2019 Avroviziya Mahnı Müsabiqəsi

Vikipediya, açıq ensiklopediya
Jump to navigation Jump to search
2019 Avroviziya Mahnı Müsabiqəsi
Müsabiqə afişası
I yarımfinal 14 may 2019
II yarımfinal 16 may 2019
Final 18 may 2019
Direktor Yon Ola Sand
Kanal Flag of Israel.svg IPBC
Keçirilən yer Tel-Əviv Konqres Mərkəzi, Tel-Əviv, İsrail
Seçki sistemi 50% telesəsvermə
50% münsif səsverməsi
İştirakçıların sayı 39 (bu tarixə)
Avroviziya Mahnı Müsabiqəsi
◄ 2018    Wiki Eurovision Heart (Infobox).svg    2020 ►

2019 Avroviziya Mahnı Müsabiqəsi (ing. Eurovision Song Contest 2019; fr. Concours Eurovision de la chanson 2019) — sayca 64-cü Avroviziya Mahnı Müsabiqəsidir. Netta Barzilayın ifa etdiyi "Toy" mahnısı ilə 2018 Avroviziya Mahnı Müsabiqəsində qələbə qazanmasının ardınca 2019-cu ildə İsrail 20 il sonra yenidən Avroviziyaya ev sahibliyi etmək hüququ qazanmışdır. 19791999-cu ildən sonra bu İsraildə keçirilən üçüncü Avroviziya olacaqdır. Ökənin paytaxtı Qüds iki dəfə müsabiqəyə ev sahibliyi etmiş olsa da, Avropa Yayım İttifaqı və IBPC telekanalının birgə qərarı ilə Avroviziya 2019-a ev sahibliyi üçün Tel-Əviv şəhəri seçilmişdir. Müsabiqənin yarımfinalları 14 və 16 may, final isə 18 may tarixində baş tutacaqdır.

İndiyədək 39 ölkənin dövlət kanalları rəsmi olaraq müsabiqədə iştirak edəcəkləri barədə açıqlama vermişdir.

Keçirildiyi yer[redaktə | əsas redaktə]

Netta Barzilayın ifa etdiyi "Toy" mahnısı ilə 2018 Avroviziya Mahnı Müsabiqəsində qələbə qazanmasının ardınca 2019-cu ildə İsrail 20 il sonra yenidən Avroviziyaya ev sahibliyi etmək hüququ qazanmışdır.

Məkan[redaktə | əsas redaktə]

Müsabiqə 2015-ci ilin yanvar ayında təmirinin başa çatdırıldığı və 10,000 nəfəri qəbul edə biləcək olan Tel-Əviv Konqres mərkəzində keçiriləcək. Tel-Əviv şəhərinin şimalında, Rokax bulvarında yerləşən məkanda müxtəlif konsertlər, sərgilər, toplantılar və s. keçirilir. 2018-ci ilin aprel ayında məkan 44 ölkənin iştirak etdiyi Avropa Cüdo Çempionatına ev sahibliyi etmişdir.

Tender mərhələsi[redaktə | əsas redaktə]

Avroviziya 2018-də qələbə qazandıqdan sonra səhnədə Netta Barzilay 2019 Avroviziya Mahnı Müsabiqəsinin paytaxt Qüdsdə keçiriləcəyini elan etmişdir. İsrailin baş naziri Benyamin Netanyahu da öz Twitter hesabından Avroviziyanın Qüdsdə keçiriləcəyini qeyd etmişdir.[1][2] Lakin bu qərar Avropa Yayım İttifaqı (AYİ) tərəfindən hələ ki, öz təsdiqini tapmayıb.

İsrailin maliyyə naziri Moşe Kaxlon Maariv qəzetinə müsahibədə müsabiqənin yalnız Qüdsdə keçirilə biləcəyini vurğulamış və müsabiqənin dəyərinin 120 milyon Yeni İsrail şekeli olacağını qeyd etmişdir. Qüds meri Nir Barkat müsabiqənin 1979 və 1999-cu illərdə keçirildiyi Beynəlxalq Konvensiya mərkəzinin Avroviziya 2019 üçün çox kiçik olduğunu bildirərək, Teddy Stadium və eyni zamanda Jerusalem Arenanı müsabiqə üçün uyğun görmüşdür.[3]

Müsabiqə üçün nəzərdə tutulan digər arena isə Təl-Əvivdə yerləşən Menora Mivtachim Arena olsa da, şəhər meri Ron Hulday Təl-Əvivin Avroviziya 2019-a ev sahibliyi etməyəcəyini açıqlamışdır. Digər mümkün məkanlar isə Hayfada yerləşən Sammy Ofer Stadium və Beer-Şevada yerləşən Turner Stadiumdur. Lakin hər iki stadionun tavanı yoxdur və müsabiqənin qaydalarını görə müsabiqə qapalı arenada keçirilməlidir.

Şəhər Arena Tutum Qeyd
Beer-Şeva Turner Stadium 16,126 Təklif stadionu əhatə edən müvəqqəti və ya daimi bir tavanın inşasına bağlı idi.
Eylat Limandakı anqarlar 10,000 Təklif iki anqarın birləşdirilərək bir stadion yaradılmasına və beləliklə AYİ-nin şərtlərinə uyğun olmasına bağlı idi.
Hayfa Sammy Ofer Stadium 30,870 Təklif stadionu əhatə edən müvəqqəti və ya daimi bir tavanın inşasına bağlı idi.
Qüds Teddy Stadium 31,733 Təklif stadionu əhatə edən müvəqqəti və ya daimi bir tavanın inşasına bağlı idi.
Jerusalem Arena 15,654
Təl-Əviv Tel Aviv Konqres Mərkəzi 10,000

İştirakçı ölkələr[redaktə | əsas redaktə]

Aşağıda adları göstərilən ölkələr Avroviziya 2019-da iştirak edəcəklərini açıqlamışdırlar.

Yarımfinalçılar[redaktə | əsas redaktə]

Ölkə Dil Müğənni Mahnı Tərcümə
Flag of Albania.svg Albaniya 22 Dekabr 2018 22 Dekabr 2018
Flag of Australia.svg Avstraliya 9 Fevral 2019 9 Fevral 2019
Flag of Austria.svg Avstriya
Flag of Azerbaijan.svg Azərbaycan
Flag of Belarus.svg Belarus
Flag of Belgium (civil).svg Belçika
Flag of the Czech Republic.svg Çexiya
Flag of Denmark.svg Danimarka
Flag of Armenia.svg Ermənistan
Flag of Estonia.svg Estoniya 16 Fevral 2019 16 Fevral 2019
Flag of Finland.svg Finlandiya 2 Mart 2019 2 Mart 2019
Flag of Georgia.svg Gürcüstan
Flag of Ireland.svg İrlandiya
Flag of Iceland.svg İslandiya 2 Mart 2019 2 Mart 2019
Flag of Sweden.svg İsveç 9 Mart 2019 9 Mart 2019
Flag of Switzerland.svg İsveçrə
Flag of Cyprus.svg Kipr
Flag of Latvia.svg Latviya
Flag of Lithuania.svg Litva 23 Fevral 2019 23 Fevral 2019
Flag of Hungary.svg Macarıstan
Flag of Macedonia.svg Makedoniya
Flag of Malta.svg Malta
Flag of Montenegro.svg Monteneqro
Flag of the Netherlands.svg Niderland
Flag of Norway.svg Norveç 2 Mart 2019 2 Mart 2019
Flag of Poland.svg Polşa
Flag of Portugal.svg Portuqaliya
Flag of Romania.svg Rumıniya
Flag of Serbia.svg Serbiya
Flag of Slovenia.png Sloveniya
Flag of Ukraine.svg Ukrayna 23 Fevral 2019 23 Fevral 2019
Flag of Croatia.svg Xorvatiya
Flag of Greece.svg Yunanıstan

Final[redaktə | əsas redaktə]

Ölkə Dil Müğənni Mahnı Tərcümə
Flag of Germany.svg Almaniya Fevral 2019 Fevral 2019
Flag of the United Kingdom.svg Böyük Britaniya
Flag of France.svg Fransa
Flag of Spain.svg İspaniya Yanvar 2019 Yanvar 2019
Flag of Israel.svg İsrail (ev sahibi-ölkə) Yanvar 2019
Flag of Italy.svg İtaliya 9 Fevral 2019 9 Fevral 2019

Digər ölkələr[redaktə | əsas redaktə]

Aşağıda adları göstərilən ölkələrin 2019-cu ildə Avroviziyada iştirak edib etməyəcəkləri ilə bağlı hal-hazırda rəsmi açıqlama yoxdur.

Aşağıda göstərilən ölkələrin 2019-cu ildə Avroviziyada iştirak etməyəcəkləri təsdiqlənmişdir.

  • Flag of Andorra.svg Andorra – On il ərzində Avroviziyaya qatılmamasına baxmayaraq, Andorra mətbuatı RTVA telekanalının müsabiqəyə qayıtmaq niyyətində olmasını elan etmişdir. Lakin bu cırtdan ölkənin müsabiqədə bir-birini izləyən uğursuz nəticələri və eyni zamanda maliyyə çətinlikləri telekanalı Avroviziyada iştirakdan çəkindirmişdir. Müsabiqəyə geri dönüş üçün RTVA Andorra Hökumətindən maliyyələşdirmə tələb etmişdir.[4] May ayının 19-da Andorra telekanalı ölkənin 2019-cu ildə Avroviziyada iştirakının baş tutmayacağını bildirmişdir. Andorra Avroviziyada son dəfə Moskvada keçirilən müsabiqədə 2009-cu ildə iştirak etmiş və yarımfinal mərhələsində 15-ci yeri tutmuşdur.
  • Flag of Bosnia and Herzegovina.svg Bosniya və Herseqovina - 25 may 2018-ci il tarixdə Bosniya və Herseqovinanın BHRT telekanalı ciddi maliyyə problemləri səbəbindən ölkənin İsraildə keçirilən müsabiqədə iştirak etməyəcəyini açıqlamışdır. Bosniya və Herseqovina Avroviziyada son dəfə 2016-cı ildə Stokholmda keçirilən müsabiqədə iştirak etmiş və yarımfinal mərhələsində 11-ci yeri tutaraq, finala adlaya bilməmişdi.
  • Flag of Liechtenstein.svg Lixtenşteyn – 4 noyabr 2017-ci il tarixdə Lixteşteynin 1 FL TV telekanalı knyazlığın 2019-cu ildə Avroviziyada debüt etməyi planlaşdırdığını bəyan etmişdir. Lixtenşteynin müsabiqəyə iştirakçı seçmək üçün fərqli musiqi tərzləri üçün açıq olan milli seçim turu təşkil etmək niyyətində olduğu bildirilmişdir.[5] Lakin iyul ayının 26-da 1 FL TV telekanalın direktoru Peter Kölbelin ani vəfatı səbəbi ilə ölkənin 2019-cu ildə də Avroviziyada ilk iştirakının baş tutmayacağı elan etmişdir.
  • Flag of Luxembourg.svg Lüksemburq – 21 iyul 2018-ci il tarixdə Lüksemburqun RTL kanalı ölkənin 2019-cu ildə Avroviziyaya geri dönməyəcəyini bildirmişdir. Lüksemburq Avroviziyada son dəfə 1993-cü ildə İrlandiyada keçirilən müsabiqədə iştirak etmiş və 20-ci yeri tutmuşdur.
  • Flag of Monaco.svg Monako – 17 avqust 2018-ci il tarixdə Monakonun TMC kanalı ölkənin 2019-cu ildə də müsabiqəyə qayıtmayacağını rəsmi olaraq açıqlamışdır. Monako Avroviziyada son dəfə 2006-cı ildə Afinada keçirilən müsabiqədə iştirak etmiş və yarımfinal mərhələsində 21-ci yeri tutmuşdur.
  • Flag of Slovakia.png Slovakiya – 31 may 2018-ci il tarixdə Slovakiyanın RTVS telekanalı maliyyə problemləri səbəbindən ölkənin Avroviziya 2019-da iştirak etməyəcəyini açıqlamışdır. Slovakiya Avroviziyada son dəfə 2012-ci ildə Bakıda keçirilən müsabiqədə iştirak etmiş və yarımfinal mərhələsində sonuncu yeri tutmuşdur.
  • Flag of Turkey.svg Türkiyə – İsrailin Avroviziya qələbəsinin ardınca Türkiyənin sabiq baş naziri Binəli Yıldırım açıqlamasında "Müsabiqənin İsraildə, Qüdsdə keçirilməsi üçün planlı şəkildə səsvermə qaydalarına dəyişikliklər etdilər. Bunu dinlər arasında savaşı qızışdırmaq üçün inadına edirlər." söyləmiş və Türkiyənin Avroviziyaya qayıtmaq niyyətində olmamasını vurğulamışdır. Bunun ardınca TRT kanalının baş meneceri İbrahim Eren müxtəlif səbəblərdən dolayı Türkiyənin 2019-cu ildə də Avroviziyada iştirak etməyəcəyini təsdiqləmişdir. Türkiyə Avroviziyada son dəfə 2012-ci ildə Bakıda keçirilən müsabiqədə iştirak etmiş və final mərhələsində 7-ci yeri tutmuşdur.
  • Flag of Bulgaria.svg Bolqarıstan - Bolqarıstan Milli Televiziyası (BNT), 2019-cu ildə keçiriləcək 2019 Avroviziya Mahnı Müsabiqəsində ilkin iştirakını təsdiqləsə də, 2018-ci il oktyabrın 13-də nümayəndə heyətinin bir çox üzvünün digər layihələrə keçdiyini elan etdilər.2018-ci il 15 oktyabr tarixində BNT 2019-cu ildə maliyyə çətinliyi səbəbiylə müsabiqədən çəkiləcəyini açıqladı.

İnsidentlər[redaktə | əsas redaktə]

Boykot çağırışları[redaktə | əsas redaktə]

Müsabiqənin İsraildə və gözlənildiyi kimi paytaxt Qüdsdə keçirilməsi ilə əlaqədar olaraq bəzi ölkələr narazılıqlarını bildirmiş və BDS (Boykot, Ayırma və Sanksiyalar) hərəkatına dəstək çıxaraq, müsabiqəni boykot etməyə çağırmışdırlar.

  • Flag of Iceland.svg İslandiya – Ölkənin RÚV telekanalı ilkin olaraq Avroviziya 2019-da iştirakını təsdiqləmiş olsa da, 23,000-dən artıq islandiyalı İsraildə keçirilən müsabiqəni boykot edilməsi üçün petitisiya imzalamışdır.[6] İslandiyalı musiqiçi Dadi Freyr ölkənin müsabiqədə iştirak edəcəyi halda bir daha müsabiqənin seçim turuna qatılmayacağını bildirmiş və paylaşdığı açıqlamada "İsrail Dövləti və ordusu Fələstin xalqına qarşı bu cür şiddət tətbiq edərkən, bizim təmiz bir vicdanla İsraildə keçirilən Avroviziya kimi əyləncəli bir müsabiqədə iştirak etməyimizi təsəvvür edə bilmirəm" söyləmişdir. İslandiya telekanalı etirazların ardınca müsabiqənin boykot edilməsi ilə bağlı son qərarın verilməsi üçün toplantı keçiriləcəyini bəyan etmişdir.[7] İslandiya daha öncə 1999-cu ildə Qüdsdə keçirilən Avroviziyada iştirak etmişdir.
  • Flag of Ireland.svg İrlandiya – BDS hərəkatını dəstəklədiyi üçün İsrailə girişə qadağan edilən Dublin şəhərinin meri Maykl Mak Donça İrlandiyanın İsraildə keçiriləcək olan Avroviziya 2019-da iştirak etməməli olduğunu söyləmişdir.[8] Şinn Feyn siyasətçisi Linn Boylan Twitter hesabı vasitəsi ilə müsabiqəni boykot etməyə çağırmışdır. Daha bir neçə irlandiyalı siyasətçi ilə bərabər 1994-cü ildə İrlandiyaya Avroviziyada qələbə qazandıran musiqiçi Çarli MakQettiqan "Başqaları qətlə yetirildiyi zaman biz əylənə bilmərik" söyləyərək, İrlandiya telekanalı RTE-ni müsabiqəni boykot etməyə çağırmışdır.[9] Teleaparıcı Mayk Mörfi də etirazlara qoşulmuşdur.[10] İrlandiya daha öncə 19791999-cu illərdə İsraildə keçirilən Avroviziyada iştirak etmişdir.
  • Flag of Sweden.svg İsveç – Ölkənin siyasi partiyalarından biri müsabiqənin İsraildə keçirilməsinə etiraz etmişdir: "İşğal davam edərkən İsrailin bu nəhəng mahnı müsabiqəsinə ev sahibliyi etməsi tamamilə əsassızdır. Biz İsrailin Avroviziyadan humanitar cəhətdən istisna edilməsini istəyirik. Fələstin xalqının zülmü davam edərkən rəqs etməyə davam edə bilmərik."[11] Buna baxmayaraq İsveçin SVT telekanalı Avroviziya 2019-da iştirakını təsdiqləmişdir.
  • Flag of the United Kingdom.svg Böyük Britaniya – "Ceremi Korbini dəstəkləyirik" qrupunun üzvləri də müsabiqəni boykot etməyə çağırmışdır. Lakin Korbinin özü heç bir açıqlama verməmişdir.[12] Bəzi Liberal Demokratlar partiyası üzvləri partiyanı və Böyük Britaniya hakimiyyətini İsraildə keçirilən müsabiqəni boykot etməyə çağırmışdır.[13] Böyük Britaniya daha öncə 1979 və 1999-cu illərdə İsraildə keçirilən Avroviziyada iştirak etmişdir.

İstinadlar[redaktə | əsas redaktə]

  1. "Benjamin Netanyahu on Instagram: “לשנה הבאה בירושלים 🇮🇱🇮🇱🇮🇱”". https://www.instagram.com/p/BisgLwshJ71/?taken-by=b.netanyahu.
  2. "Benjamin Netanyahu on Instagram: “נטע, את כפרה אמיתית. הבאת הרבה כבוד למדינת ישראל! לשנה הבאה בירושלים! 🇮🇱🇮🇱🇮🇱”". https://www.instagram.com/p/BisdgoqBbve/?taken-by=b.netanyahu.
  3. "Israel mulls venue for hosting Eurovision 2019 Finals" (ingiliscə). Globes English. http://www.globes.co.il/en/article-israel-mulls-venue-for-hosting-eurovision-2019-finals-1001235864.
  4. "Andorra: Return to Eurovision Dependent on Government Support" (ingiliscə). Eurovoix. 17 dekabr 2017. https://eurovoix.com/2017/12/17/andorra-return-eurovision-dependent-government-support. İstifadə tarixi: 31 yanvar 2018.
  5. "Liechtenstein: 1 FLTV Plans Eurovision Debut in 2019". eurovoix.com. 4 noyabr 2017. https://eurovoix.com/2017/11/04/liechtenstein-1fltv-plans-eurovision-debut-2019/. İstifadə tarixi: 31 yanvar 2018.
  6. "Iceland: Daði Freyr ‏Will Not Participate in 2019 Contest as Thousands Sign Petition For Eurovision Boycott - Eurovoix" (ingiliscə). Eurovoix. 2018-05-15. https://eurovoix.com/2018/05/15/iceland-dadi-freyr-%E2%80%8Fwill-not-participate-in-2019-contest-as-thousands-sign-petition-for-boycott/.
  7. "Iceland: RÚV Considers Withdrawing From Eurovision 2019 - Eurovoix" (ingiliscə). Eurovoix. 2018-05-17. https://eurovoix.com/2018/05/17/iceland-ruv-considers-withdrawing-from-eurovision-2019/.
  8. "Ireland: Dublin Lord Mayor Calls for Boycott of Eurovision 2019" (ingiliscə). Eurovoix. 13 may 2018. https://eurovoix.com/2018/05/13/ireland-dublin-lord-mayor-calls-for-boycott-of-eurovision-2019/.
  9. "Ireland: Eurovision Winner Charlie McGettigan Calls For RTÉ To Boycott Next Years Contest - Eurovoix" (ingiliscə). Eurovoix. 2018-05-16. https://eurovoix.com/2018/05/16/ireland-eurovision-winner-charlie-mcgettigan-calls-for-rte-to-boycott-next-years-contest/.
  10. "Former Eurovision Winner Joins Calls For Ireland To Boycott Israel In 2019 | Scribd" (ingiliscə). Scribd. https://www.scribd.com/article/379492704/Former-Eurovision-Winner-Joins-Calls-For-Ireland-To-Boycott-Israel-In-2019.
  11. "Vänsterpartiet Malmö - Bojkotta Israel" (isveçcə). vmalmo.se. 13 may 2018. http://www.vmalmo.se/2018/05/bojkotta-israel-3/.
  12. "Dave Rich on Twitter" (ingiliscə). Twitter. https://twitter.com/daverich1/status/995553744183091200/photo/1?tfw_site=haaretzcom&ref_src=twsrc%5Etfw&ref_url=https://www.haaretz.com/israel-news/chickensong-wins-eurovision-toys-with-israel-haters-on-twitter-1.6077594.
  13. "UK participation in Eurovision 2019 in Israel would condone “outrageous human rights violations”" (ingiliscə). Liberal Democrat Voice. https://www.libdemvoice.org/uk-participation-in-eurovision-2019-in-israel-would-condone-outrageous-human-rights-violations-57518.html.

Xarici keçidlər[redaktə | əsas redaktə]