Leonora

Vikipediya, açıq ensiklopediya
Jump to navigation Jump to search
Leonora
dan. Leonora Colmor Jepsen
Leonora at the Danish Melodi Grand Prix 2019 (cropped).jpg
Leonora 2019-cu ildə
Sənətçi məlumatları
Doğum adı Leonora Kolmor Yepsen
dan. Leonora Colmor Jepsen
Doğum tarixi 3 oktyabr 1998 (1998-10-03) (20 yaş)
Doğum yeri Hellerup, Danimarka
Vətəndaşlığı Danimarka Danimarka
Peşələri müğənni, bəstəkar, fiqurlu konkisürən

Üslub
Ləqəbi Leonora
Musiqi aləti vokal
Fəaliyyət illəri 2019–h.h.
Commons-logo.svg Vikianbarda əlaqəli mediafayllar

Leonora Kolmor Yepsen (dan. Leonora Colmor Jepsen; d. 3 oktyabr 1998, Hellerup, Danimarka) və ya sadəcə Leonora — Danimarkalı müğənni, bəstəkar və fiqurlu konkisürən. O, "Love is Forever" mahnısı ilə Danimarkanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmiş və nəticədə müsabiqənin finalında 12-ci yerdə qərarlaşmışdır[1]. Leonoranın Avroviziya mahnısı 2013-cü ildə Danimarkaya qələbə qazandıran "Only Teardrops" mahnısının bəstəkarlarından biri olan Liza Kabbl tərəfindən bəstələnmişdir.

Həyatı[redaktə | əsas redaktə]

Leonora 3 oktyabr 1998-ci ildə Danimarkanın Hellerup şəhərində anadan olmuşdur. O təhsilini Qammel Hellerup gimnaziyasında almışdır. Leonora bir çox mahnılar bəstələmiş və həmin mahnılar ilə müxtəlif kafe və məktəb konsertlərində çıxış etmişdir. Fiqurlu konkisürən olaraq Leonora 2016-cı ildə ISU World Junior Championships və ISU JGP Riga Cup 2015-də iştirak etmişdir. O, qardaşı Linus ilə birlikdə Danimarkanın fiqurlu konkisürmə çempionatında qızıl medala layiq görülmüşdür. O, artıq yarışlarda iştirak etmir və fiqurlu konkisürmə müəlliməsi kimi fəaliyyət göstərir.

Musiqi karyerası[redaktə | əsas redaktə]

2019: Avroviziya Mahnı Müsabiqəsi[redaktə | əsas redaktə]

Leonora "Love is Forever" mahnısı ilə Danimarkanın DR telekanalının Avroviziya 2019 üçün təşkil etdiyi milli seçim turu Melodi Grand Prix yarışmasına qatılaraq, nəticədə digər rəqiblərini geridə qoymuş və seçim turunun qalibi elan edilmişdir. O, həmin mahnı ilə ölkəsini Tel-Əvivdə keçirilən Avroviziyada təmsil etmiş və nəticədə müsabiqənin finalında 120 xalla 12-ci yerdə qərarlaşmışdır.

İstinadlar[redaktə | əsas redaktə]

Əvvəlki:
Rasmussen
"Higher Ground"
Danimarka Avroviziya Mahnı Müsabiqəsində
EuroDinamarca.svg

2019
Sonrakı:

Xarici keçidlər[redaktə | əsas redaktə]