Müsnəd əş-Şafii
| Müsnəd əş-Şafii | |
|---|---|
| ərəb. مسند الشافعي | |
 | |
| Müəllif | İmam Şafii |
| Janr | İslam |
| Orijinalın dili | Ərəbcə |
| Elektron versiya | |
Müsnəd əş-Şafii (ərəb. مسند الشافعي) — Məhəmməd peyğəmbərin (s.a.v.) həyat və fəaliyyətinə dair hədislər toplusu İmam Şafiinin özü tərəfindən deyil, onun şagirdləri tərəfindən tərtib edilmişdi.
Müəllif[redaktə | mənbəni redaktə et]
"Müsnəd əş-Şafii" məcmuəsinin tərtibçisi bu hədisləri öz müəllimi ər-Rəbi ibn Süleymandan (ərəb. الربيع بن سلي) götürmüş Əbul-Abbas əl-Əsammdır (ərəb. أبو العباس الأصم). ər-Rəbi ibn Süleyman da öz növbəsində İmam Şafiinin tələbəsi idi. Məcmuədə Şafiinin "əl-Umm" kitabında və digər əsərlərində istinad etdiyi hədislər var. Müsnədin dörd hədisdən başqa bütün hədisləri ər-Rəbi ibn Süleyman tərəfindən birbaşa Şafiidən qəbul edilmişdir. Bu dörd hədis isə Şafiinin başqa bir tələbəsi Yusif ibn Yəhya əl-Bəvitidən nəöql ediləndir.
Kitabın təsviri[redaktə | mənbəni redaktə et]
Şafiinin "Müsnəd"i nizamsız təqdimat və eyni hədislərin dəfələrlə təkrarlanması ilə səciyyələnir ki, bu da onların sırasının Şafiinin kitablarındakı hədislərin sırası ilə bağlı olması ilə əlaqədar ola bilər. Bəzən məcmuənin tərtibçisi tərəfindən verilən hədisin mövzusu onun yerləşdiyi fəslin mövzusu ilə üst-üstə düşmür. Kitabda Şafiinin bəzi kəlamları da var, lakin əl-Əsamm bundan sonra məhz bu ifadə ilə əlaqəli hədislərə istinad etmir (sonrakı bəzi Müsnəd şərhləri müəllifləri tərəfindən düzəliş edilmişdir). Bəzi yerlərdə Əbul Abbas əl-Beyhəqinin "Bəyan xəta mən əhtə ala əş-Şafii" (ərəb. بيان خطأ من أخطأ على الشافعي)kitabının mövzusu olan Şafiidən hədislərin mətnlərini nəql edərkən səhvlərə yol verir[1].
Əlyazmalar və nəşrlər[redaktə | mənbəni redaktə et]
Əş-Şafinin "Müsnəd"i ilk dəfə Misir və Hindistanda "Bulak" nəşriyyatında, sonra Misirdə (1949), Beyrutda isə 1979-cu ildə "Dar əl-kutub əl-ilmiyyə" nəşriyyatında çap edilmişdir. Dəməşqin əl-Zahiriyyə kitabxanasında Şafiinin "Müsnəd"inin yaxşı qorunan iki əlyazması var[2].
İstinadlar[redaktə | mənbəni redaktə et]
- ↑ Абуль-Касим ар-Рафии / Абу Бакр Ваиль Мухаммад Бакр Захран. Шарх Муснад аш-Шафии (PDF). 1. Qətər: Министерство вакуфов и исламских дел Катара. 2007.
- ↑ Абдуль-Гафур Абдуль-Хакк Хусейн аль-Балуши. (PDF). Mədinə: Мактаба аль-Айман. 1990 http://ia600300.us.archive.org/16/items/eirkm/eirkm.pdf (#bare_url_missing_title).
Имам Исхак ибн Рахавейх и его книга «Муснад»