Euqent Buşpepa

Vikipediya, açıq ensiklopediya
Jump to navigation Jump to search
Euqent Buşpepa
alb. Eugent Bushpepa
Eugent Bushpepa (4) 20180508 EuroVisionary (cropped).jpg
Sənətçi məlumatları
Doğum adı Euqent Buşpepa
alb. Eugent Bushpepa
Doğum tarixi 2 iyul 1984 (1984-07-02) (34 yaş)
Doğum yeri Reşen, Albaniya
Vətəndaşlığı Flag of Albania.svg Albaniya
Peşələri müğənni, bəstəkar

Üslub Rok
Ləqəbi Qent Buşpepa
Musiqi aləti vokal
Səs tembri tenor
Fəaliyyət illəri 2006–h.h.
Commons-logo.svg Euqent Buşpepa Vikianbarda

Euqent Buşpepa (alb. Eugent Bushpepa; d. 2 iyul 1984, Reşen, Albaniya) və ya sadəcə Qent BuşpepaAlbaniya müğənnisibəstəkarı. O, ifa etdiyi "Mall" (azərb. Həsrət‎) mahnısı ilə Albaniyanın Festivali i Këngës mahnı müsabiqəsində qələbə qazanmışdır. Həmin mahnı ilə Euqent Albaniyanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmişdir[1].

Həyatı və musiqi karyerası[redaktə | əsas redaktə]

Erkən illəri[redaktə | əsas redaktə]

Euqent Buşpepa 2 iyul 1984-cü ildə Albaniyanın Reşen şəhərində dünyaya göz açmışdır. Kiçik yaşlarından musiqiyə həvəsi olan Euqent təhsilini bitirdikdən sonra Albaniyadan İtaliyaya köçmüşdür. Albaniyaya geri döndükdə Euqent musiqi karyerasına başlamışdır.

Musiqi karyerası[redaktə | əsas redaktə]

2006-cı ildə Euqent Buşpepa Albaniyanın Top Channel telekanalında yayımlanan şoulardan birində ifaçı olaraq fəaliyyətə başlamışdır. Müğənni şouda bir çox tanınmış müğənnilərin mahnılarını ifa etmişdir. Musiqi tənqidçilərinə görə Euqent həmin şou ərzində möhtəşəm və özünə məxsus səs tembri ilə bir çox mahnıları yüksək səviyyədə ifa edə bilmişdir. Karyerasını sözü gedən televiziya proqramı ilə başlayan müğənni qısa zamanda ərzində Albaniyanın ən tanınmış simalarından birinə çevrilmişdir.

Euqent Buşpepa həftə sonlarında Albaniyanın məşhur gecə klublarında öz musiqiçi döstları ilə birlikdə çıxışlar edir. Müğənninin ilk mahnısı Albaniyada keçirilən Top Fest 4-də ifa etdiyi ”Maska e Madheshtise” adlı rok mahnısı olmuşdur. Həmin müsabiqədə Euqent eyni zamanda Sunrise rok qrupu ilə birlikdə "Engjell" mahnısını da ifa etmişdir. Festivalda qazandığı uğurdan sonra müğənni yeni mahnılar bəstələmiş və müxtəlif müsabiqələrdə iştirak etmişdir. O Albaniyanın bir neçə tanınmış müğənniləri ilə əməkdaşlıq etmişdir.

Euqent 2007-ci ilin mart ayında öz musiqi qrupu ilə birlikdə Böyük Britaniyanın Deep Purple rok qrupunu Albaniyada keçirilən konsertdə müşaiyət etmişdir. 2011-ci ilin iyun ayında Amerikalı müğənni Daff MakKeyqanın istəyi ilə Euqent tur çərçivəsində MakKeyqanı Albaniyada keçirilən konsertdə müşaiyət etmişdir. 2013-cü ildə Albaniyanın Korça şəhərində keçirilən pivə festivalında müğənni Amerikanın Guns N’ Roses rok qrupunun gitaristi Ron "Bumblefoot" Thal ilə birlikdə çıxış etmişdir. 2014-cü ildə isə Euqent Amerikanın Darkology metal musiqi qrupunun vokalisti olaraq turlarda çıxışlar etmişdir. Qrup həmin ildə Avropada səyahətdə olan Amerikanın treş-metal qrupu Overkill ilə birlikdə konsertlərdə çıxış etmişdir.

Avroviziya Mahnı Müsabiqəsi[redaktə | əsas redaktə]

Euqent Buşpepa Avroviziya səhnəsində

Euqent Buşpepa 2017-ci ilin dekabr ayında Albaniyanın dövlət kanalı olan RTSH-nin təşkil etdiyi 56-cı Festivali i Këngës müsabiqəsində iştirak etmiş və ifa etdiyi "Mall" mahnısı ilə bütün rəqiblərini geridə qoyaraq festivalın qalibi seçilmişdir. Müğənni festivaldakı qalibiyyəti ilə birlikdə "Mall" mahnısı ilə Albaniyanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmək hüququ əldə etmişdir.

Müsabiqə üçün uzun sürən hazırlıqlardan sonra Euqent 8 may tarixində baş tutan müsabiqənin birinci yarımfinal mərhələsində 3-cü səhnə almışdır. Nəticədə ifaçı 162 xalla yarımfinalda 8-ci yeri tutmuş və iki illik fasilədən sonra ölkəsini Avroviziya finalına yüksəlməyə nail olmuşdur. Finalda mahnısını bir daha ifa edən Buşpepa ümumi nəticədə 184 xal toplayaraq, 11-ci yerdə qərarlaşmışdır.

Çində yayım senzurası[redaktə | əsas redaktə]

Çin Xalq Respublikasında Avroviziyanı yayımlama hüququ olan Mango TV döymə nümayiş etdirən şəxslərin televiziyada yayımlanmasına qoyulan qadağa səbəbi ilə birinci yarımfinalın yayımı zamanı Buşpepanın çıxışı zamanı yayım dayandırılmışdır.[2] Eyni zamanda İrlandiya təmsilçisinin çıxışı zamanı ifaçını səhnədə rəqs ilə müşaiyət edən homoseksual cütlüyün yer alması səbəbindən telekanal İrlandiyanın da çıxışını yayımlamamışdır. Bunun ardınca Avropa Yayım İttifaqı kanalın hərəkətini pisləyərək, bunun müsabiqənin birlik və bərabərlik dəyərlərinə zidd olduğu söyləmiş və nəticədə Avroviziyanın Çində yayımına rəsmi olaraq qadağa qoyulmuşdur.[3] Telekanala rəhbərlik edən Hunan televiziya kompaniyasının nümayəndəsi açıqlamasında Mango TV-nin müsabiqənin yayımında bənzər çıxarışlar etdiyindən kompaniyanın xəbərsiz olduğunu bildirmişdir.[4]

Diskoqrafiya[redaktə | əsas redaktə]

İl Mahnı
2007 Maska e Madheshtise
2007 Engjell (Sunrise qrupu ilə birlikdə)
2008 Enderr Reale (Qledis ilə duet)
2008 S`jam balade (Rovena Dilo ilə duet)
2009 Stine Dreqi
2011 Rebel pa Hije
2012 Udhetari
2013 Viktime
2013 Adrenalina/Addiction (Andos ilə duet)
2014 Ishull i Mallkuar
2015 Prane Finishit
2017 "Mall"

İstinadlar[redaktə | əsas redaktə]

Əvvəlki:
Lindita Halimi
"World"
Albaniya Avroviziya Mahnı Müsabiqəsində
EuroAlbania.svg

2018
Sonrakı:
Yonida Maliçi
"Ktheju tokës"

Xarici keçidlər[redaktə | əsas redaktə]