Rayan O'Şounessi

Vikipediya, azad ensiklopediya
Jump to navigation Jump to search
Rayan O'Şounessi
irl. Rían Ó Seachnasaigh
Ryan O'Shaughnessy (2) 20180508 EuroVisionary (cropped).jpg
Rayan O'Şounessi 2018-ci ildə
Sənətçi məlumatları
Doğum adı Rayan O'Şounessi
irl. Rían Ó Seachnasaigh
Doğum tarixi 27 sentyabr 1992 (1992-09-27) (27 yaş)
Doğum yeri Raş, Dublin, İrlandiya
Vətəndaşlığı İrlandiya İrlandiya
Peşələri müğənni, bəstəkar

Üslub
Musiqi aləti vokal, gitara, piano, saksofon
Fəaliyyət illəri 2001–h.h.
Albom şirkəti Sony Music, Syco Music, RCA Records
Commons-logo.svg Vikianbarda əlaqəli mediafayllar

Rayan O'Şounessi (irl. Rían Ó Seachnasaigh; d. 27 sentyabr 1992, Raş, Dublin, İrlandiya) — İrlandiya müğənnisi və bəstəkarı. O, Böyük Britaniyanın Britain's Got Talent məharət yarışmasındakı iştirakı ilə şöhrət qazanmışdır. O'Şounessi ifa etdiyi "Together" mahnısı ilə İrlandiyanı 2018 Avroviziya Mahnı Müsabiqəsində təmsil etmişdir.

Həyatı[redaktə | əsas redaktə]

Rayan O'Şounessi 27 sentyabr 1992-ci ildə İrlandiyanın paytaxtı Dublin şəhərində yerləşən Raş qəsəbəsində anadan olmuşdur. Rayanın özündən böyük Qreham adlı qardaşı və Epril adlı bacısı var. O, Dublin Texnologiya İnstitutunda musiqi təhsili almışdır. Rayan gitara, piano və saksofonda ifa edə bilir və eyni zamanda fərqli müğənnilər üçün mahnılar da bəstələyir.

Rayanın dayısı Qeri O'Şounessi "Without Your Love" mahnısı ilə İrlandiyanı 2001 Avroviziya Mahnı Müsabiqəsində təmsil etmişdir.

Musiqi karyerası[redaktə | əsas redaktə]

The Voice of Ireland yarışması[redaktə | əsas redaktə]

Rayan O'Şounessi 2012-ci ildə İrlandiyanın The Voice səs yarışmasında iştirak etmişdir. Yarışmada ilk mərhələni uğurla adlayan ifaçı Brayan Kennedinin komandasında yer almışdır. O'Şounessi yarışmanın ilk duel mərhələsində məğlub olaraq, iştirakını dayadırmışdır.

Britain's Got Talent yarışması[redaktə | əsas redaktə]

2012-ci ildə O'Şounessi İrlandiyanın The Voice yarışmasındakı məğlubiyyətindən öncə Böyük Britaniyanın Britain's Got Talent məharət yarışmasındakı seçim mərhələsinə qatılmışdır. Yarışmanın ilk mərhələsində ifaçı özünün bəstələdiyi "No Name" mahnısı ilə çıxış ifa etmişdir. İlk mərhələdə münsiflərdən əsasən müsbət rəylər qazanan ifaçı növbəti mərhələyə vəsiqə qazanmışdır. Həmin vaxtda Rayanın Universal Records albom şirkəti ilə müqaviləsi var idi və Britain's Got Talent yarışmasının qaydalarına görə hansısa digər bir şirkət ilə anlaşması olan iştirakçıların yarışmada iştirakına icazə verilmirdi. Münsiflər heyəti O'Şounessini yarışmanın yarımfinal mərhələsinə göndərməyi planlaşdırsa da, ifaçının Universal Records albom şirkəti ilə müqaviləsi olması səbəbindən Rayan yarışmadan diskvalifikasiya edilmişdir. Lakin daha sonra ifaçının şirkət ilə anlaşması ləğv edilmiş və beləliklə onun yarışmanın yarımfinal mərhələsində iştirakına icazə verilmişdir.

O'Şounessi yarımfinalda öz bəstəsi olan "First Kiss" ilə çıxış etmiş və izləyicilərdən ən çox səs toplayaraq, birbaşa finala vəsiqə qazanmışdır. Yarışmanın finalında bir daha "No Name" mahnısı ilə çıxış edən ifaçı nəticədə 5-ci yerə layiq görülmüşdür.

Britain's Got Talent-dən sonra[redaktə | əsas redaktə]

2012-ci ilin may ayında Rayan O'Şounessinin Sony Music albom şirkəti ilə anlaşma imzaladığı bildirilmişdir. Onun "No Name" adlı ilk sinqlı avqust ayında satışa buraxılmışdır. Həmin ayda ifaçının öz adını verdiyi mini-albomu da işıq üzü görmüşdür. Albomda O'Şounessinin özünün bəstələdiyi altı mahnı yer almışdır. Avqust ayının 23-də ifaçı Britaniyanın This Morning səhər verilişində qonaq olmuşdur. O'Şounessi planlaşdırdığı tur çərçivəsində avqust ayının sonundan oktyabr ayının 12-dək Britaniyanın müxtəlif şəhərlərində konsert proqramları ilə çıxış etmişdir.

The Hit yarışması[redaktə | əsas redaktə]

2013-cü ilin iyul ayında Rayan O'Şounessinin İrlandiyanın yeni The Hit mahnı yarışmasında iştirak edəcəyi elan edilmişdir. Yarışmada ifaçı 2012-ci ildə The Voice səs yarışmasında komandasında yer aldığı müğənni Brayan Kennediyə qarşı mübarizə aparmışdır. Yarışma çərçivəsində Kennedi ilə duelə çıxan O'Şounessi nəticədə qalib gələrək, yarışmanın finalına yüksəlmişdir. Finalda ifaçı ikinci yerə layiq görülmüşdür.

2015-hal-hazırda: Avroviziya[redaktə | əsas redaktə]

2015-ci ildə O'Şounessinin "Fingertips" və "Evergreen" adlı iki sinqlı təqdim olunmuşdur. 2016-cı ilin əvvəlində ifaçının digər bir sinqlı olan "She won't wait" təqdim olunmuşdur. Həmin ilin noyabr ayında O'Şounessinin Back to Square One adlı debüt albomu işıq üzü görmüşdür.

O'Şounessi "Together" mahnısı ilə İrlandiyanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmişdir.[1]

Rayan 8 may tarixində baş tutan Avroviziyanın birinci yarımfinal mərhələsində 18-ci səhnə almışdır. Nəticədə ifaçı 179 xalla yarımfinalda 6-cl yeri tutmuş və dörd illik fasilədən sonra İrlandiyanı Avroviziya finalına yüksəltməyə nail olmuşdur. 26 ölkə təmsilçisinin mübarizə apardığı final mərhələsində mahnısını bir daha ifa edən O'Şounessi finalda ümumi nəticədə 136 xal toplayaraq, 16-cı yerdə qərarlaşmışdır. Bu İrlandiyanın Avroviziyada 2011-ci ildən bəri əldə etdiyi ən yüksək nəticəsi olmuşdur.

O, Avroviziya 1993 qalibi Niv Kavana ilə birlikdə İrlandiyanın 2018 Avroviziya Uşaq Mahnı Müsabiqəsindəki mahnısı üçün çəkilən videoklipdə rol almışdır.

Diskoqrafiya[redaktə | əsas redaktə]

Albomlar[redaktə | əsas redaktə]

İl Albom adı
2016 Back to Square One

Sinqllar[redaktə | əsas redaktə]

İl Mahnı adı
2012 "No Name"
2013 "Who Do You Love?"
2015 "Fingertips"
"Evergreen"
2016 "She Won't Wait"
2017 "Got This Feeling"
2018 "Together"

İstinadlar[redaktə | əsas redaktə]

  1. "Ryan O'Shaughnessy to represent Ireland in Lisbon!". Eurovision.tv. 2018-01-31. İstifadə tarixi: 2018-01-31.
Əvvəlki:
Brendan Mürrey
"Dying To Try"
İrlandiya Avroviziya Mahnı Müsabiqəsində
EuroIrlanda.svg

2018
Sonrakı:
Sara MakTernan
"22"

Xarici keçidlər[redaktə | əsas redaktə]