Məryəm Əlibəyli

Vikipediya, azad ensiklopediya
Jump to navigation Jump to search
Məryəm Əlibəyli
Məryəm Əlibəyli.jpg
Sənətçi məlumatları
Doğum adı Məryəm Əliəkbər qızı Əlibəyli
Doğum tarixi 1 oktyabr 1968 (1968-10-01) (51 yaş)
Doğum yeri Bakı, Azərbaycan SSR
Mənşə Azərbaycanlı
Peşələri bəstəkar, musiqişünas

Üslub estrada musiqisi, pop musiqi
Musiqi aləti Piano

Məryəm Əliəkbər qızı Əlibəyli (d. 1 oktyabr 1968) — bəstəkar, musiqişünas.

Həyatı[redaktə | əsas redaktə]

Məryəm Əliəkbər Qızı Əlibəyli 1 oktyabr 1968-ci ildə Bakıda anadan olmuşdur. 1976-1987-ci illərdə Bülbül adına orta ixtisas musiqi məktəbində "fortepiano və tarixi nəzəriyyə" ixtisası üzrə təhsil almış, 8-ci sinifdən hekayə, şeir və mahnılar yazmağa başlamışdır. 1987-1991-ci illərdə Bakı Musiqi Akademiyasının "tarixi nəzəriyyə və musiqişünaslıq" fakültəsində təhsil alaraq musiqişünas ixtisasına yiyələnmişdir.

Yaradıcılığı[redaktə | əsas redaktə]

1993-2000-ci illərdə xalq artisti, bəstəkar Aqşin Əlizadənin tövsiyəsi ilə Azərbaycan Dövlət Teleradio şirkətində - televiziyada musiqi redaksiyasında, radioda "Xarici ölkələrə verilişlər" şöbəsində musiqi redaktoru vəzifələrində çalışmışdır. "Durna teli", "Ailələr və talelər", "Xəyalə və dostları", "Çərək, çərək, gəl görüşək", "Uşaqların şəhəri" adlı televiziya proqramlarının musiqi və ssenari müəllifi, musiqi redaktoru olmuşdur. 1990-cı ildə Xəyalə Manaflını 5 yaşında estrada janrında oxuyan ilk uşaq müğənni kimi səhnəyə gətirmiş, musiqi prodüseri kimi onun formalaşmasında əmək sahibi olmuşdur. 2000-ci ildə bəstəkar Natiq Qəzənfəroğlu ilə birlikdə gənclərdən ibarət "NM" pop qrupunun, 2004-cü ildə isə Azərbaycanda ilk uşaq pop qrupu olan "Can Bala" qrupunu yaratmış və bədii rəhbəri olmuşdur. 2005-2015-ci illərdə "Noğullar", "Gülən Notlar", "Dostlar" kimi uşaq estrada qruplarının yaradıcısı və musiqi rəhbəri olmuşdur. 2004-2012-ci illərdə Azərbaycan Dövlət Uşaq Filarmoniyası, 2011-2013-cü illərdə Xətai rayon mədəniyyət evində, 132-134 saylı məktəb-bağça təhsil kompleksində musiqi kollektivlərinin bədii rəhbəri kimi çalışmışdır.

Bəstələdiyi musiqilər[redaktə | əsas redaktə]

200-dən çox nəğmələrə, o cümlədən 60-dan artıq uşaq mahnılarına şeir yazmış və musiqi bəstələmişdir. "Ailələr və talelər", "Uşaqların şəhəri", "Xəyalə və dostları" kimi verilişlərə, Gənc Tamaşaçılar Teatrında "Biri vardı, biri yoxdu", "Qoğal" nağıl tamaşalarına, "Möcüzələr aləminə səyahət" adlı uşaq fiminə, "Son addım" teleserialına musiqi bəstələmişdir. Bir neçə estrada pyesinin müəllifidir.

Məqalələr və şeirlər[redaktə | əsas redaktə]

Üzeyir Hacıbəyov, Aqşin Əlizadə, Nazim Əliverdibəyov haqqında, Azərbaycan estrada musiqisi barədə bir çox məqalələrin və şeirlərin müəllifidir.

Məşhur mahnıları[redaktə | əsas redaktə]

Mükafatları[redaktə | əsas redaktə]

2003-ci ildə Mədəniyyət və Turizm Nazirliyi və "Orizona" firması tərəfindən keçirilən "Nəğmələrin nəğməsi" mahnı müsabiqəsinin diplomuna, 2015-ci ildə "Qafqaz-Media" ictimai birliyinin təsis etdiyi "Heydər Zirvəsi" diplomuna layiq görülmüşdür

İstinadlar[redaktə | əsas redaktə]