Kazım Abdullayev

Vikipediya, azad ensiklopediya
Jump to navigation Jump to search
Kazım Abdullayev
Kazım Abdullayev.jpg
Doğum tarixi 6 aprel 1953(1953-04-06) (66 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Peşəsi aktyor
Təhsili
Mükafatları "Azərbaycan Respublikasının xalq artisti" fəxri adı — 2019 "Azərbaycan Respublikasının əməkdar artisti" fəxri adı — 2002

Kazım Ənvər oğlu Abdullayev (d. 6 aprel 1953(1953-04-06), Bakı) — Azərbaycan teatr və kino aktyoru, Azərbaycan Respublikasının xalq artisti (2019).

Həyatı[redaktə | əsas redaktə]

Kazım Abdullayev 1974-cü ildə M.A.Əliyev adına Azərbaycan Dövlət İncəsənət İnstitutunun "Dram və kino aktyorluğu" fakültəsini bitirmişdir.

1976-ci ilin yanvar ayından H.Ərəblinski adına Sumqayıt Dövlət musiqili-dram teatrının truppasına qəbul olunub 1996-ci ilin yanvar ayına qədər orada çalışmışdır.

Sumqayıt Dövlət Dram Teatrında oynadığı rollar bunlardır: (Cəfər Cabbarlı "Oqtay Eloğlu") Oqtay, (Hüseyn Cavid "Afət") Ərtoğrul, (Rüstəm İbrahimbəyov "Park") Marat, (Anar "Təhminə və Zaur") Muxtar, (Nazim Hikmət "Bayramın birinci günü") Şadi, (Nəriman Həsənzadə "Bütün şərq bilsin") Əzizbəyov, (Əkrəm Əylisli "Vəzifə") Nazim, (Rəşad Nuri Güntəkin "Müvəqqəti ər") Şərif, (Ş.Arif "Qınamayın məni") Kəlbi Kəhər, (O.Altunbay "Mehrişah") Altundaş, (Cəlil Məmmədquluzadə "Ölülər") Məşədi Oruc, Hacı Kərim, (R.Əlizadə "Doğmalar") Mehman, (A.Abdulin "13-cü sədr") Vəli Zakirov, (Cəfər Cabbarlı "Almaz") Fuad, (K.Kərimov "Çahargah fantaziyası") Teymur, (Çingiz Aytmatov "Əsrə bərabər gün") Əbutalib, (Abdulla Şaiq "Bir saatlıq xəlifə") Harun Ər-Rəşid, (G.Xuqayev "Varlı ev") Beçir, (Hüseyn Cavid "Uçurum") Cəlal, (Anar "Adamın adamı" )Fağır Bağır, (C.Yusifzadə "Səhər qatarı") Manaf, (G.Bokarev "Poladəridənlər") Usta Valeri, (Nəbi Xəzri "Dağlar və dalğalar") Xəzər, və sairə.

1996-2004-cü illərdə Bakı Bələdiyyə Teatrında çalışmışdır. Bu teatrında oynadığı rollar:(Nəriman Nərimanov "Nadir şah") Şah Təhmaz, (Altay Məmmədov "Dəli Domrul") Dəli Dondar, (J.Anuy "Medeya") Yazon, (O.Altunbay "Tomris") Kir, (Cəfər Cabbarlı "Dönüş") Mirzə Camal, (Cəlil Məmmədquluzadə "Ölülər") Şeyx Əhməd, (Nazim Hikmət "Domoklun qılıncı") Aptekçi, (S.Rəşidi "Mənim Ərdəbilim") Nadir, (Ə.Pəhləvan "İnsan və İblis") Şair, (Nigar Rəfibəyli "Natəvan") Şair və s.

2005-ci ildən Azərbaycan Dövlət Milli Dram Teatrının artist heyətinə qəbul edilən Kazım Abdullayev aşağıdakı rollar oynayıb: Hacı Bəxşəli (Cəlil Məmmədquluzadə, "Ölülər"), Aleksas (Nazim Hikmət, Uilyam Şekspir, Məmməd Səid Ordubadi, "Misir gecələri"), Şəmistan ağa (İsmayıl Şıxlı, "Ölüləri qəbiristanlıqda basdırın"), Fətulla bəy (Əli Əmirli, "Mesenat"), Nostradamus (Ramiz Novruz, "Hələ sevirəm deməmişdilər"), İkinci Rəşad (Bəxtiyar Vahabzadə, "İkinci səs"), Sultanəli (Mir Cəlal, "Dirilən adam"), Əkbər (Abdulla Şaiq, "Eloğlu"), İbrahim xan (İlyas Əfəndiyev, "Hökmdar və qızı"), Murtuza Muxtarov (Əli Əmirli, "Mesenat"), şair Kirmani ("Əmir Teymur", Hüseyn Cavid), Aqostino ("Silindr", Eduardo de Filippo), Hacı Həsən ("Ölülər", Cəlil Məmmədquluzadə), İbad ("Almaz", Cəfər Cabbarlı), Toğrul ("Qətibə İnanc", Məmməd Səid Ordubadi).

Aktyor bir çox filmlərə də çəkilmişdir: "Arvadım mənim, uşaqlarım mənim" adlı filmdə Şamil, "İsmayıl bəyin mücrüsü"ndə Ata, "Qorxma, mən səninləyəm"də Məmməd, "Atları yəhərləyin"də Qurd Kərim, "Alman klinikasına şəxsi səfər"də Qafarov, "Yük"də aktyor, "Sonuncu döyüş"də Polis mayoru və sairə…

2002-ci ildə K.Abdullayev Əməkdar Artist fəxri adına layiq görülmüşdür. 6 may 2015-ci ildə,[1] 6 may 2016-cı ildə[2], 1 may 2017-ci ildə[3]9 may 2018-ci ildə[4] Prezident Mükafatına layiq görülmüşdür. 2017-ci ildə Cəfər Cabbarlı mükafatına layiq görülmüşdür.[5][6]

Filmoqrafiya[redaktə | əsas redaktə]

  1. Absurdistan (film, 2008)(tammetrajlı bədii film)-çoban
  2. Ağ dünya (film, 1995)
  3. Ah, ədalət! (film, 1997)
  4. Alman klinikasına şəxsi səfər (film, 1988)(tammetrajlı bədii film)-rol: Qafar Qafarov
  5. Anamın kitabı (film, 1994)
  6. Arxadan vurulan zərbə (film, 1977)
  7. Arvadım mənim, uşaqlarım mənim (film, 1978)
  8. Ayrılıq imiş (film, 2008)
  9. Azərbaycan xanlıqları. Naxçıvan və İrəvan xanlıqları. 5-ci film (film, 2003)
  10. Başmaq (film, 2001)
  11. Bəsdir, ağlama! (film, 1999)
  12. Bir anın həqiqəti (film, 2003)
  13. Cavanşir (film, 2002)
  14. Cavid ömrü (film, 2007)
  15. Dantenin yubileyi (film, 1978)
  16. Dəfnə ağacı (serial, 2016)
  17. Həm ziyarət, həm ticarət... (film, 1995)
  18. Həyat çiçəyi (teleserial, 2013)
  19. "İldırım"lı yolun yolçuları (film, 2003)
  20. İlıq dənizdə buz parçası (film, 1983)
  21. İşarəni dənizdən gözləyin (film, 1986)
  22. Kitabi Dədə Qorqud. Səkrəyin dastanı (film, 1990)
  23. Koramal (film, 2009)
  24. Qaladan tapılan mücrü (film, 1982)
  25. Qanlı zəmi (film, 1985)
  26. Qaydasız döyüş (film, 2009)
  27. Qəzəlxan (film, 1991)
  28. Qorxma, mən səninləyəm (film, 1981)
  29. Ləqəbi "İKA"dır (film, 1997)
  30. Milli bomba (film, 2004)
  31. Oyun (film, 2003)
  32. Seçilən (film, 2008)
  33. Son döyüş (film, 1996)
  34. Təkcə adanı özünlə apara bilməzsən... (film, 1980)
  35. Ünvansız qız (film, 1999)
  36. Yanmış körpülər (film, 2007)
  37. Yarımçıq qalmış dosye (film, 2002)
  38. Yük (film, 1995)
  39. Dəfnə ağacı (teleserial, 2016)-Əkbər
  40. Məryəm (teleserial, 2016)-Vidadi.
  41. Nar bağı (film, 2017)

İstinadlar[redaktə | əsas redaktə]

  1. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  2. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  3. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-05-02.
  4. President.Az (09.05.2018). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-09.
  5. publika.az (21.05.2017). ""Cəfər Cabbarlı Mükafatı- 2017" təqdim edildi" (azərb.). Publika.az. İstifadə tarixi: 2017-05-21.
  6. Ülviyyə Həsənqızı (21.05.2017). "2017-ci ilin Cəfər Cabbarlı mükafatı təqdim olunub. Akademik Milli Dram Teatrında təqdimat mərasimi keçirilib" (azərb.). Primetime.az. İstifadə tarixi: 2017-05-21.

Mənbə[redaktə | əsas redaktə]

Xarici keçidlər[redaktə | əsas redaktə]