Lorin

Lorin
Loreen
Lorin Bakı səhnəsində
Sənətçi məlumatları
Doğum adı	Lorin Zeynəb Noqa Təlhəyi
Doğum tarixi	16 oktyabr 1983 (1983-10-16)
Doğum yeri	Stokholm, İsveç
Vətəndaşlığı	İsveç
Peşəsi	Müğənni
Üslub	Dans-pop Avrodens
Ləqəbi	Lorin
Musiqi aləti	klavişli alət[d] və vokal
Fəaliyyət illəri	2004-indi
Albom şirkəti	Warner Music Sweden
loreen.se
Vikianbarda əlaqəli mediafayllar

Lorin Zeynəb Noqa Təlhəyi (İsveçcə: Lorine Zineb Noka Talhaoui; 16 oktyabr 1983, Stokholm) — Mərakeş əsilli İsveç müğənnisi. Bakıda keçirilən 2012 Avroviziya Mahnı Müsabiqəsinə iştirak edən musiqiçi "Euphoria" adlı mahnı ilə ölkəsini təmsil etmiş və 372 balla müsabiqənin qalibi olmuşdur. Musiqi ilə yanaşı müğənni eyni zamanda İnsan hüquqlarının qorunması üçün siyasi fəaliyyət göstərir. Səyahət etdiyi müxtəlif ölkələrdə Lorin ölkənin siyasi məhbusları, insan haqqları fəalları ilə görüşlər keçirmişdir.

Həyatı

Lorin Zeynəb Noqa Təlhəyi 16 oktyabr 1983-c2 ildə İsveçin paytaxtı Stokholm şəhərində anadan olub. Lorinin valideynləri Mərakeş immiqrantlarıdır.

Musiqi karyerası

İsveç tamaşaçısı Lorini ilk dəfə ölkədə keçirilən "Idol 2004" müsabiqəsində Loren Təlhəyi kimi tanımağa başlamışdır. Lorin həmin müsabiqədə 4-cü yeri qazanmışdı. Bu uğurun ardınca Lorin İsveçdə bir neçə televiziya proqramlarında aparıcı və eyni zamanda prodüser kimi fəaliyyət göstərməyə başlamışdır.

2011-ci ildə Lorin İsveçin ən böyük musiqi festivalı olan Melodifestivalen mahnı müsabiqəsinə qatıldı. Bu illər sonra (2005-2011) Lorinin qatıldığı ikinci böyük layihə idi. "My Heart is Refusing Me" adlı mahnı ilə müsabiqədə iştirak edən müğənni final mərhələsinə adlaya bilməmişdi. Müsabiqədəki uğursuz nəticəyə baxmayaraq mahnı 1 il ərzində İsveçdə ən çox qulaq asılan mahnılardan biri olmuşdur.

2012-ci ildə Lorin Melodifestivalenə geri dönüş etdi. Bu dəfə Lorinin ifa etdiyi mahnı Tomas Gison və Peter Boström tərəfindən bəstələnmiş "Euphoria" idi. Təqdim olunduğu andan Avropa hit paradlarında ilk pillələrdə yer alan mahnı Lorinə müsabiqədə 268 xalla qələbə qazandırdı və beləliklə Lorin "Euphoria" mahnısı ilə Bakıda keçirilən 2012 Avroviziya Mahnı Müsabiqəsində İsveçi təmsil etmək haqqı qazandı. Müsabiqənin ikinci yarımfinalından mübarizəyə qoşulan Lorin yarımfinalda 181 xalla qələbə qazanaraq final mərhələsinə adladı. Finalda müsabiqədə iştirak edən 42 ölkədən 40-ı "Euphoria"ya səs vermiş və toplamda 372 xalla İsveç 2012 Avroviziya Mahnı Müsabiqəsinin qalibi elan edilmişdi. Bunun ardınca Lorin 2012 MTV Europe Music Awardsda İsveçin ən yaxşı müğənnisi adına layiq görüldü.

Avroviziya 2012-də qələbə qazanaraq müsabiqəni ölkəsinə gətirən Lorin Malmödə keçirilən 2013 Avroviziya Mahnı Müsabiqəsində interval aktı olaraq çıxış etmişdir. "Euphoria" ilə bərabər yeni mahnısını ("We Got the Power") Avropa izləyicisinə təqdim etmişdir.

30 noyabr 2016-cı il tarixində Lorinin yenidən Melodifestivalenə geri dönəcəyi öz təsdiqini tapdı. "Statements" adlı mahnı ilə müğənni müsabiqədə ikinci dəfə qələbə qazanmaq uğrunda mübarizə aparır.

Əvvəlki: Ell & Nikki

Avroviziya Mahnı Müsabiqəsi qalibi 2012

Sonrakı: Emmili de Forest