Ayntraxt (almanca Eintracht Frankfurt Fußball A.G.) — Almaniyanın Frankfurt-na-Mayne şəhərinin futbol klubu. Almaniya Birinci Bundesliqasında oynayır. "Ayntraxt"ın baş məşqçisi Adi Hütterdi, prezidenti isə Fredi Bobicdir. Klub ev oyunlarını 51.500 insan tutumuna malik olan "Kommerzbank Arena" stadionunda keçirir.
1899-cu ildə yaradılıb. Frankfurt təmsilçisi Almaniya futbolunda ən böyük uğurunu 1959-cu ildə ölkə çempionu olmaqla əldə edib. O vaxtdan “Ayntraxt” bir dəfə də olsun bundesliqanın qalibi ola bilməyib. 1991-1992-ci il mövsümünün son turunda "Ştutqart"a məğlub olaraq çempionluğu əldə verən "Ayntraxt" növbəti illərdə əvvəlki gücünü itirməyə başlayıb. Klub 1995-1996, 2000-2001, 2003-2004 və 2010-2011 mövsümündə ikinci liqada oynamalı olub. Ayntraxt klubu 2012-2013 mövsümündə bundesliqanı altıncı yerdə başa vurub.
Almaniya kuboklarında isə komanda liqaya nisbətən daha çox uğurlar əldə edib. "Ayntraxt" 1974, 1975, 1981, 1988 və 2018-ci ildə ölkə kubokunun sahibi olub. Avropada ən böyük nailiyyəti 1980-ci ildə UEFA kubokunu əldə etməklə qazanıb. Komanda son olaraq avrokuboklarda yeddi il əvvəl yarışıb. Onlar qrup mərhələsində uğursuz çıxış edərək mübarizəni dayandırmışdılar.[1]
Ayntraxt (Frankfurt)
Vikianbarda əlaqəli mediafayllar
