Mahir Əmiraslanov
| Mahir Əmiraslanov | |
|---|---|
| Şəxsi məlumatlar | |
| Tam adı | Mahir İlqar oğlu Əmiraslanov |
| Vətəndaşlığı |
 Azərbaycan |
| Doğum tarixi | 12 may 1997 (26 yaş) |
| Doğum yeri | |
| Boyu | 168 sm. (5 ft 6 in) |
| İdman növü | Güləş |
| Karyera illəri | 2005—2021 |
| Məşqçisi | Əsgərxan Novruzov |
Mahir Əmiraslanov (12 may 1997, Azərbaycan) — Azərbaycanı təmsil edən sərbəst güləşçi, 2019-cu il Avropa Oyunlarının qalibi.[1]
Karyerası[redaktə | mənbəni redaktə et]
Mahir Əmiraslanov 2013-cü ildə Monteneqroda yeniyetmələr arasında Avropa Çempionatını bürünc, Serbiyada isə yeniyetmələr arasında Dünya Çempionatını gümüş medallarla başa vurdu.[1] Bir il sonra, 2014-cü ildə Mahir Əmiraslanov yeniyetmələr arasında Avropa Çempionatını beşinci pillədə başa vursa da, yeniyetmələr arasında Dünya Çempionatında növbəti dəfə gümüş medalın sahibi oldu.[1]
2015-ci ilin avqustunda Mahir Əmiraslanov Braziliyada gənclər arasında Dünya Çempionatında bütün rəqibləri üzərində qələbə qazanaraq turnirin qalibi oldu.[1] Sentyabrda Las-Veqas şəhərində Dünya Çempionatlarında debüt edən Mahir Əmiraslanov noyabrda Qızıl Qran-Pri beynəlxalq turnirini də bürünc medalla başa vurdu.[1] 2016-cı il ərzində Mahir Əmiraslanov İstanbul şəhərində Yaşar Doğu Turnirini və Buxarest şəhərində gənclər arasında Avropa Çempionatının bürünc medallarına sahib oldu.[1] Həmin mövsüm də Mahir Əmiraslanov həm də Latviyada Avropa Çempionatını beşinci pillədə başa vurdu.[1]
Mahir Əmiraslanov 2017-ci ildə Rusiyada Əli Əliyev Turnirinin qalibi oldu, İstanbul şəhərində Yaşar Doğu Turnirini gümüş medalla, Bolqarıstanda D. Kolov - N. Petrov Turnirinin və Rusiyada V. Semenov Turnirinin isə bürünc medallarına sahib oldu.[1] Həmin ilin mayında Mahir Əmiraslanov həm də IV İslam Həmrəyliyi Oyunlarının qalibi oldu.[1]
Karyerasının ən uğurlu mövsümü 2019-cu ilə təsadüf edən Mahir Əmiraslanov apreldə Rumıniyanın Buxarest şəhərində baş tutan Avropa Çempionatını bürünc medalla başa vurdu, iyunda isə Belarusda Avropa Oyunlarının qalibi oldu.[1]
2021-ci ildə bir sıra beynəlxalq turnirlərdə uğursuz nəticə göstərən Mahir Əmiraslanov həmin il idmanla vidalaşdı.[1]
Nəticələri[redaktə | mənbəni redaktə et]
| Yeniyetmələrin Avropa Çempionatı |  Monteneqro
|
|||
| Yeniyetmələrin Dünya Çempionatı |  Serbiya
|
|||
| Yeniyetmələrin Avropa Çempionatı |  Bolqarıstan
|
|||
| Yeniyetmələrin Dünya Çempionatı |  Slovakiya
|
|||
| Gənclərin Dünya Çempionatı |  Braziliya
|
|||
| Dünya Çempionatı |  ABŞ
|
|||
| Qızıl Qran-Pri | Azərbaycan
|
|||
| Yaşar Doğu Turniri |  Türkiyə
|
|||
| Avropa Çempionatı |  Latviya
|
|||
| Gənclərin Avropa Çempionatı |  Rumıniya
|
|||
| Yaşar Doğu Turniri | Türkiyə
|
|||
| D. Kolov - N. Petrov Turniri | Bolqarıstan
|
|||
| İslam Həmrəyliyi Oyunları | Azərbaycan
|
|||
| Əli Əliyev Turniri |  Rusiya
|
|||
| Dünya Çempionatı |  Fransa
|
|||
| V. Semenov Turniri | Rusiya
|
|||
| Avropa Çempionatı | Rumıniya
|
|||
| Avropa Oyunları |  Belarus
|
|||
| Dünya Çempionatı |  Qazaxıstan
|
|||
| Hərbçilərin Dünya Oyunları |  Çin
|
|||
| Fransa Qran-Prisi | Fransa
|
|||
| Kiyev Turniri |  Ukrayna
|