Sanya İliç

Vikipediya, azad ensiklopediya
Jump to navigation Jump to search
Sanya İliç
serb. Sanja Ilić
Сања Илић
Aleksandar Sanja Ilić.jpg
Ümumi məlumatlar
Doğum adı Aleksandar İliç
serb. Aleksandar Ilić
Александар Илић
Ləqəbləri Sanya İliç
serb. Sanja Ilić
Сања Илић
Doğum tarixi 27 mart 1951(1951-03-27)[1]
Doğum yeri
Vəfat tarixi 7 mart 2021(2021-03-07)[2] (69 yaşında)
Vəfat yeri
Vəfat səbəbi COVID-19
Vətəndaşlığı  Serbiya
Musiqiçi məlumatları
Fəaliyyəti bəstəkar, musiqiçi
Fəaliyyət illəri 2004–h.h.
Janr
Musiqi aləti klavişli musiqi alətləri
Üzvlüyü
Vikianbarın loqosu Vikianbarda əlaqəli mediafayllar

Aleksandar "Sanya" İliç (serb. Aleksandar "Sanja" Ilić, Александар "Сања" Илић; 27 mart 1951[1], Belqrad, Serbiya Sosialist Respublikası[d], Yuqoslaviya SFR[1]7 mart 2021[2], Belqrad) — Serbiya musiqiçisi və bəstəkarı. O, 1998-ci ildə Balkanika qrupunu yaratmışdır. İliç məhz Balkanika qrupu ilə birlikdə "Nova deca" mahnısı ilə Serbiyanı 2018 Avroviziya Mahnı Müsabiqəsində təmsil etmişdir.

Bioqrafiya[redaktə | mənbəni redaktə et]

İliç 27 mart 1951-ci ildə Yuqoslaviya Sosialist Federativ Respublikasının tərkibində olan Serbiyada, Belqrad şəhərində anadan olmuşdur. Onun atası bəstəkar, qardaşı Draqan isə Generacija 5 qrupunda musiqiçi olaraq fəaliyyət göstərir. İliç serbiyalı aktrisa və model Zlata Petkoviç ilə ailə həyatı qurmuşdur. Petkoviç 2012-ci ildə dünyasını dəyişmişdir. Onların 1984-cü ildə anadan olan bir övladları var.

İliç musiqi karyerasına hələ 12 yaşında ikən başlamışdır. O, serbiyalı müğənni Draqan Lakoviçə mahnı yazmışdır. 16 yaşında İliç "Baj baj baj" mahnısını bəstələmiş və həmin mahnı ilə Bisera Veletanliç Jugovizija 1976 mahnı yarışmasında iştirak edərək, üçüncü yerə layiq görülmüşdür. O, Belqrad universitetinin arxitektura fakültəsində təhsil almışdır. İliç öz musiqi karyerasını 70-ci illərdə davam etdirmiş, Vragolani və San kimi qruplarla birlikdə səhnə almışdır. O, daha sonra Serbiyanın Srvena Zvezda FK futbol komandasının himnini yazmışdır. 1982-ci ildə İliçin bəstələdiyi "Halo, Halo" mahnısı ilə Aska Yuqoslaviyanı Avroviziya Mahnı Müsabiqəsində təmsil etmişdir. Daha sonra onun yazdığı "Princeza" mahnısı Yuqoslaviyanın 1984 Avroviziya Mahnı Müsabiqəsi üçün milli seçim turunda iştirak etmiş, lakin təmsilçi olaraq seçilməmişdir.

1998-ci ildə Sanya İliç Balkanika qrupunu yaratmışdır. Qrup ilk konsertini 2000-ci ildə təşkil etmişdir.

2018-ci ilin əvvəlində Sanya İliçin Balkanika qrupu ilə birlikdə "Nova deca" mahnısı ilə Serbiyanın RTS telekanalının 2018 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi təsdiqlənmişdir. Fevral ayında baş tutan yarışmada Balkanika qrupu səsvermədə rəqiblərini məğlub edərək, qalib gəlmiş və "Nova deca" mahnısı ilə Serbiyanı Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.[3][4]

Uzun sürən hazırlıqlardan sonra Sanya İliç və Balkanika 10 may tarixində baş tutan müsabiqənin ikinci yarımfinal mərhələsində 3-cü səhnə almışdır. Nəticədə Serbiya 117 xalla 9-cu yeri tutaraq, finalı yüksələ bilmişdir. 26 ölkə təmsilçisinin mübarizə apardığı final mərhələsində mahnılarını bir daha ifa edən Sanya İliç və Balkanika finalda 113 xal toplayaraq, 19-cu yeri tutmuşdur.

İstinadlar[redaktə | mənbəni redaktə et]

  1. 1 2 3 4 Freebase Data Dumps. Google.
  2. 1 2 PREMINUO SANJA ILIĆ: Osnivač "Balkanike" izgubio bitku sa koronom (серб.).
  3. "Serbia: Sanja Ilić & Balkanika win Beovizija 2018 and will represent Serbia in Lisbon!". ESCToday. 20 fevral 2018.
  4. "Sanja Ilić and Balkanika win Beovizija 2018". escXtra. 20 fevral 2018.
Əvvəlki:
Tiyana Boqiçeviç
"In Too Deep"
Serbiya Avroviziya Mahnı Müsabiqəsində
EuroServia.svg

2018
Sonrakı:
Nevena Bojoviç
"Kruna"

Xarici keçidlər[redaktə | mənbəni redaktə et]