Amaya Romero

Vikipediya, açıq ensiklopediya
Jump to navigation Jump to search
Amaya Romero
isp. Amaia Romero
AlfredAmaia.jpg
Alfred və Amaya 2018-ci ildə
Sənətçi məlumatları
Doğum adı Amaya Romero Arbisu
isp. Amaia Romero Arbizu
Doğum tarixi 3 yanvar 1999 (1999-01-03) (20 yaş)
Doğum yeri Pamplona, Navarra, İspaniya
Vətəndaşlığı Flag of Spain.svg İspaniya
Peşəsi müğənni

Üslub
Musiqi aləti vokal, piano, gitara, ukulele
Fəaliyyət illəri 2010–h.h.
Əlaqələri Alfred Qarsiya
Commons-logo.svg Vikianbarda əlaqəli mediafayllar

Amaya Romero Arbisu (isp. Amaia Romero Arbizu; d. 3 yanvar 1999, Pamplona, Navarra, İspaniya) — İspaniya müğənnisi və Operación Triunfo yarışmasının qalibi. O, Alfred Qarsiya ilə duet şəklində ifa etdiyi "Tu canción" mahnısı ilə İspaniyanı 2018 Avroviziya Mahnı Müsabiqəsində təmsil etmişdir.[1][2]

Həyatı[redaktə | əsas redaktə]

Amaya Romero 3 yanvar 1999-cu ildə İspaniyanın Navarra muxtar ərazisində yerləşən Pamplona şəhərində anadan olmuşdur. O, universitetdə fortepiano ixtisası üzrə təhsilinin sonuncu ilindədir.

Musiqi karyerası[redaktə | əsas redaktə]

2010-cu ildə Amaya Romero İspaniyanın Telecinco telekanalında yayımlanan Cántame una canción adlı uşaqlar üçün keçirilən məharət yarışmasında iştirak etmişdir. 2012-ci ildə isə o, Antena 3 telekanalının təşkil etdiyi El Número Uno məharət yarışmasında iştirak etmişdir. Romero yarışmanın altıncı həftəsində iştirakını dayandırmışdır.

2017-ci ildə Amaya İspaniyanın ən çox baxılan musiqi yarışması Operación Triunfo-nun dinləmələrinə qatılmışdır.[3] Həmin ilin oktyabr ayında onun yarışmada iştirak edəcəyi təsdiqlənmişdir. 28 yanvar 2018-ci ildə Operación Triunfo nəznində keçirilən İspaniyanın Avroviziya milli seçim turunda Amaya Romero Alfred Qarsiya ilə birlikdə ifa etdiyi "Tu canción" mahnısı ilə ən çox səs toplayaraq, İspaniyanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmək hüququ əldə etmişdir.

2018-ci ilin fevral ayında keçirilən Operación Triunfo yarışmasının finalında Amaya yarışmanın qalibi elan edilmişdir. May ayında keçirilən Avroviziya finalında mübarizəyə qoşulan Alfred və Amaya ikinci səhnə almışdır. Nəticəd duet 26 ölkə təmsilçisinin yarışdığı final mərhələsində 61 xal toplayaraq, 23-cü yerdə qərarlaşmışdır.

İstinadlar[redaktə | əsas redaktə]

Əvvəlki:
Manel Navarro
"Do It for Your Lover"
İspaniya Avroviziya Mahnı Müsabiqəsində
EuroEspaña.svg

2018
(Alfred Qarsiya ilə)
Sonrakı:
Miki
"La venda"

Xarici keçidlər[redaktə | əsas redaktə]