Müqəddəs Nikolay kilsəsi (Berlin)

Vikipediya, azad ensiklopediya
Jump to navigation Jump to search
Xristianlıq
Müqəddəs Nikolay kilsəsi
Alt-Berlin Nikolaikirche Berlin-Mitte Abend.jpg
52°31′00″ şm. e. 13°24′27″ ş. u.
Ölkə Almaniya Almaniya
Bölgə Berlin
İnşası təxminən 1243, 11 avqust 1380-ci ildəki şəhər yanğınından zərər gördükdən sonra 1470-ə qədər yenidən quruldu, 1877-1879-cu illərdə isə təmir edildi.
Memarı Hermann Blankenştayn (1877-1879)
Material Kərpic
Dağılıb 1944
Saytı stadtmuseum.de/nikolaiki…
Müqəddəs Nikolay kilsəsi xəritədə
Müqəddəs Nikolay kilsəsi
Müqəddəs Nikolay kilsəsi
Commons-logo.svg Vikianbarda əlaqəli mediafayllar

Müqəddəs Nikolay kilsəsi (alm. Nikolaikirche‎) — Almaniyanın paytaxtı Berlindəki ən qədim kilsədir. Kilsə Berlinin mərkəzi inzibati dairəsi olan Mittenin şərq tərəfində yerləşir. Kilsənin ətrafındakı bir tərəfi Şpree çayı ilə həmsərhəd olan yer, "Nikolay məhəlləsi' kimi tanınır. Bu ərazidə əsasən bərpa edilmiş Orta Əsr tikililəri və ya həmin tikililərin sonradan hazırlanmış oxşarları mövcuddur. Kilsə XIII əsrdə inşa edilmiş və "Aleksandrplats"da yerləşən Müqəddəs Məryəm Kilsəsi ilə birlikdə Berlinin ən qədim kilsəsidir.

Tarixi[redaktə | əsas redaktə]

1949-cu ildə dağılan kilsənin xarabalıqları, 1951
Müqəddəs Nikolay kilsəsinin Berlin teleqülləsindən mənzərəsi

Katolik kilsəsi kimi tikilən Müqəddəs Nikolay kilsəsi 1539-cu ildə Brandenburq knyazlığında baş verən reformasiyadan sonra lüteran kilsəsinə çevrildi. XVII əsrdə dini nəğmələr bəstələyən Paul Gerhard kilsənin keşişi olduğu vaxt bəstəkar İohann Krüger kilsənin musiqi rəhbəri idi. 1691-1705-ci illər arasında kilsəyə lüteran ilahiyyatçı Filip Yakob Şpener başçılıq edib. 1913-1923-cü illər arasında kilsənin rəhbəri olmuş Vilhelm Vessel görkəmli nasistlərdən biri olan Horst Vesselin atası idi.

Kilsə 1938-ci ildə Reformasiya günündə (31 oktyabr) son dəfə öz icmasına xidmət etdi və daha sonra Berlinin ən qədim, möhkəm binalarından biri kimi muzeyə çevrildi.

II Dünya Müharibəsi zamanı baş verən yanğınlarda qüllələrin yuxarı hissələri yanğından zərər görmüş və Berlinin bombalanması zamanı kilsənin damı zədələnmişdir. 1949-cu ildə kilsənin sütunları və zirzəmiləri dağılmışdır. Berlinin parçalanmasından sonra kilsənin qalıqları Şərqi Berlində qaldı və yalnız 1981-ci ildə kilsənin bərpasına başlandı. Bu gün kilsə muzey və bəzən konsert salonu kimi xidmət edir[1].

İstinadlar[redaktə | əsas redaktə]

  1. "Nikolaikirche Mitte" (alman dili). berlin.de. 3 dekabr 2017 tarixində arxivləşdirilib.

Xarici keçidlər[redaktə | əsas redaktə]