Möhsün Möhsünov

Möhsün Möhsünov
Doğum tarixi	10 may 1937(1937-05-10)
Doğum yeri	Naxçıvan, Naxçıvan MSSR, Azərbaycan SSR, SSRİ
Vəfat tarixi	6 yanvar 1995(1995-01-06) (57 yaşında)

Möhsün Möhsünov (tam adı:Möhsünov Möhsün Şərif oğlu; 10 may 1937, Naxçıvan – 6 yanvar 1995) — yazıçı,nasir,publisist

Həyatı

Möhsünov Möhsün Şərif oğlu 1937-ci il 10 mayda Naxçıvan şəhərində anadan olmuşdur.

Vəfatı

1995-ci il 6 yanvar-da vəfat etmişdir.

Təhsili

1955-ci ildə Naxçıvan şəhərində Ü.Hacıbəyov adına 1 nömrəli orta məktəbi, 1961-ci ildə Azərbaycan Dövlət Universitetinin şərqşünaslıq fakültəsini bitirmişdir. Ali məktəbdə təhsilini davam etdirməklə yanaşı, Azərbaycan Elmlər Akademiyasının Nizami adına Ədəbiyyat Muzeyində kiçik elmi işçi kimi çalışmışdır.

Fəaliyyəti

Əmək fəaliyyəti

1964-cü ildə Naxçıvana qayıdaraq Naxçıvan Dövlət Radio və Televiziya Verilişləri Komitəsində redaktor işləmişdir. 1965-1972-ci illərdə pedaqoji fəaliyyətlə məşğul olmuş, əvvəlcə Naxçıvan şəhər 1 nömrəli orta məktəbdə, sonra isə Azərbaycan Dövlət Pedaqoji İnstitutunun Naxçıvan filialında müəllim işləmişdir. Sonrakı fəaliyyətini “Şərq qapısı” qəzetində xüsusi müxbir, Azərbaycan Respublikası Ali Sovetinin orqanı olan “Həyat” qəzetinin Naxçıvan Muxrar Respublikası üzrə zona müxbiri, “Respublika” qəzetində müxbir vəzifələrində davam etdirmişdir. 1992-ci ilin iyulundan ömrünün sonunadək “Real” İnformasiya Agentliyinin baş redaktoru işləmişdir. 1963-cü ildən başlayaraq məqalələri “Azərbaycan gəncləri “, “Vışka”, “Ədəbiyyat və incəsənət“ qəzetlərində, “Kirpi”, “Ulduz”, “Azərbaycan qadını“, “Azərbaycan“ jurnallarında, “Odlu ürəklər” almanaxında və başqa mətbu nəşrlərin səhifələrində müntəzəm dərc olunmuşdur.

Bədii yaradıcılığı

Yeddi kitabı müəllifidir. "Süd haqqı" (1970), "Baş tutmadı" (1979), "Leyləklər yenə də gəldi" (1988), hekayə və felyeton topluları, "Səadət özü gəlmir" (1984), "On bir qərənfil" (1988) povestləri nəşr olunmuşdur. "Dəlləyin duası", "Orijinal pir" satirik pyesləri var.

Siyasi fəaliyyəti

90-ci illərdə Naxçıvanın ictimai-siyasi fəaliyyətində fəal iştirak edib. Naxçıvan Şəhər Sovetinin deputatı kimi muxtar respublikanın ictimai-siyasi həyatında fəal iştirak edirdi. Heydər Əliyevin yenidən hakimiyyətə qayıdışında önəmli rol oynamış məşhur “91”lərdəndir.

Üzvü olduğu təşkilatlar

• SSRİ Yazıçılar və Jurnalistlər ittifaqlarının üzvü

Təltif və mükafatları

İki dəfə “Qızıl qələm” mükafatına layiq görülmüşdü. Naxçıvanda yazıb-yaradan yeganə yazıçı idi ki, “Kirpi” jurnalının mükafatını almışdır.

Mənbə

• Naxçıvan Ensiklopediyası. Bakı. 2002. səh. 326. ISBN 5-8066-1468-9.