Yuliya Samoylova

Vikipediya, açıq ensiklopediya
Jump to navigation Jump to search
Picto infobox music.png
Yuliya Samoylova
rus. Ю́лия Само́йлова
Yuliya Samoylova 2014-cü ildə Arxangelsk şəhərində
Yuliya Samoylova 2014-cü ildə Arxangelsk şəhərində
Sənətçi məlumatları
Doğum adı Yuliya Oleqovna Samoylova
rus. Ю́лия Оле́говна Само́йлова
Doğum tarixi 7 aprel 1989 (1989-04-07) (29 yaş)
Doğum yeri Uxta, Komi Respublikası, Rusiya Sovet Federativ Sosialist Respublikası
Vətəndaşlığı Flag of Russia.svg Rusiya
Peşələri müğənni, bəstəkar

Üslub pop, rok
Musiqi alətivokal
Fəaliyyət illəri2013–h.h.
VikiAnbarda Commons-logo.svg audio, foto və videofayllar

Yuliya Oleqovna Samoylova (rus. Ю́лия Оле́говна Само́йлова; d. 7 aprel 1989, Uxta, Komi Respublikası, Rusiya Sovet Federativ Sosialist Respublikası) — Rusiya müğənnisi və bəstəkarı. 2017-ci ildə onun Ukraynaya girişinə üç illik qadağa qoyulmuşdur. Buna səbəb Yuliyanın Ukrayna qanunlarını pozaraq Krıma Rusiyadan giriş etməsidir[1]. Müğənni Krım yarımadasının Rusiya tərəfindən zəbtindən sonra 2015-ci ildə Krımın Kerç şəhərində baş tutan konsertdə çıxış etmişdir. Ukraynanın ifaçıya qarşı tətbiq etdiyi qadağanın ardınca onun 2017 Avroviziya Mahnı Müsabiqəsində iştirakı baş tutmamışdır.

Yuliya Samoylova "I Won't Break" mahnısı ilə Rusiyanı 2018 Avroviziya Mahnı Müsabiqəsində təmsil etmişdir.

Həyatı[redaktə | əsas redaktə]

Yuliya Samoylova Rusiyanın Komi Respublikasında yerləşən Uxta şəhərində anadan olmuşdur. Yuliyanın ayaqları uşaq yaşlarından spinal əzələ atrofiyası xəstəliyi səbəbi ilə öz funksiyalarını itirməyə başlamış və həmin vaxtdan da o, əlil arabası ilə hərəkət edir.[2] İfaçının dediyinə görə irsi xəstəliyin təzahürü uğursuz poliomielit peyvəndindən sonra yaranmış ola bilər. Lakin peşəkarlar belə bir ehtimalın mümkün olmadığını bildirir. Samoylova öz musiqi karyerasını Uxtada yerləşən restoranda çıxış etməklə başlamışdır. 2008-ci ildə isə o, TerraNova qrupuna yeni üzv seçilmişdir. Lakin qrup 2010-cu ildə fəaliyyətini dayandırmışdır. Müasir humanitar akademiyasında psixologiya üzrə təhsil alan ifaçı 2010-cu ildə təhsilini bitirmədən akademiyanı tərk etmişdir.

Musiqi karyerası[redaktə | əsas redaktə]

2013-2014: Faktor AQış Paralimpiyası[redaktə | əsas redaktə]

2013-cü ildə Yuliya Samoylova Rusiyanın Faktor A musiqi yarışmasında iştirak etmiş və nəticədə ikinci yerə layiq görülmüşdür. 2014-cü ildə o, eyni zamanda Rusiyanın Soçi şəhərində keçirilən Qış Paralimpiya Oyunlarının açılış mərasimində çıxış etmişdir.

2017-hal-hazırda: Avroviziya[redaktə | əsas redaktə]

2017-ci ilin mart ayında Yuliya Samoylovanın "Flame is Burning" mahnısı ilə Rusiyanı Ukraynanın paytaxtı Kiyevdə keçirilən Avroviziya 2017-də təmsil edəcəyi Rusiya telekanalı tərəfindən təsdiqlənmişdir. Bunun ardınca Ukrayna Təhlükəsizlik Xidmətinin Yuliya Samoylova üzərində araşdırma başladığı məlumatı verilmişdir. Buna səbəb isə Yuliyanın Ukrayna qanunlarını pozaraq Krıma Rusiyadan giriş etməsi olmuşdur. Müğənni Krım yarımadasının Rusiya tərəfindən zəbtindən sonra 2015-ci ildə Krımın Kerç şəhərində baş tutan konsertdə çıxış etmişdir. Ukrayna rəsmiləri Rusiyanın Samoylovanı müsabiqəyə göndərmək qərarının siyasi addım olduğunu bildirərək, Rusiyanın məhz növbəti siyasi qalmaqal yaratmaq istədiyindən Krıma qeyri-qanuni yolla giriş edən müğənninin Avroviziya üçün seçildiyini və bunun düşünülmüş addım olduğunu iddia etmişdirlər. Rusiya tərəfi bu iddiaları təkzib etmiş və bunun arxasında heç bir siyasi məqam olmadığı söylənilmişdir.[3] 22 mart tarixində Ukrayna Təhlükəsizlik Xidməti rəsmi olaraq Yuliya Samoylovanın ölkəyə girişinə 3 illik qadağa qoyulduğunu bəyan etmişdir. Müsabiqə təşkilatçıları iki ölkə arasında danışıqlar aparmaq istəsə də, heç bir nəticə əldə edilməmiş və nəhayət 13 aprel 2017-ci il tarixdə "Pervıy Kanal" Kiyevdə baş tutan müsabiqədə Rusiyanın iştirak etməyəcəyini bəyan etmişdir[4]. Beləliklə, Samoylovanın Kiyevdə keçirilən müsabiqədə iştirakı baş tutmamışdır. O, Avroviziya 2017-nin keçirildiyi gün Krımda səhnə almışdır.[5]

Yuliya Samoylova "I Won't Break" mahnısı ilə Rusiyanı 2018 Avroviziya Mahnı Müsabiqəsində təmsil etmişdir.[6]

Diskoqrafiya[redaktə | əsas redaktə]

Sinqllar[redaktə | əsas redaktə]

Mahnı adı İl
"Flame is Burning" 2017
"Яд"
"I Won't Break" 2018

İstinadlar[redaktə | əsas redaktə]

  1. "Ukraine bans Russia's Eurovision entrant over Crimea tour". The Guardian. https://www.theguardian.com/tv-and-radio/2017/mar/22/ukraine-bans-russia-eurovision-entrant-over-crimea-tour. İstifadə tarixi: 22 mart 2017.
  2. "RUSSIA’S YULIA SAMOILOVA BECOMES SECOND SINGER IN WHEELCHAIR TO COMPETE AT EUROVISION". Wiwibloggs. 12 mart 2017. http://wiwibloggs.com/2017/03/12/russias-yulia-samoilova-becomes-second-singer-wheelchair-compete-eurovision/180422/.
    Eurovision in Ukraine: Controversy over Russian entry, BBC News (13 mart 2017)
  3. "Russia strikes provocative note for Eurovision in Ukraine". The Guardian. https://www.theguardian.com/tv-and-radio/2017/mar/13/russia-strikes-provocative-note-for-eurovision-in-ukraine. İstifadə tarixi: 22 mart 2017.
  4. "Первый канал не будет транслировать Евровидение-2017 [The first channel will not broadcast ESC 2017]" (rusca). Russia-1. 13 aprel 2017. http://www.1tv.ru/news/2017-04-13/323468-pervyy_kanal_ne_budet_translirovat_evrovidenie_2017.
  5. "Another Eurovision song contest, another diplomatic crisis". The Economist. 4 may 2017. https://www.economist.com/news/europe/21721663-what-happens-when-cheesy-pop-meets-politics-another-eurovision-song-contest-another-diplomatic.
  6. https://eurovoix.com/2018/01/29/russia-yulia-samoilova-confirmed-participant-eurovision/
Əvvəlki:
Sergey Lazarev
"You are the Only One"
Rusiya Avroviziya Mahnı Müsabiqəsində
EuroRusia.svg

2018
Sonrakı:

Xarici keçidlər[redaktə | əsas redaktə]