Aleksandr Rıbak

Vikipediya, açıq ensiklopediya
Jump to navigation Jump to search
Aleksandr Rıbak
belar. Аляксандр Рыбак
Rıbak 2014-cü ildə
Rıbak 2014-cü ildə
Ümumi məlumatları
Doğum adı Aleksandr İqoreviç Rıbak
belar. Аляксандр Ігаравіч Рыбак
Doğum tarixi 13 may 1986 (1986-05-13) (32 yaş)
Minsk, Belorusiya SSR
Vətəndaşlıq Flag of Norway.svg Norveç
Mənşə Flag of Belarus.svg Belarus
Üslublar
  • Pop
  • Folk
  • Soft rok
  • Krossover
  • Klassik musiqi
Peşəsi müğənni, bəstəkar, aktyor
Musiqi alətləri
Fəaliyyət illəri 2004–h.h.
Əlaqələri Paula Selinq
Veb saytı www.alexanderrybak.com

Aleksandr İqoreviç Rıbak (belar. Аляксандр Ігаравіч Рыбак; d. 13 may 1986, Minsk, Belorusiya SSR) — Belarus-Norveç müğənnisi, bəstəkarı, skripkaçısı və aktyoru. O, "Fairytale" mahnısı ilə Moskvada keçirilən 2009 Avroviziya Mahnı Müsabiqəsində Norveçi təmsil etmiş və nəticədə 387 xalla ölkəyə müsabiqədə üçüncü qalibiyyətini qazandırmışdır. Avroviziyanın keçmiş səsvermə metodu ilə Rıbakın topladığı səs müsabiqədə rekord göstərici olmuşdur. Onun Fairytales adlı debüt albomu doqquz Avropa ölkəsində Top 20-yə daxil ola bilmiş, Rusiya və Norveçdə isə birincilikdə qərarlaşmışdır. Rıbak 20122016-cı illərdə Avroviziyada interval aktlarında yer almışdır. O, "That's How You Write a Song" mahnısı ilə Norveçi Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmişdir.

Həyatı[redaktə | əsas redaktə]

Aleksandr Rıbak 13 may 1986-cı ildə Belarusun paytaxtı Minskdə anadan olmuşdur. Onun anası Nataliya Valentinovna Rıbak klassik pianoçu və atası İqor Aleksandroviç Rıbak isə klassik skripkaçıdır. Dörd yaşında ikən Rıbak ailəsi ilə birlikdə Norveçə köçmüşdür. Beş yaşından etibarən o piano və skripkada ifa etməyi öyrənmiş və 10 yaşında Osloda yerləşən musiqi institutuna daxil omuşdur. Avroviziyada qazandığı uğurun ardınca o, təhsilini yarımçıq qoymuş və 2011-ci ildə yenidən instituta geri dönmüşdür. 2012-ci ildə Rıbak təhsilini bakalavr dərəcəsi ilə bitirmişdir.[1][2] O ingilis, rus, norveç, belarus dillərində səlis danışa bilir.

Karyerası[redaktə | əsas redaktə]

2004-cü ildə Rıbak İspaniyanın Madrid şəhərində keçirilən ənənəvi mədəniyyət festivalında Viktoriya Rıbak tərəfindən Anders Jahre mədəniyyət mükafatına layiq görülmüşdür.[3] 2005-ci ildə o Norveçin Idol musiqi yarışmasında iştirak etmişdir. 2006-cı ildə isə gənc ifaçı Norveçin Kjempesjansen məharət yarışmasına qatılmış və özünün bəstələdiyi "Foolin" mahnısı ilə yarışmada qələbə qazanmışdır. Daha sonra Rıbak bir neçə tanınmış Norveç sənətçiləri ilə birlikdə əməkdaşlıq etmişdir. 2007-ci ildə o, Oslo Nye Teatrında skripka ilə çıxış etmiş və Hedda Award mükafatına layiq görülmüşdür.

2009 Avroviziya Mahnı Müsabiqəsi[redaktə | əsas redaktə]

Rıbak Avroviziya qələbəsindən sonra mətbuat konfransında

2009-cu ildə Aleksandr Rıbak Norveç folk musiqisindən ilhamlanaraq bəstələdiyi "Fairytale" mahnısı ilə Norveçin NRK telekanalının 54-cü Avroviziya Mahnı Müsabiqəsi üçün təşkil etdiyi milli seçim turuna qatılmış və nəticədə böyük səs fərqi ilə bütün rəqiblərini məğlub edərək, ölkəni Moskvada keçirilən müsabiqədə təmsil etmək hüququ qazanmışdır.[4] Mahnı musiqi tənqidçilərindən əsasən müsbət rəylər qazanmış və Avroviziya veb saytlarından birində aparılan sorğuda 71,3% səslə qalib gəlmişdir.

Rıbak mübarizəyə 14 may 2009-cu il tarixdə keçirilən ikinci yarımfinal mərhələsindən qoşulmuş və 19 ölkə təmsilçisi arasından finala vəsiqə qazanmışdır. 16 mayda baş tutan final mərhələsində o ifa etdiyi "Fairytale" mahnısı ilə 387 xal toplayaraq qalib gəlmişdir. Bu göstərici ilə o, 2-ci yerin sahibi olan İslandiya təmsilçisini 169 xal qabaqlayaraq müsabiqə tarixində yeni rekorda imza atmışdır. Avroviziyanın keçmiş səsvermə metodu ilə Rıbakın topladığı 387 xal müsabiqədə rekord göstərici olmuşdur.

Avroviziyadan sonra və debüt albom[redaktə | əsas redaktə]

Rıbak 2009-cu ilin sentyabrında Norveç konsertində

Avroviziya qələbəsinin ardınca Rıbakın Fairytales adlı debüt albomu işıq üzü görmüşdür. Albom doqquz Avropa ölkəsində Top 20-yə daxil ola bilmiş, Rusiya və Norveçdə isə birincilikdə qərarlaşmışdır. 2010-cu ilin mart ayında təqdim olunan Yohan: The Child Wanderer filmində o Levi rolunu canlandırmışdır. Daha sonra Rıbak Norveçə daha öncə Avroviziyada qələbə qazandıran ifaçı Elizabet Andreassen ilə birlikdə ölkənin müxtəlif şəhərlərində konsert proqramları ilə çıxış etmişdir. O eyni zamanda 2009-cu ildə Frikar rəqs kompaniyası ilə Norveçdə və Avropada turlar həyata keçirmişdir. Həmin ildə Rıbak Osloda baş tutan Nobel sülh mükafatı konsertində digər doqquz ifaçı ilə birlikdə səhnə almışdır. Avroviziya qələbəsinin ardınca Aleksandr Rıbak haqqında sənədli film də çəkilmişdir.[5]

2009-cu ildə o Timur Bekmambetovun rejissorluq etdiyi Чёрная молния filmi üçün "I Don't Believe in Miracles/Superhero" mahnısını yazmışdır.

2010-2011[redaktə | əsas redaktə]

Rıbak 2011-ci ildə konsertdə

2010-cu ilin yanvar ayında Rıbak "Europe's Skies" adlı yeni sinqlı ilə Finlandiyanın 2010 Avroviziya Mahnı Müsabiqəsi üçün keçirdiyi milli seçim turunda çıxış etmişdir. Mart ayında ifaçı Böyük Britaniyanın Avroviziya milli seçim turunda "Fairytale" mahnısı ilə səhnə almışdır. Aprel ayında onun "Fela Igjen" adlı növbəti sinqlı təqdim olunmuşdur.[6] İyunda ifaçının ikinci studiya albomundan olan ilk sinql "Oah" video klip ilə birlikdə təqdim olunmuşdur. Daha sonra mahnının rus dilində olan versiyası "Strela Amura" təqdim olunmuşdur. Rybakın No Boundaries adlı ikinci studiya albomu 2010-cu ilin iyun ayında işıq üzü görmüşdür. İfaçının ilk albomu kimi uğur qazana bilməsə də, albom Norveçdə 7-ci, İsveçdə 8-ci və Finlandiyada 32-ci yerdə qərarlaşmışdır. 2011-ci ildə Rıbak İsveçin Ulduzlarla rəqs yarışmasında iştirak etmiş və digər isveç ulduzlarını məğlub edərək, yarışmada qələbə qazanmışdır.[7] Həmin ildə onun Visa vid vindens ängar adlı üçüncü studiya albomu satışa buraxılmışdır. 2011-ci ilin dekabr ayında Rıbak Rumıniyanın X Factor musiqi yarışmasına qonaq olmuşdur.[8]

2012-2013[redaktə | əsas redaktə]

2012-ci ildə onun "Strela Amura" mahnısı üçün Kiyevdə çəkilmiş video klipi təqdim olunmuşdur. Həmin ilin may ayında Rıbakın Rumıniyaya 2010 Avroviziya Mahnı Müsabiqəsində üçüncü yeri qazandıran ifaçı Paula Selinq ilə birlikdə ifa etdiyi "I'll Show You" mahnısı təqdim olunmuşdur. Mahnı il ərzində Rumıniyada ən çox dinlənilən mahnılardan biri olmuşdur.

2012-ci ilin oktyabr ayında Rıbakın "Leave Me Alone" adlı yeni sinqlı təqdim olunmuşdur. Sinqlın təqdimatından qısa zaman sonra ona çəkilmiş video klip də təqdim olunmuşdur. Noyabr ayında mahnının rus dilində olan versiyası "Dostala" təqdim olunmuşdur. İlin sonunda onun Christmas-tales adlı yeni studiya albomu işıq üzü görmüşdür.

2014-hal-hazırda[redaktə | əsas redaktə]

Rıbak Avroviziya 2016 səhnəsində

2014-cü ildə Rıbak How to Train Your Dragon 2 filmi üçün "Into a Fantasy" soundtrekini ifa etmişdir. Həmin ilin oktyabr ayında ifaçı Norveçin NRK telekanalında yayımlanan The Hit televiziya verilişində qonaq olmuş və "What I Long For" mahnısı ilə çıxış etmişdir. 2015-ci ilin yazında isə o Rusiyanın Odin v Odin şousunda iştirak etmişdir. Şouda Rıbak 6-cı yeri qazanaraq, finala keçməməli olsa da, münsiflər heyətinin qərarı ilə ona güzəşt edilmişdir. Finalda Rıbak SMS səsverməsi ilə ikinci yerə layiq görülmüşdür. 2015-ci ilin iyun ayında onun "Kotik" adlı yeni sinqlı Moskvada çəkilmiş video klip ilə birlikdə təqdim olunmuşdur.

2015-ci ilin iyun ayında Rıbakın norveç dilində olan "Blant Fjell" mahnısı təqdim olunmuşdur. Mahnı ifaçının Trolle og den magiske fela albomunda yer almışdır. 2016-cı ildə Rıbak Stokholmda keçirilən 2016 Avroviziya Mahnı Müsabiqəsində interval aktının bir hissəsi kimi səhnə almışdır.

2018-ci ilin yanvar ayında Aleksandr Rıbakın "That's How You Write a Song" mahnısı ilə Norveçin NRK telekanalının 2018 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi öz təsdiqini tapmışdır. Mart ayında baş tutan milli finalda Rıbak həm SMS, həm də münsif səsləri ilə ən çox səs toplayaraq, Norveçi Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmək hüququ qazanmışdır.[9]

Rıbak 10 may tarixində baş tutan müsabiqənin ikinci yarımfinal mərhələsində səhnə almışdır. Nəticədə ifaçı 266 xalla yarımfinalda qalib gələrək, Norveçi Avroviziya finalına yüksəltməyə nail olmuşdur. 26 ölkə təmsilçisinin mübarizə apardığı final mərhələsində mahnısını bir daha ifa edən Rıbak ümumi nəticədə 144 xal toplayaraq, 15-ci yeri tutmuşdur.

Diskoqrafiya[redaktə | əsas redaktə]

Albomlar[redaktə | əsas redaktə]

Albom adı İl
Fairytales 2009
No Boundaries 2010
Visa vid vindens ängar 2011
Christmas Tales 2012
Trolle og den magiske fela 2015

Sinqllar[redaktə | əsas redaktə]

Mahnı adı İl
"Foolin" 2006
"Fairytale" 2009
"Funny Little World"
"Roll with the Wind"
"Ya Ne Veryu v Chudesa"
"Oah" 2010
"Europe's Skies"
"Fela igjen"
"Skazka"
"Resan till dig" 2011
"Nebesa Evropy"
"I’ll Show You"
(Paula Selinq ilə duet)
2012
"Leave Me Alone"
"Strela Amura"
"Dostala"
"Presents" 2013
"Into a Fantasy" 2014
"What I Long For"
"Kotik" 2015
"Blant fjell"
"I Came to Love You" 2016
"Люблю тебя как раньше"
"5 to 7 Years"
"Return"
"Foolin'"
"Fever" 2017
"Til Julie"
"That's How You Write a Song" 2018

Filmoqrafiya[redaktə | əsas redaktə]

İl Film Rol Qeyd
2009 Fairytale – The Movie Özü Avroviziya qələbəsinin ardınca Aleksandr Rıbak haqqında sənədli film
2009 Some Sunny Night - Live in Lillesand Ketil Moe Müzikl
2010 Yohan: The Child Wanderer Levi Film
2010 How to Train Your Dragon Hiccup Cizgi filmi (Norveç dublyajı)
2010 Mumintrollet - Kometen Kommer Mumin Cizgi filmi (Norveç dublyajı)
2014 How to Train Your Dragon 2 Hiccup Cizgi filmi (Norveç dublyajı)

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Alexander Rybak Main Stage". The Norwegian Opera and Ballet. Arxivləşdirilib: [1] saytından 21 may 2009 tarixində. https://www.webcitation.org/5gwJcPhrL?url=http://www.operaen.no/Default.aspx?ID=27246&ProductID=PROD73. İstifadə tarixi: 21 may 2009.
  2. "Rybak ble stor stjerne" (norveçcə). Norveç: TV 2. 14 may 2009. Arxivləşdirilib: [2] saytından 21 may 2009 tarixində. https://www.webcitation.org/5gwJMm2N8?url=http://www.tv2.no/gmn/article2732289.ece. İstifadə tarixi: 21 may 2009.
  3. "Anders Jahres Humanitære Stiftelse - Pressemeldinger | sandefjord | skipsreder | vestfold | prisvinnere". 2009-03-04. Arxivləşdirilib: [3] saytından 4 mart 2009 tarixində. https://web.archive.org/web/20090304005649/http://www.ajhs.no/scripts/ingress/read.pl?id=040630091306-683. İstifadə tarixi: 2015-11-21.
  4. "Norway: Alexander Rybak to Eurovision". Esctoday.com. Arxivləşdirilib: [4] saytından 24 fevral 2009 tarixində. https://web.archive.org/web/20090224053412/http://www.esctoday.com/news/read/13325. İstifadə tarixi: 18 sentyabr 2010.
  5. "Fairytale, the movie available on DVD". Esctoday.com. Arxivləşdirilib: [5] saytından 7 dekabr 2009 tarixində. https://web.archive.org/web/20091207010518/http://www.esctoday.com/news/read/14571. İstifadə tarixi: 18 sentyabr 2010.
  6. "Twitter / Alexander Rybak: Ladies and gentlemen: Alex". Twitter. https://www.twitter.com/AlexanderRybak/statuses/12785381066. İstifadə tarixi: 18 sentyabr 2010.
  7. "De tävlar i Let's dance | Let's Dance | TV | Nöjesbladet | Aftonbladet". Aftonbladet.se. http://www.aftonbladet.se/nojesbladet/tv/dokusapa/letsdance/article8317424.ab. İstifadə tarixi: 9 avqust 2012.
  8. "VIDEO! Alexander Rybak - show incendiar pe scena X Factor!" (rumınca). Antena 1. 11 dekabr 2011. http://a1.ro/tv/tv-1/video-alexander-rybak-show-incendiar-pe-scena-x-factor.html.
  9. "Alexander Rybak wins Melodi Grand Prix 2018 with That's How You Write a Song". Wiwibloggs. 10 mart 2018. http://wiwibloggs.com/2018/03/10/norway-alexander-rybak-wins-melodi-grand-prix-2018-thats-how-you-write-a-song/219363/.

Xarici keçidlər[redaktə | əsas redaktə]

Vikianbarda Aleksandr Rıbak ilə əlaqəli mediafayllar var.

Əvvəlki:
Flag of Russia.svg Dima Bilan
"Believe"
Avroviziya Mahnı Müsabiqəsi qalibi
2009
Sonrakı:
Flag of Germany.svg Lena Meyer-Landrut
"Satellite"
Əvvəlki:
Maria Hökaas Storenq
"Hold On Be Strong"
Norveç Avroviziya Mahnı Müsabiqəsində
EuroNoruega.svg

2009
Sonrakı:
Didrik Solli-Tangen
"My Heart Is Yours"
Əvvəlki:
JOWST
"Grab the Moment"
Norveç Avroviziya Mahnı Müsabiqəsində
EuroNoruega.svg

2018
Sonrakı: