Lea Sirk

Vikipediya, azad ensiklopediya
Naviqasiyaya keçin Axtarışa keçin
Lea Sirk
sloven. Lea Sirk
Ümumi məlumatlar
Doğum tarixi (34 yaş)
Doğum yeri Koper, Sloveniya, Yuqoslaviya Sosialist Federativ Respublikası
Vətəndaşlığı  Sloveniya
Musiqiçi məlumatları
Fəaliyyəti müğənni, bəstəkar
Fəaliyyət illəri 2006–h.h.
Janr
Musiqi aləti vokal
Vikianbarın loqosu Vikianbarda əlaqəli mediafayllar

Lea Sirk (1 sentyabr 1989, Koper[d]) — Sloveniya müğənnisi və bəstəkarı. O, "Hvala, ne!" mahnısı ilə Sloveniyanı 2018 Avroviziya Mahnı Müsabiqəsində təmsil etmişdir.

Bioqrafiya[redaktə | mənbəni redaktə et]

Lea Sirk 1 sentyabr 1989-cu ildə Yuqoslaviya Sosialist Federativ Respublikasının tərkibində olan Sloveniyada, Koper şəhərində anadan olmuşdur. O, Cenevrə Musiqi Konservatoriyasında fleyta üzrə təhsil almışdır. Lea eyni zamanda bir çox beynəlxalq festivallarda iştirak etmişdir, lakin o, Sloveniyada Bitka talentov məharət yarışmasındakı iştirakından sonra şöhrət qazanmışdır. Həmin yarışmada ifaçı ikinci yerə layiq görülmüşdür.

2011-ci ildə Lea Sirk Leaparfume qrupunun üzvü olaraq Sloveniyanın 2011 Avroviziya Mahnı Müsabiqəsi üçün təşkil etdiyi milli seçim turunda iştirak etmiş, lakin heç bir uğur qazana bilməmişdir. 2014-cü ildə Lea Sloveniyanın Avroviziya təmsilçisi Tinkara Kovaçı səhnədə dəstək vokalçı olaraq müşayiət etmişdir. Həmin ildə ifaçının Roža adlı debüt albomu işıq üzü görmüşdür.

Lea 2017-ci ildə solo ifaçı olaraq "Freedom" mahnısı ilə Sloveniyanın RTV SLO telekanalının 2017 Avroviziya Mahnı Müsabiqəsi üçün seçim turunda iştirak etmiş, lakin seçim turunun ilk mərhələsinə məğlub olmuşdur. Növbəti ildə Lea Sirkin "Hvala, ne!" mahnısı ilə 2018 Avroviziya Mahnı Müsabiqəsi üçün təşkil edilən milli seçim turunda yenidən iştirak edəcəyi təsdiqlənmişdir. Fevral ayında baş tutan yarışmada Lea səsvermədə rəqiblərini məğlub edərək, qalib gəlmiş və "Hvala, ne!" mahnısı ilə Sloveniyanı Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.[1][2] Lea 10 may tarixində baş tutan müsabiqənin ikinci yarımfinal mərhələsində 17-ci səhnə almışdır. Nəticədə ifaçı 8-ci yerdə qərarlaşaraq, final mərhələsində yer almışdır. Finalda Lea 64 xalla 22-ci olmuşdur.

Diskoqrafiya[redaktə | mənbəni redaktə et]

Albomlar[redaktə | mənbəni redaktə et]

Albom adı İl
Roža 2014

Sinqllar[redaktə | mənbəni redaktə et]

Mahnı adı İl
"Povej mi, kdaj" 2007
"Kaj bi rad" 2009
"Znamenje iz sanj"
"Vampir je moj poet" 2010
"Vse je le "a""
"A bi? Ti bi!" 2012
"Song 6"
"Čudovit je svet"
"Ura je 8" 2013
"Tako je" 2014
"Freedom" 2017
"Hvala, ne!" 2018
"Moj Profil"
"Recept Za Lajf"

İstinadlar[redaktə | mənbəni redaktə et]

  1. "Lea Sirk wins EMA 2018 in Slovenia". eurovision.tv. Avropa Yayım İttifaqı. 24 fevral 2018.[ölü keçid]
  2. "On her way to Lisbon! Lea Sirk wins EMA 2018 with "Hvala, Ne!"". escXtra. 24 fevral 2018. 2018-03-03 tarixində arxivləşdirilib. İstifadə tarixi: 2018-02-25.
Əvvəlki:
Omar Naber
"On My Way"
Sloveniya Avroviziya Mahnı Müsabiqəsində

2018
Sonrakı:
Zala Kraly və Qaşper Şantl
"Sebi"

Xarici keçidlər[redaktə | mənbəni redaktə et]