Məsud Əlioğlu

Vikipediya, azad ensiklopediya
Naviqasiyaya keç Axtarışa keç
Məsud Əlioğlu
Vəliyev Məsud Əli oğlu
Digər adı Məsud Vəliyev
Doğum tarixi 5 oktyabr 1928(1928-10-05)
Doğum yeri
Vəfat tarixi 23 iyun 1973(1973-06-23) (44 yaşında)
Vəfat yeri
Vətəndaşlığı SSRİ SSRİ
Milliyyəti azərbaycanlı
Uşağı
Atası Əli Vəliyev
Elm sahələri nəsr, ədəbiyyat, ədəbi tənqid
Elmi dərəcələri
İş yeri
Təhsili

Məsud Əli oğlu Vəliyev (5 oktyabr 1928, Mahmudlu, Zəngəzur qəzası – 23 iyun 1973, Bakı) — Azərbaycan yazıçısı. Filologiya elmləri doktoru.

Həyatı

[redaktə | vikimətni redaktə et]

Məsud Əlioğlu 5 oktyabr 1928-ci ildə Qubadlı rayonunun Mahmudlu kəndində dünyaya gəlib.[1] 1946-cı ildə Azərbaycan Dövlət Universitetinin filologiya fakültəsinə daxil olub. Universiteti bitirdikdən sonra elmi fəaliyyətini Azərbaycan Elmlər Akademiyasının Nizami adına Ədəbiyyat institutu ilə başlayıb. 27 yaşında "Nəsrimizdə vətəndaş müharibəsi mövzusu" adlı elmi tədqiqat əsərinə görə filologiya elmləri namizədi, 40 yaşında "Azərbaycan sovet nəsrinin inkişaf yolları" mövzusu üzrə yazdığı elmi tədqiqat əsərinə görə filologiya elmləri doktoru dərəcəsinə layiq görülüb.[2]

1950–1960-cı illərdə Azərbaycan ədəbi tənqidinin aparıcı nümayəndələrindən biri olmuş, həm də görkəmli bir ədəbiyyatşünas kimi də şöhrət qazanmışdır. 1960-cı illərin əvvəllərinə kimi o, yalnız Məsud Vəliyev kimi tanınıb, sonra Məsud Əlioğlu kimi də imzasını məşhurlaşdırıb.[3]

100-ə qədər məqalənin, monoqrafiyaların, Nizami, Füzuli, M. F. Axundov, N. Vəzirov, S. S. Axundov, Ə. Haqverdiyev, C. Məmmədquluzadə, M. Ə. Sabir, M. Hadi, H. Cavid, Y. V. Çəmənzəminli, Şeyx Məhəmməd Xiyabani, Şəhriyar və digər bu kimi ədiblərin yaradıcılığını, həmçinin yaşadığı dövrün çağdaş ədəbiyyatının mənzərəsini işıqlandıran dəyərli kitabların müəllifidir.

Əsərləri sovet dönəmində yasaq olunmuş Hüseyn Cavidə ədəbi bəraət qazandırmış ilk silsilə məqalələrin və fundamental "Hüseyn Cavid" monoqrafiyasının müəllifidir.[4]

Məsud Əlioğlu cəmi 44 il ömür sürərək, 1973-cü ilin 23 iyun ayında Bakı şəhərində vəfat edib.

Ailəsi

[redaktə | vikimətni redaktə et]

O, xalq yazıçısı Əli Vəliyevin oğlu, yazıçı Afaq Məsudun atasıdır.[5]

Xatirəsi

[redaktə | vikimətni redaktə et]

25 sentyabr 2018-ci ildə Nizami Gəncəvi adına Ədəbiyyat İnstitutunun elektron Akt zalında Məsud Əlioğlunun 90 illik yubileynə həsr edilmiş elmi sessiya keçirilib.[6]

Kitabları

[redaktə | vikimətni redaktə et]
  • C. Məmmədquluzadənin dramaturgiyası. Bakı, Azərnəşr, 1954
  • S. S. Axundov. Bakı, Azərnəşr, 1956
  • Məfkurə dostları. Bakı, Azərnəşr, 1961[7]
  • Rəsul Rza. Bakı, Azərnəşr, 1960
  • Ədəbiyyatda yeni insan. Bakı, Azərnəşr, 1964[7]
  • Məslək qardaşları. Bakı, Azərnəşr, 1966[7]
  • Tənqidçinin düşüncələri. Bakı, Azərnəşr, 1968
  • Ədəbi fraqmentlər. Bakı, Azərnəşr, 1974[7]
  • H. Cavidin romantizmi. Bakı, Azərnəşr, 1975
  • Amal və sənət. Bakı, Yazıçı, 1980[7]
  • Məhəbbət və qəhrəmanlıq. Bakı, Yazıçı, 1979[7]
  • Darıxan adamlar (iki cilddə). Bakı, "Elm və təhsil", 2009[7]
  • Darıxan adamlar (seçilmiş əsərləri). Bakı, "Təhsil", 2018, 792 səh. ISBN 978-9952-518-05-4

İstinadlar

[redaktə | vikimətni redaktə et]
  1. ↑ "Təqvim (5-9 oktyabr)" (az.). medeniyyet.az.
  2. ↑ Cavanşir, Cəlil. "İntihar edən azərbaycanlı professor ARAŞDIRMA" (az.). kulis.az. İstifadə tarixi: 22.05.2013.
  3. ↑ Yusifli, Vaqif. "Azərbaycan ədəbi tənqidinin aparıcı nümayəndələrindən biri -Məsud Əlioğlu" (az.). az.baku-art.com. İstifadə tarixi: 05.10.2021.
  4. ↑ Turan, Azər. "Eşq və kədər yağmuru..." (az.). edebiyyatqazeti.az. İstifadə tarixi: 03.10.2018.
  5. ↑ Mürvətqızı, Sevinc. "Azərbaycan Dillər Universitetində Məsud Əlioğlunun kitabının təqdimatı keçirilib" (az.). 525-ci qəzet. İstifadə tarixi: 14.11.2019.
  6. ↑ Əsgərli, Əlizadə. "Məsud Əlioğlunun 90 illik yubileynə həsr edilmiş elmi sessiya keçirilib" (az.). literature.az. İstifadə tarixi: 28.09.2018.
  7. ↑ 1 2 3 4 5 6 7 Məsud Əlioğlunun kitabları

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Məsud_Əlioğlu&oldid=7899369"