Lyu Yuysyan

Vikipediya, azad ensiklopediya
Jump to navigation Jump to search
Lyu Yuysyan
Şəxsi məlumatlar
Tam adı Lyu Yuysyan
Vətəndaşlığı Çin Çin
Doğum tarixi (47 yaş)
Doğum yeri Xenyan, Çin
İdman növü Judo pictogram.svg Cüdo
Boyu 159 sm m
Çəkisi 57 kq kq
15 noyabr 2016 tarixində yenilənib.

Lyu Yuysyan (çin. sadə. 刘玉香, pinyin: Liú Yùxiāng, 11 oktyabr 1975, Xenyan) — Yüngül çəki dərəcələrində Çini beynəlxalq yarışlarda təmsil edən qadın cüdoçu. 1990-cı illərin ikinci yarısından 2000-ci illərin birinci yarısına qədər Çin Xalq Respublikasının yığmasında çıxış etmişdir. Sidneydə keçirilən Yay Olimpiya Oyunlarının bürünc mükafatçısı, Afinada keçirilən Yay Olimpiya Oyunlarının iştirakçısı, Dünya Çempionatının bürünc medalının sahibi, Asiya çempionu, milli və beynəlxalq turnirlərin bir çox yarışlarının qalibidir.

Bioqrafiyası[redaktə | mənbəni redaktə et]

Lyu Yuysyan 11 oktyabr 1975-ci ildə Xunan əyalətinin Xenyan şəhər dairəsində anadan olmuşdur. Fəal cüdoyla məşğul olmaq həvəsi erkən uşaqlıq illərindən başlamışdır. Pekində yerləşən idman klublarından birində hazırlıq keçməyə başlamışdır. İlk dəfə 1996-cı il mövsümündə turnirlərdə iştirak etməyə başlayıb. Kanadanın Jonkere şəhərində keçirilən Ümumdünya Universitet Çempionatında bürünc medal qazanmışdır.

Böyük beynəlxalq turnirlərdə birinci ciddi uğuruna 1999-cu ildə nail olmuşdur. Yuysyan Çin milli yığmasının əsas tərkibinə düşdü və Venjouda keçirilən Asiya Çempionatında iştirak etdi. Öz çəki dərəcəsində yalnız finalda məğlub olaraq gümüş medal qazandı. Həlledici tdöyüşdə son olimpiya çempionunu olan, Koreya Xalq Demokratik Respublikasının nümayəndəsi Ke Sun Xi-yə məğlub oldu. İngiltərənin Birminhem şəhərində keçirilən Dünya Çempionatının hesabat turnirində iştirak etdi və orada beşinci yeri tutdu.

Uğurlu çıxışların sayəsində 2000-ci ildə Sidneydə keçirilən Yay Olimpiya Oyunlarında ölkəsinin şərəfini qorumaq hüququnu əldə etmişdir. Birinci üç görüşündə rəqiblərinə asanlıqla qalib gəldi. Yarımfinalda isə yapon Noriko Naradzakiyə məğlub oldu. Üçüncü yer üçün təsəlliverici görüşdə bütün rəqiblərini məğlub etdi və nəticədə Olimpiya Oyunlarının bürünc medalını əldə etdi.

Lyu Sidney Olimpiadasından sonra Çin Xalq Respublikası komandasının cüdo yığmasının əsas tərkibində qaldı və ən böyük beynəlxalq yarışlarda iştirak etməyə davam etdi. Belə ki, 2001-ci ildə o, Münhendə keçirilən Dünya Çempionatında çıxış etdi. öz çəki dərəcəsində bürünc medal qazandı. 1/4 final mərhələsində yapon Yuki Yokosavuya qalib gələ bilmədi. 2004-cü il Almatıda keçirilən Asiya Çempionatında yüngül çəki dərəcəsində mübarizə aparırdı və qızıl medalın sahibi oldu. Çin milli yığmasının lideri olaraq, Afinada keçirilən Olimpiya Oyunlarında iştirak etdi. Lakin bu dəfə mükafatçıların sırasına düşə bilmədi. İlk döyüşdə qalib gəldikdən sonra 1/16 final mərhələsində braziliyalı Daniyella Zanqranduya məğlub oldu. Yığmada yerini gənc Çin cüdoçularına verən Lyu yarışdan sonra peşəkar idmançı karyerasını başa vurduğunu açıqladı.

Xarici keçidlər[redaktə | mənbəni redaktə et]