Luka Yoviç

Vikipediya, açıq ensiklopediya
Jump to navigation Jump to search
Luka Yoviç
FWC 2018 - Group E - SRB v BRA - Photo 113 (cropped).jpg
Luka Yoviç DÇ-2018-də
Ümumi məlumatlar
Doğum tarixi 23 dekabr 1997(1997-12-23)[1] (21 yaş)
Doğum yeri
Vətəndaşlıq
Boyu 181 santimetr
Çəkisi 75 kiloqram
Mövqeyi hücumçu
Klub haqqında məlumat
Klub Real Madrid
Karyerası
Həvəskar karyerası
2005-2014 Srvena Zvezda
Peşəkar karyerası[* 1]
2014-2016 Srvena Zvezda 42 (12)
2016-2017 Benfika B 18 (4)
2016-2019 Benfika 2 (0)
2017-2019 Ayntraxt Frankfurt (icarə əsasında) 49 (25)
2019 Ayntraxt Frankfurt 5 (0)
2019- Real Madrid 0 (0)
Milli yığma[* 2]
2018- Flag of Serbia.svg Serbiya 4 (1)

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Commons-logo.svg Vikianbarda əlaqəli mediafayllar


Luka Yoviç (Лука Јовић; 23 dekabr 1997-ci il, Biyelina, Bosniya və Herseqovina) — La Liqa nəhəngi Real Madriddə hücumçu mövqeyində çıxış edən serb futbolçu.


Həyatı[redaktə | əsas redaktə]

Luka Yoviç Biyelina şəhərinin yaxınlığında yerləşən Batar qəsəbəsində Milan və Svetlana Yoviçlərin ailəsində dünyaya gəlmişdir. 2002-ci ildə 5 yaşında olarkən Serbiyanın qərbində yerləşən Loznitsa şəhərində həvəskar futbola başlamışdır. Burada oynadığı oyunların birində "Srvena Zvezda FK"-nın oyunçu izləmə komitəsi tərəfindən klubun futbol məktəbinə qəbul edilmişdir.

Klub karyerası[redaktə | əsas redaktə]

Həvəskar karyerası[redaktə | əsas redaktə]

2005-ci ildə Luka Yoviçə "Srvena Zvezda FK"-da oynamaq təklif edildi. Bundan başqa, "Partizan FK" da Yoviçin atasına aylıq 200 avroluq maaş ilə oğlunu komandalarına gətirməsini istəmişdir. Lakin, Milan Yoviç oğlunun "Srvena Zvezda FK"-da oynamasını istəmişdir.

2013-2014-cü illər mövsümü[redaktə | əsas redaktə]

Luka Yoviç, 28 may 2014-cü ildə; 16 yaşında olarkən peşəkar karyerasının ilk oyununa "Voyvodina FK" qarşısında çıxmışdır. Həmin oyunda qol vuraraq klub tarixində rəsmi qarşılaşmalarda qol vuran ən gənc futbolçu olmuşdur. Belə ki, oyuna girdikdən 2 dəqiqə sonra qol vuraraq komandasına 1 xal qazandırmışdır. Bu nəticə ilə birlikdə "Srvena Zvezda FK" 2013-2014-cü illər mövsümünün çempionu olmuşdur.

2014-2015-ci illər mövsümü[redaktə | əsas redaktə]

18 oktyabr 2014-cü ildə Yoviç "Belqrad derbisi"ndə oynayan ən gənc oyunçu olmuşdur. Luka Yoviç həmin mövsümdə qış fasiləsinə qədər 6 qol vurmağı bacarmışdı. Mövsümdə ilk qolunu "Srvena Zvezda FK"-nın 70 illik yubileyini qeyd etdiyi gün "Voyvodina" komandasına vurmuşdur. 17 may 2015-ci ildə klubu ilə 3 illik yeni müqavilə imzalamışdır.

2015-2016-cı illər mövsümü[redaktə | əsas redaktə]

Mövsümün başlanğıcında Yoviç artıq klubunun Huqo Viyera ilə birlikdə əsas hücumçusu idi. İlk 3 matçda 5 qol vurmağı bacarmışdı. Gənc oyunçunun bu performansı artıq Avropanın bir sıra klubları tərəfindən izlənilirdi.

Benfika[redaktə | əsas redaktə]

2016-cı ilin fevral ayında Luka Yoviç Portuqaliya çempionu "Benfika" ilə 5 illik müqavilə imzalamışdır. Uzun müddət klubun əvəzedici komandasında oynamışdır. Əsas komandada ilk oyununda isə 30 yanvar 2017-ci ildə "Vitoriya Setubal" klubuna qarşı oynamışdır. Həmin qarşılaşmada oyunun 81-ci dəqiqəsində meydana daxil olmuşdur.

Ayntraxt Frankfurt[redaktə | əsas redaktə]

2017-ci ilin iyun ayında Yoviç 2 illik icarə əsasında "Ayntraxt Frankfurt" komandasına transfer olunmuşdur. 2017-2018-ci illər mövsümündə Almaniya kubokunun sahibi olan komandada Yoviç də 5 oyunda iştirak etmiş və yarım-final oyununda "Şalke"yə qol vurmağı bacarmışdır. Finalda isə "Bayern Münhen" klubunu 3-1 hesabı ilə məğlub edərək kuboku muzeylərinə aparmışdırlar.

2018-2019-cu illər mövsümü[redaktə | əsas redaktə]

19 oktyabr 2018-ci ildə "Fortuna Düsseldorf" komandasını 7-1 məğlub etdikləri matçda 5 qol vuran Yoviç "Bundesliqa" tarixində bir oyunda 5 qol vuran ən gənc oyunçu olmuşdur. 17 aprel 2019-cu ildə komanda onun icarə əsasında olan müqaviləsinin müddətini 2023-cü ilə qədər uzatmışdır.


Milli komanda karyerası[redaktə | əsas redaktə]

2018-ci ilin may ayında Serbiya milli komandasının Rusiyada keçirilən futbol üzrə Dünya Çempionatındakı iştirak ərizəsinə daxil edilmişdir. İyunun 4-də milli komandadakı ilk oyununa Çili milli komandası ilə oynanan yoldaşlıq oyunda çıxmışdır. 20 mart 2019-cu ildə milli komandadakı ilk qolunu Almaniya millisi ilə oynanan yoldaşlıq görüşündə vurmuşdur.


İstinadlar[redaktə | əsas redaktə]