Möhsün Hüseynxanlı

Möhsün Hüseynxanlı
Mövsüm Turbəndə oğlu Hüseynov
Digər adı	Mövsüm Hüseynxanlı Mövsüm Hüseynov Möhsün Hüseynov
Doğum tarixi	13 iyun 1958
Doğum yeri	Laçın, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	aktyor
Teatr	Sumqayıt Dövlət Dram Teatrı
Mükafatları
IMDb	ID2928923

Möhsün Hüseynxanlı (tam adı: Mövsüm Turbəndə oğlu Hüseynov; 13 iyun 1958, Laçın, Azərbaycan SSR, SSRİ) — Azərbaycan aktyoru, Azərbaycan Respublikasının əməkdar artisti (2018).

Həyatı

Hüseynov Mövsüm Türbəndə oğlu 1958-ci il iyun ayının 13-də Laçın rayonunda anadan olmuşdur. 1980-85-ci illərdə Azərbaycan Dövlət Mədəniyyət və İncəsənət İnstitunu bitirib. 1982-1995-ci illərdə Sumqayıt Dövlət Musiqili Dram Teatrında, 1995-1997-ci illərdə Azərbaycan Dövlət Musiqili Komediya Teatrında, 1997-2008-ci illərdə Bakı Bələdiyyə Teatrında çalışıb. 2010-cu ildən bu günədək yenidən Sumqayıt Dövlət Musiqili Dram Teatrında fəaliyyətini davam etdirir.

Mükafatları

16 oktyabr 2018-ci ildə isə Azərbaycanın əməkdar artisti fəxri adına layiq görülmüşdür.

Filmoqrafiya

1. Hücum (film, 1989)
2. Qəzəlxan (film, 1991)
3. Yük (film, 1995)
4. Beşmərtəbəli evin altıncı mərtəbəsi (film, 1996)
5. Otel otağı (film, 1998)
6. Yanmış körpülər (film, 2007)
7. Şans (film, 2004)
8. Bomba (film, 2005)
9. Heydər Əliyev (film)
10. Vəkil hanı? (film, 2011)
11. Fədakar (film, 2015)