Sumqayıt Dövlət Dram Teatrı
| Sumqayıt Dövlət Dram Teatrı | |
|---|---|
| Sumqayıt Dövlət Dram Teatrı | |
 | |
| Ümumi məlumatlar | |
| Əvvəlki adları |
Sumqayıt Dövlət Gənclər Teatrı (1968-1974) H.Ərəblinski adına Sumqayıt Musiqili Dövlət Dram Teatrı (1974-2015) |
| Teatrın tipi | Dram |
| Əsası qoyulub | 1968-ci il |
| Teatr binası | |
| Açılıb | 14 mart 1969 |
| Heyət | |
| Direktor | Samir Şəfiyev |
| Baş rejissor | Firudin Məhərrəmov |
| Yerləşməsi | |
| 40°35′47″ şm. e. 49°40′09″ ş. u.HGYO | |
| Ölkə | |
| Yerləşir | Sumqayıt |
| Ünvan |
 Azərbaycan, Sumqayıt şəhəri, Azərbaycan prospekti, 21 |
  Sumqayıt Dövlət Dram Teatrı |
|
| sumqayitdram.az | |
Sumqayıt Dövlət Dram Teatrı — Sumqayıtda fəaliyyət göstərən peşəkar teatr.
Tarixi
[redaktə | vikimətni redaktə et]Azərbaycan Nazirlər Sovetinin 12 mart 1968-ci il 105 saylı sərəncamı və Azərbaycan Mədəniyyət Nazirliyinin 10 iyul 1968-ci il 160 saylı əmrinə əsasən Sumqayıtda ilk professional kollektiv – Sumqayıt Dövlət Gənclər Teatrı yarandı. Öz pərdəsini 1969-cu ilin mart ayının 14-də Azərbaycan dramaturgiyasının banisi M.F.Axundzadənin “Müsyo Jordan və Dərviş Məstəli şah” məzhəkəsi ilə açdı.Sabahısı gün öz tamaşaçılarını ingilis dramaturqu Con Patrikin “Qəribə missis Cəvic” (rejissoru Nəsir Sadiqzadə) tragikomediyası ilə sevindirdi.
1969-cu ildə Hüseyn Ərəblinskinin xatirəsini əbədiləşdirmək haqqında qərar qəbul etmişdir. Bu məqsədlə Sumqayıt Dövlət Gənclər Dram Teatrına Hüseyn Ərəblinskinin adı verilmişdir.[1]
1974-cü ildə Mədəniyyət Nazirliyinin qərarı ilə teatra "Sumqayıt Dövlət Dram Teatrı" statusu verildi.[2]
Azərbaycan Respublikası Nazirlər kabinetinin 22 may 2015-ci il 195 saylı qərarına əsasən Sumqayıt Dövlət Dram Teatrı kimi fəaliyyətini davam etdirir.
Repertuarı
[redaktə | vikimətni redaktə et]Teatrın repertuarına klassik və müasir Azərbaycan, rus və xarici ölkə dramaturqlarının pyesləri daxildir.
Fəaliyyəti dövründə teatr Azərbaycan klassik və müasir, eləcə də dünya klassiklərinin 250-dən artıq əsərini uğurla tamaşaya hazırlamışdır.
Uğurları
[redaktə | vikimətni redaktə et]Nəriman Həsənzadənin "Bütün Şərq bilsin" əsərinin tamaşası 1981-ci ildə teatr tamaşalarına SSRİ ümumittifaq baxışının diplomuna layiq görülmüşdür.
Beynəlxalq və Respublika miqyaslı Teatr Festivallarında fəal çıxış edərək maraqlı və sanballı tamaşalar nümayiş etdirmişdir. O cümlədən Rusiya Federasiyasının Moskva, Sankt-Peterburq, Türkiyə Respublikasının Ankara, Mersin, Hindistan Yeni Dehli, Ukraynanın Donesk və digər şəhərlərdə respublikamızı yüksək səviyyədə təmsil etmişdir.
Kollektivi
[redaktə | vikimətni redaktə et]Teatrda bir müddət görkəmli səhnə ustaları – Rza Əfqanlı, Barat Şəkinskaya, Məlik Dadaşov, Hacı Xəlilov, Kamil Məhərrəmov , Vaqif Əliyev, Afaq Bəşirqızı , Valeh Kərimov, Kübrabəyim Əliyeva,Hicran Mehbalıyeva Əli Nur,Ramiz Novruz, Sabir Məmmədov, Svetlana Həkimova, Məzahir Süleymanov,görkəmli rejissorlar Cənnət Səlimova , Nəsir Sadıqzadə, Arif Ağayev,Rövşən Almuradlı Ağakişi Kazımov, Mərahim Fərzəlibəyov , Yusif Əkbərov, Vaqif Ağayev, Ağalar İdrisoğlu çalışmışlar.
Sumqayıt Dövlət Dram Teatrının müxtəlif vaxtlarda çalışmış baş rejissor çalışmış rejissorlar
- Nəsir Sadıqzadə (10 iyul 1968 - 13 noyabr 1969)
- Arif Ağayev (8 avqust 1969 - 26 dekabr 1970)
- Ağakişi Kazımov (26 dekabr 1970 - 19 mart 1973)
- Vaqif Şərifov (22 oktyabr 1974 - 20 iyun 1977 )
- Mərahim Fərzəlibəyov ( 8 avqust 1977 - 9 mart 1981)
- Oruc Qurbanov (16 iyul 1982 - 20 iyun 1986)
- Vaqif Ağayev ( 20 iyun 1986 - 10 avqust 1987)
- Yusif Əkbərov ( 9 Sentyabr 1987 24 noyabr 1990)
- Ağalar Bayramov (1991- 23 Sentyabr 1997)
- Firudin Məhərrəmov (21 oktyabr 1997-ci ildən bu günə kimi)
Bu gün Teatrda 1 Xalq Artisti, 8 Əməkdar Artist, 1 Əməkdar Mədəniyyət İşçisi, 9 Tərəqqi medalçısı, 8 Azərbaycan Mədəniyyət Nazirliyinin təsis etdiyi “Fəxri Mədəniyyət işçisi” döş nişanı ilə təltif olunan əməkdaş fəaliyyət göstərir.
Nailiyyətləri
[redaktə | vikimətni redaktə et]Azərbaycan Respublikasının Prezidenti 25 sentyabr 2008-ci ildə Hüseyn Ərəblinski adına Sumqayıt Dövlət Musiqili Dram Teatrı ilə bağlı 2 sərəncam vermişdir. Azərbaycan mədəniyyətinin inkişafındakı xidmətlərinə görə teatrın 2 əməkdaşına "Azərbaycan Respublikasının xalq artisti", 6 əməkdaşına "Azərbaycan Respublikasının əməkdar artisti", 3 əməkdaşına "Azərbaycan Respublikasının əməkdar mədəniyyət işçisi" fəxri adları verilmiş[3] və 6 əməkdaş "Tərəqqi" medalı ilə təltif edilmişdir[4].
Sumqayıt Dövlət Dram Teatrının 50 illiyi ərəfəsində 05 iyul 2018-ci ildə Azərbaycan Respublikası Prezidenti cənab İlham Əliyev sərəncam imzalamış və 50 illik yubileyi yüksək şəkildə qeyd olunub. Bu münasibətlə ölkə başçısının 16 oktyabr 2018-ci il sərəncamı əsasında 3 əməkdaş “ Əməkdar artist” fəxri adına[5], 7 əməkdaşı “Tərəqqi” medalı ilə təltif edilmişdir.[6]
Xarici keçidlər
[redaktə | vikimətni redaktə et]İstinadlar
[redaktə | vikimətni redaktə et]- ↑ Görkəmli Azərbaycan artisti Hüseyn Ərəblinskinin xatirəsini əbədiləşdirmək haqqında Azərbaycan KP MK və Azərbaycan SSR Nazirlər Sovetinin 30 sentyabr 1969-cu il tarixli, 446 nömrəli Qərarı Arxivləşdirilib 2020-01-16 at the Wayback Machine — anl.az saytı
- ↑ Sitat səhvi: Yanlış
<ref>teqi;sumqayitdram.azadlı istinad üçün mətn göstərilməyib - ↑ "Hüseyn Ərəblinski adına Sumqayıt Dövlət Musiqili Dram Teatrının əməkdaşlarına fəxri adların verilməsi haqqında" Azərbaycan Respublikası Prezidentinin 25 sentyabr 2008-ci il tarixli, 3060 nömrəli Sərəncamı. Arxivləşdirilib 2022-08-16 at the Wayback Machine (az.)
- ↑ "Hüseyn Ərəblinski adına Sumqayıt Dövlət Musiqili Dram Teatrının əməkdaşlarının "Tərəqqi" medalı ilə təltif edilməsi haqqında" Azərbaycan Respublikası Prezidentinin 25 sentyabr 2008-ci il tarixli, 3061 nömrəli Sərəncamı.[ölü keçid] (az.)
- ↑ President.Az. "Sumqayıt Dövlət Dram Teatrının əməkdaşlarına "Əməkdar artist" fəxri adının verilməsi haqqında Azərbaycan Respublikası Prezidentinin Sərəncamı" (az.). President.az. 16.10.2018. 2023-08-01 tarixində arxivləşdirilib. İstifadə tarixi: 2018-10-16.
- ↑ President.Az. "Sumqayıt Dövlət Dram Teatrı əməkdaşlarının "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı" (az.). President.az. 16.10.2018. 2023-08-01 tarixində arxivləşdirilib. İstifadə tarixi: 2018-10-16.