Ester Peoni

Vikipediya, azad ensiklopediya
Jump to navigation Jump to search
Ester Peoni
Ester Peony.png
Ester Peoni
Ümumi məlumatlar
Doğum adı Aleksandra Kretsu
rum. Alexandra Crețu
Ləqəbi Ester Peony
Doğum tarixi (28 yaş)
Doğum yeri Buxarest, Rumıniya
Vətəndaşlığı  Rumıniya
Musiqiçi məlumatları
Fəaliyyəti müğənni, bəstəkar
Fəaliyyət illəri 2014–h.h.
Janr
  • Alternativ pop
  • Caz
Musiqi aləti vokal
Albom şirkəti Cat Music
Vikianbarın loqosu Vikianbarda əlaqəli mediafayllar

Aleksandra Kretsu (rum. Alexandra Crețu; 21 iyul 1993, Buxarest, Rumıniya) və ya səhnə adı ilə Ester Peoni — Rumıniya müğənnisi və bəstəkarı. O, "On a Sunday" mahnısı ilə Rumıniyanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmişdir.[1][2] Ester Rumıniyada anadan olsa da, Kanadanın Monreal şəhərində böyüyüb başa çatmışdır.[3]

Onun səhnə adı Ester Babiloniyanın sevgi, gözəllik, arzu, müharibə, ədalət və siyasi güc ilahəsi İştardan gəlir. Qədim fars dilində Ester "ulduz" deməkdir.[4]

Musiqi karyerası[redaktə | mənbəni redaktə et]

2015-2018: Erkən illəri[redaktə | mənbəni redaktə et]

Ester Piteşti şəhərində yerləşən Dinu Lipatti adına incəsənət məktəbində musiqi təhsilini almışdır. Onun musiqiyə olan sevdası uşaqlıq illərindən özünü göstərməyə başlamış və o ailəsi ilə birlikdə Monrealda yaşayarkən caz kursuna getmişdir. Rumıniyaya qayıtdıqdan sonra Ester kbəstəkarlıq və caz bölmələri üzrə konservatoriyaya daxil olur. İnternetdə müxtəlif canlı ifalarını paylaşmasının ardınca Ester 2014-cü ildə Rumıniyanın bir albom şirkəti ilə müqavilə əldə edir. "Leyla" və "Iubire" sinqlları ilə birlikdə ifaçının fərqli musiqi əməkdaşlıqları da öz nəticəsini göstərir. Bir il sonra Esterin Veskan ilə duet şəklində ifa etdiyi "Sub aripa ta" mahnısı Rumıniya televiziya və radiolarında səslənməyə başlayır. 2018-ci ildə Esterin Dig It adlı mini-albomu işıq üzü görmüşdür. Albomda yer alan mahnılar Ester tərəfindən bəstələnmişdir.

2019 Avroviziya Mahnı Müsabiqəsi[redaktə | mənbəni redaktə et]

Rumıniyanın TVR telekanalı Avroviziya 2019 üçün təşkil edilən Selecției Naționale adlı seçim turunda iştirak edən 24 namizəddən birinin də Ester Peoni olduğunu elan etmişdir. "On a Sunday" mahnısı ilə yarışmanın yarımfinal mərhələsində çıxış edən ifaçı finalda yer almağa nail olmuşdur. Qalibiyyətə əsas favorit Laura Bretan və Bella Santiaqonun göstərilməsinə baxmayaraq, nəticədə Ester seçim turunda qələbə qazanaraq Rumıniyanı Tel-Əvivdə keçirilən Avroviziya 2019-da təmsil etmək hüququnu əldə etmişdir.

Diskoqrafiya[redaktə | mənbəni redaktə et]

Mini-albomlar[redaktə | mənbəni redaktə et]

Albom adı İl
Dig It 2018

Sinqllar[redaktə | mənbəni redaktə et]

Mahnı adı İl
„Iubire” 2014
„Cuminte de Crăciun”
(Ana Baniçiu, Puya, Doddy, Veskan və Mahia Beldo)
„Sub aripa ta”
(Veskan ilə duet)
2015
„1000 de motive”
(Phelipe) ilə duet
2016
„On My Way” 2017
„So Fine”
„Leaving Tomorrow”
„Dig It” 2018
"On a Sunday"

İstinadlar[redaktə | mənbəni redaktə et]

  1. "Romania: Ester Peony Selected for Eurovision Song Contest 2019". Eurovoix. 17 fevral 2019.
  2. "Romania: Ester Peony wins Selecția Națională 2019!". ESCToday. 17 fevral 2019.
  3. "Romania goes for Ester Peony with 'On a Sunday'". Avropa Yayım İttifaqı. 17 fevral 2019.
  4. [1]
Əvvəlki:
The Humans
"Goodbye"
Rumıniya Avroviziya Mahnı Müsabiqəsində
EuroRomania.svg

2019
Sonrakı:

Xarici keçidlər[redaktə | mənbəni redaktə et]