Dankan Lourens

Vikipediya, azad ensiklopediya
Jump to navigation Jump to search
Dankan Lourens
ing. Duncan Laurence
Duncan Laurence with the 2019 Eurovision Trophy (cropped).jpg
Dankan Lourens 2019-cu ildə
Ümumi məlumatlar
Doğum adı Dankan de Mur
nid. Duncan de Moor
Ləqəbləri Dankan Lourens
ing. Duncan Laurence
Doğum tarixi (26 yaş)
Doğum yeri Speykenisse, Niderland
Vətəndaşlığı Niderland Niderland
Musiqiçi məlumatları
Fəaliyyəti müğənni, bəstəkar
Fəaliyyət illəri 2014–h.h.
Janr
Musiqi alətləri vokal, piano
duncanlaurence.nl​ (ing.)
Commons-logo.svg Vikianbarda əlaqəli mediafayllar

Dankan de Mur (nid. Duncan de Moor; 11 aprel 1994(1994-04-11), Speykenisse[d], Cənubi Hollandiya, Niderland) və ya səhnə adı ilə Dankan Lourens (ing. Duncan Laurence) — Niderland müğənnisi və bəstəkarı. O, "Arcade" mahnısı ilə Niderlandı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmiş və nəticədə Niderlanda 5-ci Avroviziya qələbəsini qazandırmışdır[1].

Həyatı və musiqi karyerası[redaktə | əsas redaktə]

Dankan de Mur 11 aprel 1994-cü ildə Niderlandın Speykenisse şəhərində anadan olmuşdur. Dankan 13 yaşından etibarən musiqi ilə maraqlanmağa başlamışdır. O, öz musiqi karyerasını Tilburq şəhərində yerləşən Rok Akademiyasında bir neçə musiqi qruplarının üzvü olaraq başlamışdır. The Slick and Suited rok qrupunun üzvü kimi Dankan Eurosonic Noorderslag festivalında çıxış etmişdir. O, həmin Rok akademiyasında təhsilini 2017-ci ildə bitirmişdir.

2014: The Voice of Holland[redaktə | əsas redaktə]

2014-cü ilin avqust ayında Dankan Niderlandın The Voice səs yarışmasının beşinci mövsümündə dinləmələrdə iştirak etmişdir. İlkin dinləmədə Ed Şiranın "Sing" mahnısını ifa edən gənc Dankan İlse DeLanjın komandasında yer alaraq, növbəti mərhələyə adlamışdır. Yarışmada iştirakını uğurla davam edən Dankan finalın bir addımlığında münsiflərin seçimi ilə yarışmada iştirakını dayandırmışdır.

2019: Avroviziya Mahnı Müsabiqəsi[redaktə | əsas redaktə]

2019-cu ilin yanvar ayında Niderlandın AVROTROS telekanalı Dankanın Niderlandı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil edəcəyini elan etmişdir. Onun Avroviziyada ifa edəcəyi "Arcade" mahnısı 7 martda təqdim olunmuşdur.[2] Lourens müsabiqə üçün aparılan uzun məşqlərdən sonra 16 may tarixində baş tutan yarımfinal mərhələsində 16-cı nömrə altında çıxış etmişdir. Nəticədə 280 xalla 1-ci yeri tutaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Dankan Lourens 26 ölkə təmsilçisinin mübarizə apardığı şouda 498 xal toplayaraq, Niderlanda 5-ci Avroviziya qələbəsi sevincini yaşatmışdır.[3]

Şəxsi həyatı[redaktə | əsas redaktə]

Avroviziya finalından öncə keçirilən mətbuat konfransı zaman Dankan Lourens biseksual olduğunu açıqlamışdır: "Mən sadəcə ifaçı deyiləm. Mən insanam, mən yaşayan biriyəm, mən biseksualam, mən musiqiçiyəm, mənim qoruduqlarım var və mən kim olduğumu hər kəsə göstərmək fürsətini əldə etdiyim üçün özümlə qürur duyuram."[4]

Diskoqrafiya[redaktə | əsas redaktə]

Sinqllar[redaktə | əsas redaktə]

Mahnı adı İl
"Arcade" 2019
"Bassa Sababa" 2019

İstinadlar[redaktə | əsas redaktə]

  1. ↑ "Duncan Laurence will represent The Netherlands this year". eurovision.tv. 21 yanvar 2019.
  2. ↑ "Duncan Laurence takes 'Arcade' to Eurovision for The Netherlands". eurovision.tv (ingiliscə). 2019-03-07. İstifadə tarixi: 2019-03-08.
  3. ↑ "Eurovision 2019: Netherlands wins song contest". BBC News. 19 may 2019.
  4. ↑ "Dutch Eurovision contestant Duncan Laurence comes out as bisexual". Gay Times. 18 may 2019. İstifadə tarixi: 19 may 2019.
Əvvəlki:
Ueylon
"Outlaw in 'Em" 		Niderland Avroviziya Mahnı Müsabiqəsində
EuroPaíses Bajos.svg
2019 		Sonrakı:
–

Xarici keçidlər[redaktə | əsas redaktə]

Mənbə — "https://az.wikipedia.org/w/index.php?title=Dankan_Lourens&oldid=5621099"