Məhəmmədhüseyn mirzə Firuz

Məhəmmədhüseyn mirzə Firuz
Məhəmmədhüseyn mirzə Firuz
Şəxsi məlumatlar
Doğum tarixi	1894
Doğum yeri	Təbriz, Təbriz şəhristanı, Şərqi Azərbaycan ostanı, İran;
Vəfat tarixi	1983 (88–89 yaşında)
Vəfat yeri	Tehran, Tehran şəhristanı, Tehran ostanı, İran;
Təhsili	Janson-de-Sayi Liseyi[d];
Fəaliyyəti	siyasətçi
Atası	Əbdülhüseyn mirzə Fərmanfərma

Məhəmmədhüseyn mirzə Əbdülhüseyn mirzə oğlu Firuz (1894, Təbriz – 1983, Tehran) — şahzadə, İran ordusunun generalı.

Həyatı

Əbdülhüseyn mirzə Fərmanfərmanın dördüncü oğlu Məhəmmədhüseyn mirzə 1893-cü ildə Təbriz şəhərində anadan olmuşdu. Sankt-Peterburqda Hərbi Akademiyada təhsil almışdı. Nizaməddin ləqəbini daşıyırdı.

Məhəmmədhüseyn mirzə 1911-ci ildə jandarmeriyada xidmətə başlamışdı. 1915-ci ildə Rus ordusunda, Qusar alayında xidmət etmişdi. Birinci Cahan Savaşı nədəniyə rus ordusu İrandan çıxandan sonra, Qacar ordusuna qatılmışdı.1919-cu ildə Əhməd şahın qvardiyasında qulluq etmişdi. 1919-cu ildən 1921-ci ilədək Xorasanda, Məşhəd şəhərinin jandarmeriyasına başçılıq etmişdi. 1921-ci ildə polkovnik rütbəsi almışdı. 1921-ci ildə orduda yüksək vəzifə tutmuşdu. 1922-ci ildən 1923-cü ilədək Tehranda qərargahda xidmət etmişdi. 1923-cü ildən 1924-cü ilədək İsfahanda ordunun bir qanadının, briqadanın başçısı olmuşdu.

Məhəmmədhüseyn mirzə general-leytenant rütbəsi daşıyırdı.

General-leytenat Məhəmmədhüseyn mirzə Firuz bir ara Fars əyalətinin həmakarəsi (bütün işlər üzrə müvəkkili) olmuşdu. Sonra, 1924-cü ildən 1927-ci ilədək Cənub qüvvələrinin qərargah rəisi vəzifəsinə yüksəlmişdi. Rza şah onu həbs etdirib, Tehran zindanına gətirtdi.

Məhəmmədhüseyn mirzə həbsdən azad olunduqdan sonra, 1929-cu ildə Qaşqay üsyanını yatırılmağa göndərilmişdi. Həmin il yüksəkrütbəli zabit kimi Avropada olmuşdu.

1942-ci ildə Hindistana gedən hərbi missiyaya rəhbərlik etmişdi. 1943-cü ildə Afrikaya yollanan hərbi missiyanın başçısı olmuşdu.

Məhəmmədhüseyn mirzə 1945-ci ildən 1946-cı ilədək İranın Yollar və Rabitə naziri vəzifəsində çalışmışdı. 1946-cı ildən 1947-ci ilədək Şərq qüvvələrinin (Xorasan və Kerman əyalətlərinin) komandanı olmuşdu. 1947-ci ildə Ottavaya gedən hərbi və mülki missiyaya rəhbərlik etmişdi. Belçika krallığının (1919), Fransa respublikasının ən yüksək ordenləri ilə təltif olunmuşdu.

Ailəsi

Məhəmmədhüseyn mirzə Səfiə xanımla ailə qurmuşdu. İskəndər mirzə, Nersi mirzə adlı oğulları, adlı qızı vardı.

Mənbə

Çingizoğlu Ə. Qacarlar və Qacar kəndi. Bakı: “Şuşa” nəşriyyatı. 2008. səh. 336+32.

Həmçinin bax