston
Commons-logo.svg Vikianbarda əlaqəli mediafayllar

Lonseston (ing. Launceston, tələffüzü - [ˈlɒnsəstən])[2]Avstraliyanın Tasmaniya adasının şimal kəsiyində, Şimali Esk və Cənubi Esk çaylarının birləşib Tamar çayını əmələ gətirdiyi yerdə yerləşən liman şəhəri. Hobart şəhərindən sonra Tasmaniyanın ikinci ən böyük şəhəridir.[3] Əhalisi 106.153 nəfərdir. Avstraliyanın ən böyük 9-cu qeyri-paytaxt şəhəridir. Tasmaniyanın sahildə yerləşməyən yeganə şəhəridir.

Şəhərin əsası 1806-cı ilin martında avropalılar tərəfindən qoyulmuşdur. Avstraliyanın ən qədim şəhərlərindən biri olduğundan bir çox tarixi tikiliyə ev sahibliyi edir. Şəhər öz adını Böyük Britaniyanın Lonston qəsəbəsindən almışdır. Şəhərdə bəzi ilklər gerçəkləşmişdir. Cənub yarımkürəsində ilk anestetik burada istifadə edilmişdir, Avstraliyanın kanalizasiya sisteminə sahib olan ilk şəhəridir. Şəhərdə mülayim iqlim hakimdir.

Tarixi[redaktə | əsas redaktə]

Peterson küçəsi.

Bu ərazinin ilk dəfə Tasmaniyanın daxili hissələrində yaşayan yerli aborigenlər tərəfindən məskunlaşıldığı ehtimal olunur.

Bura gələn ilk avropalılar 1798-ci ildə Corc Bass və Matyu Flinders olmuşlar. Onların ekspedisiyası indiki Lonseston şəhərinin 40 km şimal-qərbində məskunlaşmışdılar.[4]

Ərazidə ilk koloniya 1804-cü ildə Britaniya qarnizonu Uilyam Peterson tərəfindən qurulmuşdur. Lakin koloniya ilk əvvəllər indi Corc Taun şəhərinin ərazisində yerləşirdi. Daha sonra koloniya indiki York Taun şəhərinin ərazisinə, ən sonda indiki yerinə köçürülmüşdür.[5]

İlk əvvəllər bu yaşayış məntəqəsi Petersoniya adlanırdı. Amma Uilyam Peterson Cənubi Yeni Uelsin qubernatoru Filip Qidli Kaynqın şərəfinə anadan olduğu Lonston qəsəbəsinə görə buranın adını Lonseston qoymuşdur.

Lonseston 1830-cu ildə əhəmiyyətli balina ovçuluğu mərkəzi, 1852-ci ildə bələdiyyə, 1858-ci ildə qəsəbə, 1888-ci ildə şəhər olmuşdur.

Haqqında[redaktə | əsas redaktə]

Şəhər Şimali Tasmaniyanın ən böyük şəhəridir. Tasmaniyanın dəmiryol şəbəkəsinin mərkəzidir. Şəhərin ətrafında meyvə, taxıl yetişdirilir, yun istehsalı ilə məşğul olunur. Əsas ixracat məhsulları aliminium, taxta və toxuma məhsullardır. Şəhərdə bir çox un, pivə, toxuculuq müəssəsələri yerləşir.

Şəhərdə bir universitet, Kraliça Viktoriya Muzeyi və İncəsənət Qaleriyası, Müqəddəs Con kilsəsi, Entalli Evi yerləşir. Dünyanın ilk su elektrik stansiyalarından biri 1895-ci ildə Cənubi Esk çayı üzərində Katarakt keçidində tikilmişdir.[6]

Şəhərin 15 km cənubunda Lonseston Hava Limanı yerləşir. Brisben, Sidney, Melburn şəhərlərinə birbaşa reyslər vardır.

Qardaş şəhərlər[redaktə | əsas redaktə]

Şəhər Ştat/Əyalət Ölkə Tarix
İkeda[7] Flag of Osaka Prefecture.svg Osaka Yaponiya Yaponiya 1 noyabr 1965
Napa Flag of California.svg Kaliforniya ABŞ ABŞ 6 iyun 1988
Tayyuan Çin Şansi Çin Çin 28 noyabr 1995

Qalereya[redaktə | əsas redaktə]

İstinadlar[redaktə | əsas redaktə]

  1. "2011 Census QuickStats: Launceston". censusdata.abs.gov.au.
  2. Macquarie Dictionary, Fourth Edition (2005). Melbourne, The Macquarie Library Pty Ltd. ISBN 1-876429-14-3
  3. (2009) "The Launceston flood policies: Levees and beyond". The Australian Journal of Emergency Management 24 (3): 32–37. ISSN 1324-1540. İstifadə tarixi: 2 November 2014.
  4. "History of Launceston". Launceston City Council.
  5. "Logbooks of the Lady Nelson". Project Gutenberg.
  6. "Launceston's Firsts". Launceston City Council.
  7. "Sister Cities". Launceston City Council.

Xarici keçidlər[redaktə | əsas redaktə]

Vikianbarda Lonseston ilə əlaqəli mediafayllar var.