Manel Navarro
| Manel Navarro | |
|---|---|
 Manel Navarro 2017-ci ildə | |
| Ümumi məlumatlar | |
| Doğum adı |
Manel Navarro Quesada Manel Navarro Quesada |
| Doğum tarixi | 7 mart 1996[1] (28 yaş) |
| Vətəndaşlığı | |
| Musiqiçi məlumatları | |
| Fəaliyyəti | müğənni, gitaraçı, bəstəkar, musiqi prodüseri, mahnı yazarı[d] |
| Fəaliyyət illəri | 2014-cü ildən |
| Janrlar | pop musiqisi |
| Musiqi alətləri | gitara |
| Albom şirkəti | Sony Music[d] |
 Vikianbarda əlaqəli mediafayllar | |
Manel Navarro Kesada (isp. Manel Navarro Quesada; 7 mart 1996[1]) və ya sadəcə Manel Navarro — İspaniya müğənnisi və bəstəkarı. O, İspaniyanı 2017 Avroviziya Mahnı Müsabiqəsində təmsil etmişdir.
Musiqi karyerası[redaktə | mənbəni redaktə et]
2014–2016: Başlanğıc[redaktə | mənbəni redaktə et]
2014-cü ildə Manel Navarro Catalunya Teen Star musiqi yarışmasında qalib gəlmişdir. Qalibiyyətin ardınca Manel TeenStarRecords albom şirkəti ilə anlaşma imzalamışdır. Həmin ilin dekabr ayında ifaçının "Brand New Day" adlı debüt sinqlı buraxılmışdır. 2015-ci ildə Sweet California qrupunun tur çərçivəsində təşkil etdiyi konsertdə Manel də səhnə almışdır. Həmin ildə müğənni Sony Music Spain albom şirkəti ilə yeni bir müqavilə imzalamışdır. 2016-cı ilin iyun ayında onun "Candle" adlı ikinci sinqlı təqdim edilmişdir. Mahnı İspaniya hit paradlarında yüksək sıralarda yer almışdır.
2017-indiki zaman: Avroviziya[redaktə | mənbəni redaktə et]
2017-ci ilin yanvar ayında Manel Navarronun "Do It for Your Lover" mahnısı təqdim edilmişdir. Daha sonra ifaçının həmin mahnı ilə İspaniyanın TVE telekanalının Avroviziya üçün təşkil etdiyi milli seçim turunda iştirak edəcəyi öz təsdiqini tapmışdır. Yaranan mübahisələrə baxmayaraq, fevral ayının 11-də Manel seçim turunun qalibi elan edilmişdir.[2] Seçim turunda Manel münsif səsverməsinin qalibi olsa da, SMS səsverməsində üçüncü yerdə qərarlaşmışdır. Mübahisələrin yaranmasına əsas səbəb radioaparıcı Xavi Martinesin münsiflər heyəti panelində olması ilə bağlı idi. Martines seçim turunun keçirilməsindən öncə Maneli öz radio şousuna dəvət etmiş və ona dəstək olduğunu bildirmişdir. Yarışmanın finalında Martines ən yüksək səsi Manelə verməklə qalmamış, Manelin əsas rəqibinə isə ən az səs vermişdir. Nəticədə Manel seçim turunun qalibi elan edildikdən sonra yarışmanın keçirildiyi studiyada əyləşən insanlar etiraz səslərini yüksəltmiş və münsiflər heyəti saxtakarlıqda ittiham olunmuşdur.[3]
Manel Navarro "Do It for Your Lover" mahnısı ilə İspaniyanı Ukraynanın paytaxtı Kiyevdə keçirilən Avroviziya 2017-də təmsil etmiş və nəticə olaraq finalda sonuncu yerdə qərarlaşmışdır.
Avroviziyadan sonra 2017-ci ilin iyun ayında Manelin "Keep On Falling" adlı yeni sinqlı pərəstişkarlarına təqdim edilmişdir. Mahnı İspaniya hit paradlarında 37-ci yerədək yüksələ bilmişdir.
Diskoqrafiya[redaktə | mənbəni redaktə et]
Sinqllar[redaktə | mənbəni redaktə et]
- "Brand New Day" (2014)
- "Candles" (2016)
- "Do It for Your Lover" (2017)
- "Keep On Falling" (2017)
İstinadlar[redaktə | mənbəni redaktə et]
- ↑ 1 2 Manel Navarro // https://pantheon.world/profile/person/Manel_Navarro.
- ↑ "Manel Navarro to represent Spain in Kyiv!". eurovision.tv. AYİ. 11 fevral 2017. 2017-02-27 tarixində arxivləşdirilib. İstifadə tarixi: 2017-02-13.
- ↑ "Manel Navarro logra el pase a Eurovisión con corte de mangas y "tongo" incluidos". ELMUNDO (İspanca). 2021-05-05 tarixində arxivləşdirilib. İstifadə tarixi: 2017-02-13.
| Əvvəlki: Barei "Say Yay!" |
İspaniya Avroviziya Mahnı Müsabiqəsində  2017 |
Sonrakı: Alfred və Amaya "Tu canción" |
| Foto, video və audio | |
|---|---|
| Tematik saytlar |
