Mais Cavadov

Vikipediya, azad ensiklopediya
Naviqasiyaya keçin Axtarışa keçin
Mais Cavadov
Mais Həbib oğlu Cavadov
Doğum tarixi
Doğum yeri İsmayıllı
Vəfat tarixi
Vəfat yeri Bakı
Vətəndaşlığı SSRİ SSRİAzərbaycan Azərbaycan
Atası Həbib Cavadov
Elm sahəsi fizika-riyaziyyat
Elmi dərəcəsi fizika-riyaziyyat elmləri doktoru (1966)
İş yerləri Azərbaycan Elmlər Akademiyasının Fizika və Riyaziyyat İnstitutu, Azərbaycan Dövlət Pedaqoji İnstitutu
Elmi rəhbəri Zahid Xəlilov
Tanınır professor
Üzvlüyü AMEA-nın müxbir üzvü (1989)

Mais Həbib oğlu Cavadov (22 mart 1929, Basqal, Şamaxı qəzası1992, Bakı) - fizika-riyaziyyat elmləri doktoru (1966), Əməkdar elm xadimi (1982), AMEA-nın müxbir üzvü (1989).[1]

Həyatı[redaktə | mənbəni redaktə et]

Mais Cavadov 22 mart 1929-cu ildə İsmayıllı rayonunun Baskal kəndində anadan olub. Ali təhsilini 1952-ci ildə Bakı Dövlət Universitetinin Riyaziyyat fakültəsində alıb.[1]

Əmək fəaliyyəti[redaktə | mənbəni redaktə et]

Mais Həbib oğlu Cavadov əmək fəaliyyətinə 1952-ci ildə Azərbaycan Elmlər Akademiyasının Fizika və Riyaziyyat İnstitutunda başlayıb. O, 1952-1969-cu illərdə AEA Fizika və Riyaziyyat İnstitutunda əyani aspirant, böyük elmi işçi, şöbə müdiri vəzifələrini icra edib. 1969-cu ildən pedaqoji fəaliyyətə başlayan Mais Cavadov 1969-1992-ci illərdə Azərbaycan Dövlət Pedaqoji İnstitutunda professor, kafedra müdiri vəzifəsində çalışıb.[1]

Elmi fəaliyyəti[redaktə | mənbəni redaktə et]

Mais Cavadov 1958-ci ildə akademik Zahid Xəlilovun rəhbərliyi ilə "Ümumiləşmiş funksiyalar sinfində qarışıq məsələlərin tədqiqi" mövzusunda namizədlik dissertasiyasını müdafiə edərək fizika-riyaziyyat üzrə fəl­səfə doktoru, 1966-cı ildə fizika-riya­ziyyat üzrə elm­lər doktoru elmi dərəcələrini alıb. 1989-cu ildə AEA-nın müxbir üzvü seçil­ib.[1]

Mais Cavadov ilk dəfə adi diferensial operatorların məxsusi və qoşulmuş funk­siyalarının bir hissəsinin tamlıq məsələsini həll edib. Alim 40-dan artıq elmi əsərin müəllifidir. Onun rəhbərliyi ilə 20-dən artıq fəlsəfə dok­toru hazırlanıb.[1]

Mükafatları[redaktə | mənbəni redaktə et]

Mais Cavadov 1982-ci ildə Əməkdar elm xadimi fəxri adına layiq görülüb.[1]

Vəfatı[redaktə | mənbəni redaktə et]

Mais Cavadov 1992-ci ildə Bakıda vəfat edib.[1]

İstinadlar[redaktə | mənbəni redaktə et]

  1. 1,0 1,1 1,2 1,3 1,4 1,5 1,6 "Cavadov Mais Həbib oğlu" (Azərbaycan). science.gov.az. 21-09-2021 tarixində arxivləşdirilib.