Ermal Meta

Vikipediya, açıq ensiklopediya
Jump to navigation Jump to search
Ermal Meta
it. Ermal Meta
Ermal Meta - Centro Commerciale MareMonti Massa (MS) (cropped).JPG
Ermal Meta 2018-ci ildə
Sənətçi məlumatları
Doğum tarixi 20 aprel 1981 (1981-04-20) (38 yaş)
Doğum yeri Fieri, Albaniya
Vətəndaşlığı Flag of Italy.svg İtaliya
Mənşə Flag of Albania.svg Albaniya
Peşələri müğənni, bəstəkar

Üslub Pop
Musiqi aləti vokal, gitara
Fəaliyyət illəri 2006–h.h.
mescalmusic.com/artisti/ermal-meta/
Commons-logo.svg Vikianbarda əlaqəli mediafayllar

Ermal Meta (d. 20 aprel 1981, Fieri, Albaniya) — Alban mənşəli İtaliya müğənnisi və bəstəkarı. O, daha öncə İtaliyanın ən böyük musiqi hadisələrindən hesab olunan Sanremo musiqi festivalında Ameba4 və La Fame di Camilla qruplarının üzvü olaraq iştirak etmişdir. Meta bir neçə italyan müğənnisinə mahnı yazdıqdan sonra öz solo karyerasına başlamışdır. 2016 və 2017-ci illərdə ifaçının UmanoVietato morire adlı iki studiya albomu işıq üzü görmüşdür. Sonuncu albom İtaliyada bir nömrə olmuşdur və albomun əsas mahnısı ilə Meta 2017 Sanremo musiqi festivalında üçüncü yerə layiq görülmüşdür.

Meta Fabritsio Moro ilə duet şəklində ifa etdiyi "Non mi avete fatto niente" mahnısı ilə 2018 Sanremo musiqi festivalında qələbə qazanmışdır. Onlar həmin mahnı ilə İtaliyanı 2018 Avroviziya Mahnı Müsabiqəsində təmsil etmiş və nəticədə 5-ci yeri qazanmışdırlar.

Bioqrafiya[redaktə | əsas redaktə]

Ermal Meta 20 aprel 1981-ci ildə Albaniyanın Fieri şəhərində anadan olmuşdur. 13 yaşında ikən Meta ailəsi ilə birlikdə İtaliyanın Bari şəhərinə köçmüşdür. O, musiqi karyerasına Ameba4 qrupunun üzvü olaraq başlamışdır. Qrupun tərkibində Meta 2006-cı ildə İtaliyanın ən böyük musiqi hadisələrindən hesab olunan Sanremo musiqi festivalında "Rido... forse mi sbaglio" mahnısı ilə iştirak etmişdir. Mahnı qrupun həmin ilin fevral ayında işıq üzü görən albomuna daxil edilmişdir.

Ermal Meta 2010-cu ildə La Fame Di Camilla qrupunun üzvü kimi səhnədə

2007-ci ildə Meta La Fame di Camilla qrupunun vokalisti seçilmişdir. 2009-cu ildə qrupun öz adını daşıyan debüt albomu təqdim olunmuşdur. Daha sonra qrupun 2010 və 2012-ci illərdə Buio e luceL'attesa albomları satışa buraxılmışdır. 2010-cu ildə qrup Buio e luce albomunun əsas mahnısı ilə Sanremo musiqi festivalında iştirak etmişdir.[1] Qrup 2013-cü ildə parçalanmışdır.[2]

Meta İtalyan müğənnilərindən Marko Menqoni, Emma Marrone, Kyara, Annalisa, Petti Pravo və Lorentso Fraqola üçün mahnılar bəstələdikdən sonra öz solo karyerası üzərində işlərə başlamışdır. 2013-cü ildə o, Petti Pravo ilə duet şəklində "Non mi interessa" mahnısını ifa etmişdir. 2014-cü ildə isə Meta İtaliyada yayımlanan Qırmızı bilərziklər teleserialının "Tutto si muove" adlı soundtrekini səsləndirmişdir. 2016-cı ildə o, "Odio le favole" mahnısı ilə Sanremo musiqi festivalında iştirak etmiş və nəticədə üçüncü yerə layiq görülmüşdür. Mahnı ifaçının Umano adlandırdığı debüt albomuna daxil edilmişdir. 2017-ci ildə yenidən festivala qayıdan Meta ifa etdiyi "Vietato morire" mahnısı ilə növbəti dəfə üçüncü yeri qazanmışdır. Festivalın üçüncü gecəsində o, Domeniko Modunyonun "Amara terra mia" mahnısını ifa etmiş və nəticədə xüsusi mükafata layiq görülmüşdür. Vietato morire adlı ikinci studiya albomu işıq üzü görmüşdür. Albomda ifaçının İtaliyanın tanınmış sənətçilərindən olan Eliza ilə duet şəklində ifa etdiyi mahnı da yer almışdır. 2017-ci ildə Meta İtaliyada yayımlanan Amici di Maria De Filippi məharət yarışmasında münsiflər heyətinin üzvü olaraq iştirak etmişdir.[3]

Meta Fabritsio Moro ilə duet şəklində ifa etdiyi "Non mi avete fatto niente" mahnısı ilə 2018 Sanremo musiqi festivalında qələbə qazanmışdır. Onlar həmin mahnı ilə İtaliyanı 2018 Avroviziya Mahnı Müsabiqəsində təmsil etmiş və nəticədə 308 xalla 5-ci yeri qazanmışdırlar.[4]

Diskoqrafiya[redaktə | əsas redaktə]

Albomlar[redaktə | əsas redaktə]

Albom adı İl
Umano 2016
Vietato morire 2017
Non abbiamo armi 2018

Sinqllar[redaktə | əsas redaktə]

Mahnı adı İl
"Lettera a mio padre" 2014
"Odio le favole" 2015
"Volevo dirti" 2016
"A parte te"
"Gravita con me"
"Vietato morire" 2017
"Ragazza paradiso"
"Voodoo Love"
(Jarabe de Palo ilə duet)
"Non mi avete fatto niente"
(Fabritsio Moro ilə duet)
2018
"Dall'alba al tramonto"
"Un'altra volta da rischiare" (J-Ax ilə duet) 2019

Mükafatlar[redaktə | əsas redaktə]

İl Mükafat Kateqoriya Nəticə
2017 MTV Europe Music Awards Ən Yaxşı İtalyan ifaçı Qalib

İstinadlar[redaktə | əsas redaktə]

  1. "La Fame di Camilla – L'attesa" (italyanca). Radio Italia Solo Musica Italiana (24 yanvar 2012).
  2. "Ermal Meta annuncia: sciolta la band La Fame di Camilla" (italyanca). Radio Italia Solo Musica Italiana (29 mart 2013).
  3. "Amici 2017, il cast: dalla giuria con Ermal Meta e Ambra Angiolini, a Morgan che torna nel ruolo di mentore dei giovani". Il Fatto Quotidiano (9 mart 2017).
  4. "Ermal Meta e Fabrizio Moro rappresenteranno l'Italia all'Eurovision Song Contest" (italyanca). Rockol.it (11 fevral 2018).
Əvvəlki:
Françesko Qabbani
"Occidentali's Karma"
İtaliya Avroviziya Mahnı Müsabiqəsində
EuroItalia.svg

2018
Sonrakı:
Mahmud
"Soldi"

Xarici keçidlər[redaktə | əsas redaktə]