Ləqəbi "İKA"dır

Ləqəbi "İKA"dır
Fayl:Ləqəbi "İKA"dır (film, 1997).jpg
Janr	dram
Rejissorlar	Teymur Bəkirzadə, Amin Novruzov
Ssenari müəllifi	Vaqif Mustafayev
Baş rollarda	Andrey Bubaşkin — "İKA" Vadim Lobanov — Sergey Segeyeviç Ovazklıç Şarlıyev — Bakıcan Oksana Kaliberda — Nadya
Operator	Amin Novruzov
Bəstəkar	Aqşin Əlizadə
Rəssam	Mayis Ağabəyov
İstehsalçılar	"Billur" Kommersiya Bankı "Aşkarfilm" Kinoşirkəti "Azərbaycanfilm" Kinostudiyası "Belarusfilm" Kinostudiyası
İlk baxış tarixi	1997
Filmin digər adları	"İKA" ləqəbli "İKA" ləqəbi altında Ürək yaddaşı (çəkiliş adı)
Filmin növü	tammetrajlı bədii film
Müddət	73,5 dəq.
Ölkələr	Azərbaycan Belarus
Dil	Rus dili
İl	1997
Texniki məlumatlar	8 hissə 2150 metr 35 mm
Rəng	rəngli

Ləqəbi "İKA"dır — 1997-ci il Azərbaycan istehsalı dram janrında film.

Məzmun

Film SSRİ Dövlət Təhlükəsizlik Komitəsi əməkdaşlarının 1953–1990-cı illərdəki fəaliyyətindən, 1990-cı il yanvarın 20-də Bakıda baş vermiş faciəli hadisələrin təşkilində bu komitənin bilavasitə iştirakından bəhs edir.

Film haqqında

• Film rejissor Teymur Bəkirzadənin kinoda son işidir.
• Filmdə sənədli kadrlardan istifadə edilmişdir.
• Çəkiliş vaxtı səhvən İran sərhədi 25 km keçilmişdi. Xəbərdarlıqdan sonra çəkiliş vertolyotu geri qayıtdı.
• Kütləvi səhnələrin birində Prişibdə yaşayan malakanlar iştirak etmişlər.
• Filmin çəkilişinə Ramanadakı hərbi hissənin paraşütçüləri köməklik göstəriblər.
• "Ürək yaddaşı" adlanan ədəbi ssenarini rejissor Vaqif Mustafayev 90-cı il hadisələri zamanı yazıb, amma öz ssenarisinə quruluş vermək fikrində olmayıb. Ssenarini Teymur Bəkirzadə bəyənmişdi. Filmin çəkilişlər tamamlansa da, Teymur Bəkirzadənin qəflətən dünyasını dəyişməsi yaradıcı heyəti çaşqın vəziyyətə salır. Film 1997-ci ilə qədər kinostudiyanın arxivində yatır. Bunun səbəbləri arasında maliyyə məsələləri də var idi. Amin Novruzov "Özgə vaxt" filminin aşkarlanması üçün Minskə (Belorusiya) gedir. O, orada "Belarusfilm" kinostudiyasının direktoru ilə danışıqlar apararaq "Ləqəbi "İka"dır" filminin montaj və səsləndirilməsi üçün kömək istəyir. Amin Novruzov: "Direktor xahişimə biganə qalmadı. Tapşırdı ki, filmi videolentə yazıb gətirsəm nazirliyə təqdim edər, bəyənilərsə müştərək şəkildə filmin tamamlanmasına köməklik göstərərlər". Nazir filmi bəyənir və filmin tamamlanma işləri "Belarusfilm"də başa çatdırılır.
• Amin Novruzov: "Rejissor Teymur Bəkirzadə çəkiliş zamanı ssenaridəki finalı dəyişdirib. Belə ki, son səhnədə qəhrəman ayaqyoluna gedir, sonrakı səhnədə qapı açılarkən orda heç kim olmur və bu zaman da unitazdan suyun sürətli şəkildə axması göstərilir. Məna belə çıxırdı ki, qəhrəman həm burdadır, həm heç yerdə. Bu ədəbi ssenaridə olan sonluq idi. Rejissor ssenarisində isə oğul atasının təkidi ilə onun yolunu davam etdirir, məcburən çekist olur. 20 yanvar hadisələrində rol oynayır. Vaxt gəlir, ata çıxılmaz vəziyyətə düşdüyü üçün özünü öldürür. Filmin sonunda oğul da atası kimi özünü güllələyir"
• Rus dilində olan film Space Televiziyası tərəfindən dublyaj olunub.

Festivallar və mükafatlar

1)1997-ci ildə Minskdə (Belarus) "Listopad" beynəlxalq kinofestivalı

• Filmə MDB Ölkələrinin İcraiyyə Komitəsinin Prizi verilmişdir.
• Quruluşçu rejissor və quruluşçu operator Amin Novruzova operator sənətində və rejissorluqda yüksək professionallığa görə Diplom verilmişdir.

2)2002-ci ilin avqust ayında Bakıda "Araz" kinoteatrında keçirilmiş "Bizim Naməlum Kino" festivalı

• Quruluşçu operator Amin Novruzova bədii filmdə uğurlu işinə görə Pul Mükafatı verilmişdir.

Filmin heyəti

Film üzərində işləyənlər

Ssenari müəllifi: Vaqif Mustafayev

Quruluşçu rejissorlar: Teymur Bəkirzadə, Amin Novruzov

Quruluşçu operator: Amin Novruzov

Quruluşçu rəssam: Mayis Ağabəyov

Bəstəkar: Aqşin Əlizadə

Montaj edən: Valentina İvanova, Esmira İsmayılova

Geyim rəssamı: Vaqif Mustafayev

Qrim rəssamı: Telman Yunusov

Səs operatoru: Gernard Basko, Teymur Abdullayev, Vitali Metko

Rejissor qrupu: Murad Məlikov, Yusif Əlizadə, Zaur Novruzov, Səhiyəddin Həsənov, Aydın Mahmudbəyov

Dekor rəssamı: Elyaz Səfərov

Fotoqraf-rəssam: Pərviz Quliyev

Operator qrupu: Kamal Məlikov, Sahib Səfərov, Fuad Cabbarov

Səs operatoru assistenti: Bəkir Bəkirzadə

Montaj üzrə assistent: İrina Aksenenko

Geyim üzrə assistent: Afət Məmmədova

Geyimçi: Sofa Hüseynova

İşıqçı: Akif Rəhimov, Eldar Muradov, Həsən Sultanov

Texnik: Sahib Səfərov

Rəng quraşdırıcısı: Əminə Cəfərova, Tamara Yerxova

Quraşdırılmış səhnələrin operatoru: Valentin Şvetsov

İnzibatçı: Arif Kərimov, Eyyub Məmmədov, Nəmxuda Usubəliyev, Məryəm Nuriyeva, İnessa Safronova, Çingiz Əliyev

Redaktor: Yelena Deniseviç

Filmin direktoru: Azər Quliyev, Arif Səfərov, Faiq Əliyev, Valentin Deniseviç

Prodüser: Cəsarət Quliyev

Rollarda

Andrey Bubaşkin — "İKA"

Vadim Lobanov — Sergey Sergeyeviç

Ovazklıç Şarlıyev — Bakıcan

Oksana Kaliberda — Nadya

Lyudmila Duxovnaya — Klara Şagenovna

Rafiq "Lapa" — Rudolf Nikolayeviç

Aleksey Buldakov — baba

Tamara Mujenko — nənə

Rafiq Əliyev

Murad Məlikov

Yuri Rjov

Nəriman Axundov

Yusif Əlizadə

Rafiq Qasımov

Kazım Abdullayev — agent

Mənbə

• Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 362; 372.

Xarici keçidlər

• Facebook-da filmi izlə  (az.)