Mələkxanım Əyyubova

Vikipediya, açıq ensiklopediya
Jump to navigation Jump to search
Picto infobox character.png
MƏLƏKXANIM ƏYYUBOVA
Fotoqrafiya

Doğum tarixi 5 noyabr 1962 (1962-11-05) (55 yaş)
Doğum yeri Şamaxı
MükafatlarıAZ fexri adinin dos nisani.png

Mələkxanım Əyyubova – xanəndə, muğam ifacısı, Azərbaycanın xalq artisti.

Həyatı[redaktə | əsas redaktə]

Mələkxanım Əyyubova 5 noyabr 1962-ci ildə Şamaxıda anadan olmuşdur. 1969-cu ildən 1979-cu ilədək Bakıdakı 155 saylı ota məktəbdə təhsil almışdır.

Qarmon ixtisası üzrə 5 illik musiqi məktəbini bitirmişdir. Ə.Cavanşirovun rəhbərlik etdiyi uşaq xorunun solisti olmuşdur. 1979-cu ildən 1984-cü ilə kimi M.A.Əliyev adına Azərbaycan Dövlət İncəsənət Universtetinin "Musiqili komediya aktyorluğu" fakültəsində təhsil almışdır. 1980-cı ildən 1985-ci ilədək "İrs" folklor ansamblının, 1985-ci ildən Azərbaycan Dövlət Televiziya və Radio Verilişləri Şirkətində S.Rüstəmov adına Xalq Çalğı Alətləri orkestrinin solisti olmaqla yanaşı, C. Qaryağdıoğlu adına muğam üçlüyündə çalışmışdır.

Dünyanın bir çox ölkələrində – ABŞ, Almaniya, Avstraliya, Fransa, Türkiyə, Rumıniya, Belorusiya, Latviya, İsveç, İraq, Hollandiya, Belçika, Rusiya və s. konsert proqramları ilə çıxış etmişdir.

1995–ci ildə Azərbaycan Dövlət Opera və Balet Teatrında Üzeyir Hacıbəyovun "Leyli və Məcnun" operasında Leyli rolunun ifaçısı olmuşdur.

10 ildən artıqdır ki, Azərbaycan Dövlət Mədəniyyət və İncəsənət Universitetində muğam ixtisası üzrə dosent vəzifəsində çalışır. Azərbaycanın əməkdar və xalq artisti adına layiq görülmüşdür.

Almaniya, FransaTürkiyədə muğam albomları buraxılmışdır.

Heydər Əliyev Fondunun mükafatçısıdır. 2016-cı ildə Cəfər Cabbarlı mükafatına layiq görülmüşdür.[1][2] 1 may 2017-ci ildə Prezident Mükafatına layiq görülmüşdür.[3]

Filmoqrafiya[redaktə | əsas redaktə]

  1. Qabil (film, 2001)
  2. Zəlimxan dastanı (film, 2007)
  3. Xalq təranələri (film)

İstinadlar[redaktə | əsas redaktə]

  1. TTV (24.05.2016). "Cəfər Cabbarlı mükafatı - 2016 laureatları" (az). Youtube.com. https://www.youtube.com/watch?v=zrkmCzIn3HQ. İstifadə tarixi: 2016-05-25.
  2. report.az (24.05.2016). "Cəfər Cabbarlı mükafatı qaliblərə təqdim olunub - FOTO" (az). Report.az. http://report.az/i-ncesenet/cefer-cabbarli-mukafati-qaliblere-teqdim-olunub/. İstifadə tarixi: 2016-05-25.
  3. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az). President.az. http://president.az/articles/23481. İstifadə tarixi: 2017-05-02.

Mənbə[redaktə | əsas redaktə]