Maarifə Hacıyeva
| Maarifə Hacıyeva | |
|---|---|
| Doğum tarixi | |
| Doğum yeri | Gədəbəy, Azərbaycan SSR |
| Vətəndaşlığı |
 Azərbaycan |
| Milliyyəti | Azərbaycanlı |
| Elm sahəsi | filologiya |
| Elmi dərəcəsi | filologiya elmləri doktoru |
| Elmi adı | professor |
| Mükafatları |
  |
Maarifə Hüseyn qızı Hacıyeva (noyabr 1938, Gədəbəy) — filologiya elmləri doktoru, professor, Azərbaycan Respublikasının əməkdar müəllimi (2011).[1]
Həyatı[redaktə | mənbəni redaktə et]
1938-cü ilin noyabrında Gədəbəy rayonunda anadan olub. 1953-cü ildə Xanlar rayonundakı Pedaqoji texnikuma daxil olub, 1957-ci ildə fərqlənmə diplomu ilə bitirib. Həmin ildə Azərbaycan Pedaqoji İnstitutunun tarix-filologiya fakültəsinə daxil olub. 1962-ci ildə oranı fərqlənmə diplomu ilə bitirib.
Ailəsi[redaktə | mənbəni redaktə et]
Ailəlidir. Üç övladı var.
Fəaliyyəti[redaktə | mənbəni redaktə et]
Elmi fəaliyyəti[redaktə | mənbəni redaktə et]
1968-ci ildən Azərbaycan Xalq Təssərrüfatı İnstitutunun (indiki Azərbaycan Dövlət İqtisad Universiteti) "Azərbaycan dili" kafedrasında işləyir. 1970-ci ildə namizədlik dissertasiyasını, 1990-cı ildə doktorluq dissertasiyasını müdafiə edib. Filologiya elmləri doktoru, professordur.
28 kitabın (dərslik, dərs vəsaiti, elmi monoqrafiya, elmi-metodik vəsait), 250-dən artıq elmi-metodiki məqalənin müəllifidir.
Kitabları[redaktə | mənbəni redaktə et]
- "XX əsr Azərbaycan ədəbiyyatı"
- "Azərbaycan ədəbiyyatı terminləri sözlüyü"
- "Müdriklik çeşməsi"[2]
- "Folklor və müasir poetik proses"
- "Türk dünyası və qardaş ölkələr ədəbiyyatı"
- "Azərbaycan ədəbiyyatından praktikum"
- "Gizli çiçək"
- "İllərdən qalan"
- "Azərbaycan folklor və etnoqrafiya terminləri sözlüyü"
- "Örnəklərlə folklor, xalq ədəbiyyatı və təkkə ədəbiyyatı sözlüyü"
- "Ədəbi düşüncələr", "Türk aşıqları" kimi kitabları.
Təltifləri[redaktə | mənbəni redaktə et]
- Azərbaycan Respublikası Prezidentinin 12 iyun 2002-ci il tarixli fərmanıyla "Tərəqqi" medalı ilə təltif olunmuşdur.[3]
- Azərbaycan Respublikası Prezidentinin 26 sentyabr 2011-ci il Sərəncamına əsasən Azərbaycanda təhsilin inkişafındakı xidmətlərinə görə "Azərbaycan Respublikasının əməkdar müəllimi" fəxri adı verilmişdir.[4]
İstinadlar[redaktə | mənbəni redaktə et]
- ↑ "Hacıyeva Maarifə Hüseyn qızı". 2021-08-05 tarixində arxivləşdirilib. İstifadə tarixi: 2021-03-09.
- ↑ "Müdriklik çeşməsi". 2020-08-09 tarixində arxivləşdirilib. İstifadə tarixi: 2021-03-09.
- ↑ "AZƏRBAYCAN DÖVLƏT İQTİSAD UNİVERSİTETİ MÜƏLLİMLƏRİNİN TƏLTİF EDİLMƏSİ HAQQINDA AZƏRBAYCAN RESPUBLİKASI PREZİDENTİNİN FƏRMANI". 2021-08-03 tarixində arxivləşdirilib. İstifadə tarixi: 2021-03-09.
- ↑ "Azərbaycan Dövlət İqtisad Universitetinin əməkdaşlarına "Əməkdar müəllim" fəxri adının verilməsi haqqında". 2020-06-28 tarixində arxivləşdirilib. İstifadə tarixi: 2021-03-09.