Mikolas Yosef

Vikipediya, açıq ensiklopediya
Jump to navigation Jump to search
Mikolas Yosef
çex. Mikolas Josef
Mikolas Josef 2018.jpg
Sənətçi məlumatları
Doğum adı Mikolas Yosef
çex. Mikolas Josef
Doğum tarixi 4 oktyabr 1995 (1995-10-04) (23 yaş)
Doğum yeri Praqa, Çexiya
Vətəndaşlığı Flag of the Czech Republic.svg Çexiya
Peşələri müğənni, bəstəkar, model

Üslub
Musiqi aləti vokal, gitara
Fəaliyyət illəri 2013–h.h.
Albom şirkəti RCA Records[d]
Təhsili
  • London Musiqi və Dramatik İncəsənət Akademiyası[d]English International School, Prague[d]
mikolasjosef.com
Commons-logo.svg Vikianbarda əlaqəli mediafayllar

Mikolas Yosef (çex. Mikolas Josef; d. 4 oktyabr 1995, Praqa, Çexiya) — Çexiya müğənnisi, bəstəkarı və keçmiş modeli. O, ifa etdiyi "Lie to Me" mahnısı ilə Çexiyanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmişdir.

Həyatı və karyerası[redaktə | əsas redaktə]

Erkən illəri və modellik[redaktə | əsas redaktə]

Mikolas Yosef 4 oktyabr 1995-ci ildə Çexiyanın paytaxtı Praqada musiqiçi ailəsində anadan olmuşdur. Onun hər iki valideyni ingilis dili müəllimi olaraq çalışırlar və Mikolas da ingilis dilli məktəbdə təhsil almışdır. Onun Pyotr adlı gitarist qardaşı da var. Mikolas London Musiqi və Dramatik incəsənət akademiyasında təhsil almışdır.

17 yaşında ikən Mikolas model olaraq fəaliyyət göstərmiş və DieselPrada kimi geyim brendləri üçün təşkil edilmiş moda şoularında iştirak etmişdir. Lakin daha sonra o, çalışdığı sahədə dürüstlüyün və düzgünlüyün olmadığını bildirərək, modellik fəaliyyətini dayandırmışdır.[1]

2015-hal-hazırda: Musiqi karyerası[redaktə | əsas redaktə]

Modellik karyerasını bitirdikdən sonra Mikolas Yosef peşəkar şəkildə musiqi ilə məşğul olmağa qərar vermişdir. O, bir müddət Oslo, Sürix, HamburqVyana kimi müxtəlif Avropa şəhərlərində küçə ifaçısı kimi fəaliyyət göstərmişdir. 2015-ci ildə Mikolasın debüt sinqlı "Hands Bloody" ifaçının öz əməyi nəticəsində ərsəyə gəlmişdir. Növbəti ildə onun "Free" adlı yeni sinqlı buraxılmış və həmin mahnı Çexiya hit paradlarında top 20-də yer ala bilmişdir. Eyni ildə ifaçının "Believe (Hey Hey)" sinqlı da təqdim olunmuşdur.

2017-ci ildə Çexiyanı Avroviziya Mahnı Müsabiqəsində təmsil etmək üçün Mikolas Yosefə müraciət olunsa da, ifaçı müsabiqədə iştirakdan imtina etmişdir.[2] 2017-ci ilin sonunda Mikolasın "Lie to Me" adlı yeni sinqlı təqdim olunmuşdur. Daha sonra ifaçı həmin mahnı ilə Çexiyanın 2018 Avroviziya Mahnı Müsabiqəsi üçün təşkil etdiyi milli seçim turunda iştirak etdiyini təsdiqləmişdir. 2018-ci ilin yanvar ayında Çex telekanalı Mikolasın milli seçim turunda qələbə qazandığını və ölkəni Portuqaliyanın paytaxtı Lissabonda keçirilən Avroviziya 2018-də təmsil edəcəyini elan etmişdir.[3][4]

Müsabiqə üçün uzun sürən hazırlıqlardan sonra Mikolas 8 may tarixində baş tutan müsabiqənin birinci yarımfinal mərhələsində 5-ci səhnə almışdır. Nəticədə ifaçı 232 xalla yarımfinalda 3-cü yeri tutmuş və ölkəsini Avroviziya finalına yüksəltməyə nail olmuşdur. Finalda mahnısını bir daha ifa edən Mikolas ümumi nəticədə 281 xal toplayaraq, 6-cı yerdə qərarlaşmışdır.

Diskoqrafiya[redaktə | əsas redaktə]

Sinqllar[redaktə | əsas redaktə]

Mahnı adı İl
"Hands Bloody" 2015
"Free" 2016
"Believe (Hey Hey)"
"Lie to Me" 2017
"Me Gusta" 2018

İstinadlar[redaktə | əsas redaktə]

Əvvəlki:
Martina Barta
"My Turn"
Çexiya Avroviziya Mahnı Müsabiqəsində
EuroRepública Checa.svg

2018
Sonrakı:
Lake Malawi
"Friend of a Friend"

Xarici keçidlər[redaktə | əsas redaktə]