Məcid Seyidov
Məcid Seyidov | |
---|---|
Seyidov Məcid Mirəli oğlu | |
Naxçıvan Muxtar Respublikasının gənclər və idman naziri səlahiyyətlərini müvəqqəti icra edən nazir müavini | |
Şəxsi məlumatlar | |
Doğum tarixi | |
Doğum yeri | Naxçıvan şəhər, Şərur rayonu |
Atası | Seyidov Mirəli |
Uşağı | 2 övladı var |
Məcid Seyidov - Naxçıvan Muxtar Respublikasının gənclər və idman naziri səlahiyyətlərini müvəqqəti icra edən nazir müavini.
Həyatı[redaktə | mənbəni redaktə et]
Məcid Seyidov 1975-ci ildə Şərur rayonu Danzik kəndində ziyalı ailəsində anadan olub. İbditadi təhsilini 1992-ci ildə Şərur rayon Yenikənd kənd orta məktəbini əla qiymətlərlə bitirib. 1993-1997-ci illərdə Azərbaycan Silahlı Qüvvələri tərkibində Naxçıvan Muxtar Respublikasının döyüş mövqelərində, Ağdam və Tərtər rayonlarının döyüş bölgələrində həqiqi hərbi xidmətdə olub. Azərbaycan Vətən Müharibəsi veteranıdır. Eyni zamanda 2011-ci ildən etibarən Azərbaycan Vətən Müharibəsi Veteranları və Şəhid Ailələri Naxçıvan Muxtar Respublika Təşkilatının sədri kimi fəaliyyət göstərir. 2002-ci ildə Naxçıvan Dövlət Universitetini təbiətşünaslıq-tibb fakültəsinin biologiya ixtisası üzrə fərqlənmə diplomu ilə bitirib. 2005-ci ildə həmin universitetin magistratura şöbəsini botanika ixtisası üzrə fərqlənmə diplomu ilə bitirib, magistr dərəcəsi alıb. 2012-2016-cı illərdə Naxçıvan Dövlət Universitetində hüquqşünas ixtisası üzrə təhsil alıb, təhsilini fərqlənmə diplomu ilə başa vurub. Dövlət idarəçiliyi üzrə bir sıra kurs və seminarları bitirib.[1]
1999-2004-cü illərdə Ş.İ.Xətai adına Danyeri kənd orta məktəbində biologiya müəllimi və tərbiyə işləri üzrə direktor müavini vəzifələrində çalışıb.2004-2011-ci illərdə Naxçıvan Muxtar Respublikası Ekologiya və Təbii Sərvətlər Nazirliyində müxtəlif vəzifələrdə çalışıb. 2011-ci ilin aprel ayından həmin ilin avqust ayınadək Naxçıvan Muxtar Respublikasının Gənclər və İdman Nazirliyində aparat rəhbəri vəzifəsini icra edib. 1 avqust 2011-ci ildən etibarən Naxçıvan Muxtar Respublikasının gənclər və idman nazirinin müavini vəzifəsində işləyir. Ailəlidir, 2 övladı var.
Naxçıvan Muxtar Respublikası Ali Məclisi sədrinin birinci müavini Azər Zeynalov tərəfindən imzalanan 22 iyul 2023-cü il tarixli Sərəncam ilə nazir səlahiyyətləri Mirməcid Seyidova verilib.[2]
İstinadlar[redaktə | mənbəni redaktə et]
- ↑ Məcid Seyidov
- ↑ "Oxu.az". 2024-04-18 tarixində arxivləşdirilib. İstifadə tarixi: 2024-04-18.