Məhəmməd ibn Əbu Bəkr

Vikipediya, azad ensiklopediya
Jump to navigation Jump to search
Məhəmməd ibn Əbu Bəkr
ərəb. محمد بن أبي بكر
محمد بن أبي بكر.png
Doğum tarixi 631
Doğum yeri
Vəfat tarixi 658
Vəfat yeri
Vətəndaşlığı
Atası Əbu Bəkr
Anası Əsma binti Umeys
Fəaliyyəti siyasətçi, vali[d]

Məhəmməd ibn Əbu Bəkr (631, Mədinə658, Qahirə, Misir, Rəşidi xilafəti, ərəb. محمد بن أبي بكر) — Saleh xəlifə Əbu Bəkr əs-Siddiqin və Əsma binti Umeysin oğlu. Xəlifə Əlinin Misirdəki naibi.

Bioqrafiya[redaktə | mənbəni redaktə et]

Əbu Bəkrin vəfatından sonra Əsma binti Umeys Əli ibn Əbu Taliblə evlənir. Əli sonralar onun ən sadiq tərəfdarlarından birinə çevrilən Məhəmməd ibn Əbu Bəkri qəbul edir.

Məhəmmədin Qasım adlı oğlu var idi. Qasımın həyat yoldaşı Əsma Əbu Bəkrin digər oğlu Əbdürrəhmanın qızı idi. Qasım və Əsmənin Fatimə (Ummu Fərvə) adlı bir qızı doğulmuşdu.

Məhəmməd ibn Əbu Bəkr Misirdə xeyli vaxt keçirir və Misir hökmdarı İbn Əbu Sərhin fəaliyyətindən üçüncü saleh xəlifə Osman ibn Əffana şikayət edən bir heyətin tərkibində idi. Xəlifə Misir valisini dərhal işdən çıxaracağını və onun yerinə Məhəmməd ibn Əbu Bəkri təyin edəcəyini vəd edir. Misirə qayıdan nümayəndə heyətinin üzvləri İbn Əbu Sərhdən Osmanın adından göndərilən məktubundan xəbər tutdular və orada Osman Məhəmməd ibn Əbu Bəkr və dostlarının edam edilməsini əmr etdi. Heyət üzvləri Mədinəyə qayıdıb Saleh Xəlifənin evini mühasirəyə aldılar. Əvvəlcə Muhəmməd ibn Əbu Bəkr də Osman ibn Əffana qarşı qiyamda iştirak etdi, lakin Osmanın evinin mühasirəsində iştirak etməklə öz səhvini anlayaraq tövbə etdi və üsyanı tərk etdi. Buna baxmayaraq, Osmanın evinə daxil olan bir qrup üsyançıya rəhbərlik etmişdir[1].

Siffeyn döyüşündən sonra Əli Məhəmmədi Misirə vali təyin edir. 658-ci ildə Suriya valisi Müaviyə ibn Əbu Süfyan Əmr ibn Ası 6000 nəfərlik ordunun başında Məhəmməd ibn Əbu Bəkrə qarşı göndərir. Məhəmməd Əlidən kömək istəyir. Əli Misir yolunda vəfat edən Malik Əştəri Misirə göndərir[2]. Şiələr Malikin Müaviyə tərəfindən zəhərləndiyinə inanırlar[3].

Əmr ibn Asın ordusu misirliləri məğlub edir və Məhəmməd ibn Əbu Bəkr əsir götürülür. Üstəlik əsgərlərdən biri tərəfindən həbsdə öldürülür. Şiə mənbələri Müaviyənin həm də Məhəmmədin qatili olduğunu iddia edir.

Qahirədə məscidlərdən birində dəfn olunmuşdur.

İstinadlar[redaktə | mənbəni redaktə et]

  1. Hajj Gibril. "Muhammad ibn Abi Bakr al-Siddiq". living Islam – Islamic Tradition. İstifadə tarixi: 2014-11-23.
  2. The Succession to Muhammad pp. 268
  3. Middle East & Africa to 1875 632-661