2019 Avroviziya Mahnı Müsabiqəsi

Vikipediya, açıq ensiklopediya
Jump to navigation Jump to search
2019 Avroviziya Mahnı Müsabiqəsi
"Dare to Dream"
"azərb. Xəyal Etməyə Cəsarət Et‎"
Müsabiqə afişası
I yarımfinal 14 may 2019
II yarımfinal 16 may 2019
Final 18 may 2019
Direktor Yon Ola Sand
Kanal Flag of Israel.svg IPBC
Keçirilən yer Expo Tel Aviv, Tel-Əviv, İsrail
Seçki sistemi 50% telesəsvermə
50% münsif səsverməsi
İştirakçıların sayı 42[1]
İlk dəfə iştirak edən ölkələr Olmayıb
Yenidən iştirak edən ölkələr Olmayıb
İştirakdan imtina edən ölkələr Flag of Bulgaria.svg Bolqarıstan
Avroviziya Mahnı Müsabiqəsi
◄ 2018    Wiki Eurovision Heart (Infobox).svg    2020 ►

2019 Avroviziya Mahnı Müsabiqəsi (ing. Eurovision Song Contest 2019; fr. Concours Eurovision de la chanson 2019) — sayca 64-cü Avroviziya Mahnı Müsabiqəsidir. Netta Barzilayın ifa etdiyi "Toy" mahnısı ilə 2018 Avroviziya Mahnı Müsabiqəsində qələbə qazanmasının ardınca 2019-cu ildə İsrail 20 il sonra yenidən Avroviziyaya ev sahibliyi etmək hüququ qazanmışdır. 19791999-cu ildən sonra bu İsraildə keçirilən üçüncü Avroviziya olacaqdır. İsrailin paytaxtı olan Qüds şəhəri iki dəfə müsabiqəyə ev sahibliyi etmiş olsa da, Avropa Yayım İttifaqı və IBPC telekanalının birgə qərarı ilə Avroviziya 2019-a ev sahibliyi üçün liman şəhəri olan Tel-Əviv seçilmişdir. Müsabiqə Expo Tel Aviv arenasında, "Dare to Dream" (ing. Xəyal etməyə cəsarət et) şüarı altında keçiriləcəkdir. Müsabiqənin yarımfinalları 14 və 16 may, final isə 18 may tarixində baş tutacaqdır.

7 noyabr 2018-ci il tarixində Avropa Yayım İttifaqı Tel-Əvivdə keçirilən Avroviziya 2019-da 42 ölkənin iştirak edəcəyini açıqlamışdır. 2018-ci ildə Avroviziyada iştirak edən ölkələrdən Bolqarıstan maliyyə problemləri səbəbindən Tel Əvivdə keçirilən müsabiqədə iştirak etməyəcək.

Keçirildiyi yer[redaktə | əsas redaktə]

Avroviziya 2019-un keçiriləcəyi məkan

Netta Barzilayın ifa etdiyi "Toy" mahnısı ilə 2018 Avroviziya Mahnı Müsabiqəsində qələbə qazanmasının ardınca 2019-cu ildə İsrail 20 il sonra yenidən Avroviziyaya ev sahibliyi etmək hüququ qazanmışdır.

Məkan[redaktə | əsas redaktə]

Müsabiqə 2015-ci ilin yanvar ayında təmirinin başa çatdırıldığı və 10,000 nəfəri qəbul edə biləcək olan Tel-Əviv Konqres mərkəzində keçiriləcək. Tel-Əviv şəhərinin şimalında, Rokax bulvarında yerləşən məkanda müxtəlif konsertlər, sərgilər, toplantılar və s. keçirilir. 2018-ci ilin aprel ayında məkan 44 ölkənin iştirak etdiyi Avropa Cüdo Çempionatına ev sahibliyi etmişdir.

Tender mərhələsi[redaktə | əsas redaktə]

Avroviziya 2018-də qələbə qazandıqdan sonra səhnədə Netta Barzilay 2019 Avroviziya Mahnı Müsabiqəsinin paytaxt Qüdsdə keçiriləcəyini elan etmişdir. İsrailin baş naziri Benyamin Netanyahu da öz Twitter hesabından Avroviziyanın Qüdsdə keçiriləcəyini qeyd etmişdir.[2][3] Lakin bu qərar Avropa Yayım İttifaqı (AYİ) tərəfindən hələ ki, öz təsdiqini tapmayıb.

İsrailin maliyyə naziri Moşe Kaxlon Maariv qəzetinə müsahibədə müsabiqənin yalnız Qüdsdə keçirilə biləcəyini vurğulamış və müsabiqənin dəyərinin 120 milyon Yeni İsrail şekeli olacağını qeyd etmişdir. Qüds meri Nir Barkat müsabiqənin 1979 və 1999-cu illərdə keçirildiyi Beynəlxalq Konvensiya mərkəzinin Avroviziya 2019 üçün çox kiçik olduğunu bildirərək, Teddy Stadium və eyni zamanda Jerusalem Arenanı müsabiqə üçün uyğun görmüşdür.[4]

Müsabiqə üçün nəzərdə tutulan digər arena isə Təl-Əvivdə yerləşən Menora Mivtachim Arena olsa da, şəhər meri Ron Hulday Təl-Əvivin Avroviziya 2019-a ev sahibliyi etməyəcəyini açıqlamışdır. Digər mümkün məkanlar isə Hayfada yerləşən Sammy Ofer Stadium və Beer-Şevada yerləşən Turner Stadiumdur. Lakin hər iki stadionun tavanı yoxdur və müsabiqənin qaydalarını görə müsabiqə qapalı arenada keçirilməlidir.

Şəhər Arena Tutum Qeyd
Beer-Şeva Turner Stadium 16,126 Təklif stadionu əhatə edən müvəqqəti və ya daimi bir tavanın inşasına bağlı idi.
Eylat Limandakı anqarlar 10,000 Təklif iki anqarın birləşdirilərək bir stadion yaradılmasına və beləliklə AYİ-nin şərtlərinə uyğun olmasına bağlı idi.
Hayfa Sammy Ofer Stadium 30,870 Təklif stadionu əhatə edən müvəqqəti və ya daimi bir tavanın inşasına bağlı idi.
Qüds Teddy Stadium 31,733 Təklif stadionu əhatə edən müvəqqəti və ya daimi bir tavanın inşasına bağlı idi.
Jerusalem Arena 15,654
Təl-Əviv Expo Tel Aviv 10,000

İştirakçı ölkələr[redaktə | əsas redaktə]

42 ölkənin iştirak etdiyi Avroviziya 2019 otuz altı ölkənin final uğrunda mübarizə apardığı iki yarımfinal mərhələsindən (hər yarımfinalda on səkkiz ölkə) və iyirmi altı ölkənin qalibiyyət uğrunda mübarizə apardığı final mərhələsindən təşkil olunacaqdır. "Böyük Beşlik" ölkələri (Almaniya, Böyük Britaniya, Fransa, İspaniya, İtaliya) və ev sahibi İsrail müsabiqənin finalında birbaşa iştirak etmək hüququ qazanmışdırlar.

Yarımfinalçılar[redaktə | əsas redaktə]

Ölkə[1] Dil Müğənni Mahnı Tərcümə
Flag of Albania.svg Albaniya Albanca Yonida Maliçi "Ktheju tokës" Vətənə qayıdış
Flag of Australia.svg Avstraliya 9 Fevral 2019 9 Fevral 2019
Flag of Austria.svg Avstriya Yanvar 2019
Flag of Azerbaijan.svg Azərbaycan
Flag of Belarus.svg Belarus
Flag of Belgium (civil).svg Belçika Eliot Fevral 2019
Flag of the Czech Republic.svg Çexiya 28 Yanvar 2019 28 Yanvar 2019
Flag of Denmark.svg Danimarka 23 Fevral 2019 23 Fevral 2019
Flag of Armenia.svg Ermənistan Srbuk
Flag of Estonia.svg Estoniya 16 Fevral 2019 16 Fevral 2019
Flag of Finland.svg Finlandiya 29 Yanvar 2019 2 Mart 2019
Flag of Georgia.svg Gürcüstan 2 Mart 2019 2 Mart 2019
Flag of Ireland.svg İrlandiya
Flag of Iceland.svg İslandiya 2 Mart 2019 2 Mart 2019
Flag of Sweden.svg İsveç 9 Mart 2019 9 Mart 2019
Flag of Switzerland.svg İsveçrə Mart 2019 Mart 2019
Flag of Cyprus.svg Kipr İngiliscə Tamta "Replay" Təkrar oynat
Flag of Latvia.svg Latviya 16 Fevral 2019 16 Fevral 2019
Flag of Lithuania.svg Litva 23 Fevral 2019 23 Fevral 2019
Flag of Hungary.svg Macarıstan 23 Fevral 2019 23 Fevral 2019
Flag of Macedonia.svg Makedoniya
Flag of Malta.svg Malta 26 Yanvar 2019
Flag of Moldova.svg Moldova 3 Mart 2019 3 Mart 2019
Flag of Montenegro.svg Monteneqro Monteneqrcə 9 Fevral 2019 9 Fevral 2019
Flag of the Netherlands.svg Niderland
Flag of Norway.svg Norveç 2 Mart 2019 2 Mart 2019
Flag of Poland.svg Polşa
Flag of Portugal.svg Portuqaliya 2 Mart 2019 2 Mart 2019
Flag of Romania.svg Rumıniya 17 Fevral 2019 17 Fevral 2019
Flag of Russia.svg Rusiya Yanvar 2019
Flag of San Marino.svg San-Marino 21 Yanvar 2019 21 Yanvar 2019
Flag of Serbia.svg Serbiya Serbcə 3 Mart 2019 3 Mart 2019
Flag of Slovenia.png Sloveniya 16 Fevral 2019 16 Fevral 2019
Flag of Ukraine.svg Ukrayna 23 Fevral 2019 23 Fevral 2019
Flag of Croatia.svg Xorvatiya 16 Fevral 2019 16 Fevral 2019
Flag of Greece.svg Yunanıstan Yanvar 2019

Final[redaktə | əsas redaktə]

Ölkə Dil Müğənni Mahnı Tərcümə
Flag of Germany.svg Almaniya İngiliscə 22 Fevral 2019 22 Fevral 2019
Flag of the United Kingdom.svg Böyük Britaniya 8 Fevral 2019 8 Fevral 2019
Flag of France.svg Fransa Fransızca 26 Yanvar 2019 26 Yanvar 2019
Flag of Spain.svg İspaniya İspanca 20 Yanvar 2019 20 Yanvar 2019
Flag of Israel.svg İsrail (ev sahibi-ölkə) Fevral 2019 Fevral 2019
Flag of Italy.svg İtaliya İtalyanca 9 Fevral 2019 9 Fevral 2019

Digər ölkələr[redaktə | əsas redaktə]

Aşağıda göstərilən ölkələrin 2019-cu ildə Avroviziyada iştirak etməyəcəkləri təsdiqlənmişdir.

Avropa Yayım İttifaqına üzv ölkələr[redaktə | əsas redaktə]

  • Flag of Andorra.svg Andorra – On il ərzində Avroviziyaya qatılmamasına baxmayaraq, Andorra mətbuatı RTVA telekanalının müsabiqəyə qayıtmaq niyyətində olmasını elan etmişdir. Lakin bu cırtdan ölkənin müsabiqədə bir-birini izləyən uğursuz nəticələri və eyni zamanda maliyyə çətinlikləri telekanalı Avroviziyada iştirakdan çəkindirmişdir. Müsabiqəyə geri dönüş üçün RTVA Andorra Hökumətindən maliyyələşdirmə tələb etmişdir.[5] May ayının 19-da Andorra telekanalı ölkənin 2019-cu ildə Avroviziyada iştirakının baş tutmayacağını bildirmişdir.[6] Andorra Avroviziyada son dəfə Moskvada keçirilən müsabiqədə 2009-cu ildə iştirak etmiş və yarımfinal mərhələsində 15-ci yeri tutmuşdur.
  • Flag of Bulgaria.svg Bolqarıstan - Bolqarıstan Milli Televiziyası (BNT), 2019 Avroviziya Mahnı Müsabiqəsində ilkin iştirakını təsdiqləsə də, 2018-ci il oktyabr ayının 13-də nümayəndə heyətinin bir çox üzvünün digər layihələrə keçdiyini elan etdilər. 2018-ci il 15 oktyabr tarixində BNT 2019-cu ildə maliyyə çətinliyi səbəbiylə Avroviziyada iştirakdan imtina etdiyini elan etmişdir.[7]
  • Flag of Bosnia and Herzegovina.svg Bosniya və Herseqovina - 25 may 2018-ci il tarixdə Bosniya və Herseqovinanın BHRT telekanalı Avropa Yayım İttifaqına olan yüksək miqdarda borc səbəbi ilə ölkənin İsraildə keçirilən müsabiqədə iştirak etməyəcəyini açıqlamışdır.[8] Bosniya və Herseqovina Avroviziyada son dəfə 2016-cı ildə Stokholmda keçirilən müsabiqədə iştirak etmiş və yarımfinal mərhələsində 11-ci yeri tutaraq, finala adlaya bilməmişdi.
  • Flag of Luxembourg.svg Lüksemburq – 21 iyul 2018-ci il tarixdə Lüksemburqun RTL kanalı ölkənin 2019-cu ildə Avroviziyaya geri dönməyəcəyini bildirmişdir.[9] Lüksemburq Avroviziyada son dəfə 1993-cü ildə İrlandiyada keçirilən müsabiqədə iştirak etmiş və 20-ci yeri tutmuşdur.
  • Flag of Monaco.svg Monako – 17 avqust 2018-ci il tarixdə Monakonun TMC kanalı ölkənin 2019-cu ildə də müsabiqəyə qayıtmayacağını rəsmi olaraq açıqlamışdır.[10] Monako Avroviziyada son dəfə 2006-cı ildə Afinada keçirilən müsabiqədə iştirak etmiş və yarımfinal mərhələsində 21-ci yeri tutmuşdur.
  • Flag of Slovakia.png Slovakiya – 31 may 2018-ci il tarixdə Slovakiyanın RTVS telekanalı maliyyə problemləri səbəbindən ölkənin Avroviziya 2019-da iştirak etməyəcəyini açıqlamışdır.[11] Slovakiya Avroviziyada son dəfə 2012-ci ildə Bakıda keçirilən müsabiqədə iştirak etmiş və yarımfinal mərhələsində sonuncu yeri tutmuşdur.
  • Flag of Turkey.svg Türkiyə – İsrailin Avroviziya qələbəsinin ardınca Türkiyənin sabiq baş naziri Binəli Yıldırım açıqlamasında "Müsabiqənin İsraildə, Qüdsdə keçirilməsi üçün planlı şəkildə səsvermə qaydalarına dəyişikliklər etdilər. Bunu dinlər arasında savaşı qızışdırmaq üçün inadına edirlər." söyləmiş və Türkiyənin Avroviziyaya qayıtmaq niyyətində olmamasını vurğulamışdır.[12] Bunun ardınca TRT kanalının baş meneceri İbrahim Eren müxtəlif səbəblərdən dolayı Türkiyənin 2019-cu ildə də Avroviziyada iştirak etməyəcəyini təsdiqləmişdir.[13] Türkiyə Avroviziyada son dəfə 2012-ci ildə Bakıda keçirilən müsabiqədə iştirak etmiş və final mərhələsində 7-ci yeri tutmuşdur.

Avropa Yayım İttifaqına üzv olmayan ölkələr[redaktə | əsas redaktə]

  • Flag of Kosovo.svg Kosovo – Müstəqilliyi bir neçə Avropa ölkəsi (Serbiya, Bosniya və Herseqovina, İspaniya, Yunanıstan, Rusiya, Ukrayna, Azərbaycan və s.) tərəfindən hələ də tam olaraq tanınmayan Kosovonun RTK telekanalının baş direktoru Mentor Şala telekanalın Avropa Yayım İttifaqına üzv qəbul olunması üçün çalışmaların davam etdiyini bildirmişdir.[14] 2018-ci ilin dekabr ayında Kosovonun AYİ-nə üzv qəbul olunması üçün səsvermə keçiriləcəyi gözlənilsə də,[15] səsvermə 2019-cu ilin sonunadək təxirə salınmışdır.
  • Flag of Liechtenstein.svg Lixtenşteyn – 4 noyabr 2017-ci il tarixdə Lixteşteynin 1 FL TV telekanalı knyazlığın 2019-cu ildə Avroviziyada debüt etməyi planlaşdırdığını bəyan etmişdir. Lixtenşteynin müsabiqəyə iştirakçı seçmək üçün fərqli musiqi tərzləri üçün açıq olan milli seçim turu təşkil etmək niyyətində olduğu bildirilmişdir.[16] Lakin iyul ayının 26-da 1 FL TV telekanalının direktoru Peter Kölbelin ani vəfatı səbəbi ilə ölkənin 2019-cu ildə də Avroviziyada ilk iştirakının baş tutmayacağı elan edilmişdir.
  • Flag of Kazakhstan.svg Qazaxıstan – 22 dekabr 2017-ci il tarixində Qazaxıstanın 31 kanalının ölkənin Avroviziya 2019-da iştirakı üçün AYİ ilə danışıqlarını uğurla bitirdiyi iddia edilsə də,[17] növbəti gün Avropa Yayım İttifaqı rəsmisi açıqlamasında bildirmişdir: "Kanal 31-in Avropa Yayım İttifaqına üzv seçilmək və eyni zamanda Avroviziyaya qatılmaq barədə müraciət etdiyi doğrudur. Lakin Qazaxıstanın Avropa Yayım ərazisindən kənarda yerləşməsi və Avropa Şurasına üzv olmaması səbəbindən Avropa Yayım İttifaqına üzv qəbul olunması hal-hazırda mümkün deyil."[18][19] 25 iyulda Qazaxıstanın 2018 Avroviziya Uşaq Mahnı Müsabiqəsində iştirak edəcəyi öz təsdiqini tapmışdır.[20] Ökənin Avroviziya 2019-a dəvət edilməsi gözlənilsə də, 2018-ci ilin 23 noyabr tarixində Yon Ola Sand Qazaxıstanın 2019-cu ildə də müsabiqədə iştirak etməyəcəyini təsdiqləmişdir.[21]

İnsidentlər[redaktə | əsas redaktə]

Boykot çağırışları[redaktə | əsas redaktə]

Müsabiqənin İsraildə və gözlənildiyi kimi paytaxt Qüdsdə keçirilməsi ilə əlaqədar olaraq bəzi ölkələr narazılıqlarını bildirmiş və İsrail əleyhinə olan BDS (Boykot, Ayırma və Sanksiyalar) hərəkatına dəstək çıxaraq, müsabiqəni boykot etməyə çağırmışdırlar.

  • Flag of Australia.svg AvstraliyaAvstraliya Yaşıllar Partiyası İsraildə keçiriləcək olan Avroviziya Mahnı Müsabiqəsinin boykot edilməsi məsələsini Avstraliyada mövzüya qoymuşdur. Senator Li Riannon açıqlamasında "Qəzza sərhədində baş verən son hadisələr İsrail ordusunun açıq bir şəkildə ölümcül hərbi əməliyyatlar keçirdiyini göstərir. Fələstinlilərin ard-arda həyata keçirdiyi aksiyalar ərəfəsində Avroviziyanın İsraildə keçirilməsi kimin yaşayıb, kimin ölməsinə böyük təsiri ola bilər. SBS (Avstraliya telekanalı) müsabiqədə iştirak barədə qərar aldığında bütün bu faktorları nəzərə alacaqdırmı?" SBS telekanalının baş direktoru cavab olaraq "İsrail daha öncə də qələbə qazanıb və müsabiqəyə ev sahibliyi edib və müsabiqənin müxtəlif mədəniyyətləri birlik və bərabərlik şüarı altında bir araya gətirdiyini nəzərə aldıqda Avroviziyanı yayımlamayacığımızı təsəvvür edə bilmirəm." Avstraliya 1 oktyabr tarixində rəsmi olaraq müsabiqədə iştirakını təsdiqləmişdir.
  • Flag of the United Kingdom.svg Böyük Britaniya – "Ceremi Korbini dəstəkləyirik" qrupunun üzvləri də müsabiqəni boykot etməyə çağırmışdır. Lakin Korbinin özü heç bir açıqlama verməmişdir.[22] Bəzi Liberal Demokratlar partiyası üzvləri partiyanı və Böyük Britaniya hakimiyyətini İsraildə keçirilən müsabiqəni boykot etməyə çağırmışdır.[23] Böyük Britaniyanın BBC telekanalı 19 sentyabr tarixində Avroviziya 2019-da iştirakını təsdiqləmişdir. Daha sonra 2018-ci ilin noyabr ayında Avroviziya 2018-in qalibi Netta Barzilayın Londonda yerləşən gey klublardan birində keçirtdiyi konsert zamanı bir qrup BDS hərəkatı dəstəkləyiciləri klubun qarşısında ifaçı əleyhinə aksiya keçirmişdir. Aksiya iştirakçıları Nettanı "İsrailin işğalçı rejiminin təmsilçisi" adlandırmışdır.[24]
  • Flag of Ireland.svg İrlandiya – BDS hərəkatını dəstəklədiyi üçün İsrailə girişə qadağan edilən Dublin şəhərinin meri Maykl Mak Donça İrlandiyanın İsraildə keçiriləcək olan Avroviziya 2019-da iştirak etməməli olduğunu söyləmişdir.[25] Şinn Feyn siyasətçisi Linn Boylan Twitter hesabı vasitəsi ilə müsabiqəni boykot etməyə çağırmışdır. Daha bir neçə irlandiyalı siyasətçi ilə bərabər 1994-cü ildə İrlandiyaya Avroviziyada qələbə qazandıran musiqiçi Çarli MakQettiqan "Başqaları qətlə yetirildiyi zaman biz əylənə bilmərik" söyləyərək, İrlandiya telekanalı RTE-ni müsabiqəni boykot etməyə çağırmışdır.[26] Teleaparıcı Mayk Mörfi də etirazlara qoşulmuşdur.[27] Etirazlara baxmayaraq İrlandiya 16 avqust tarixində rəsmi olaraq Tel-Əvivdə keçirilən Avroviziya 2019-da iştirakını təsdiqləmişdir.
  • Flag of Iceland.svg İslandiya – Ölkənin RÚV telekanalı ilkin olaraq Avroviziya 2019-da iştirakını təsdiqləmiş olsa da, 23,000-dən artıq islandiyalı İsraildə keçirilən müsabiqəni boykot edilməsi üçün petitisiya imzalamışdır.[28] İslandiyalı musiqiçi Dadi Freyr ölkənin müsabiqədə iştirak edəcəyi halda bir daha müsabiqənin seçim turuna qatılmayacağını bildirmiş və paylaşdığı açıqlamada "İsrail Dövləti və ordusu Fələstin xalqına qarşı bu cür şiddət tətbiq edərkən, bizim təmiz bir vicdanla İsraildə keçirilən Avroviziya kimi əyləncəli bir müsabiqədə iştirak etməyimizi təsəvvür edə bilmirəm" söyləmişdir. İslandiya telekanalı etirazların ardınca müsabiqənin boykot edilməsi ilə bağlı son qərarın verilməsi üçün toplantı keçiriləcəyini bəyan etmişdir.[29] İsrailin Tel-Əviv şəhərini müsabiqənin ev sahibi olaraq elan etdiyindən bir gün sonra İslandiya rəsmi olaraq Avroviziya 2019-da iştirakını bir daha təsdiqləmişdir.
  • Flag of Sweden.svg İsveç – Ölkənin siyasi partiyalarından biri müsabiqənin İsraildə keçirilməsinə etiraz etmişdir: "İşğal davam edərkən İsrailin bu nəhəng mahnı müsabiqəsinə ev sahibliyi etməsi tamamilə əsassızdır. Biz İsrailin Avroviziyadan humanitar cəhətdən istisna edilməsini istəyirik. Fələstin xalqının zülmü davam edərkən rəqs etməyə davam edə bilmərik."[30] Buna baxmayaraq İsveçin SVT telekanalı Avroviziya 2019-da iştirakını təsdiqləmişdir.

İstinadlar[redaktə | əsas redaktə]

  1. 1,0 1,1 "42 countries to compete in Eurovision 2019". Eurovision.tv. https://eurovision.tv/story/42-countries-take-part-in-eurovision-2019. İstifadə tarixi: 7 noyabr 2018.
  2. "Benjamin Netanyahu on Instagram: “לשנה הבאה בירושלים 🇮🇱🇮🇱🇮🇱”". https://www.instagram.com/p/BisgLwshJ71/?taken-by=b.netanyahu.
  3. "Benjamin Netanyahu on Instagram: “נטע, את כפרה אמיתית. הבאת הרבה כבוד למדינת ישראל! לשנה הבאה בירושלים! 🇮🇱🇮🇱🇮🇱”". https://www.instagram.com/p/BisdgoqBbve/?taken-by=b.netanyahu.
  4. "Israel mulls venue for hosting Eurovision 2019 Finals" (ingiliscə). Globes English. http://www.globes.co.il/en/article-israel-mulls-venue-for-hosting-eurovision-2019-finals-1001235864.
  5. "Andorra: Return to Eurovision Dependent on Government Support" (ingiliscə). Eurovoix. 17 dekabr 2017. https://eurovoix.com/2017/12/17/andorra-return-eurovision-dependent-government-support. İstifadə tarixi: 31 yanvar 2018.
  6. "Andorra: No Participation in Eurovision Events for the Foreseeable Future". https://eurovoix.com/2018/05/19/andorra-no-participation-in-eurovision-events-for-the-foreseeable-future/. İstifadə tarixi: 19 may 2018.
  7. "Official: Bulgaria withdraws from the Eurovision Song Contest". esc-plus. 15 oktyabr 2018. https://www.esc-plus.com/official-bulgaria-withdraws-from-the-eurovision-song-contest/.
  8. "Bosnia & Herzegovina: BHRT Barred From Competing in Eurovision Contests". 25 may 2018. https://eurovoix.com/2018/05/25/bosnia-herzegovina-bhrt-barred-from-competing-in-eurovision-contests/. İstifadə tarixi: 25 may 2018.
  9. "Luxembourg: RTL Télé Lëtzebuerg Rules out Eurovision Return in 2019". Eurovoix. 21 iyul 2018. https://eurovoix.com/2018/07/21/luxembourg-rtl-tele-letzebuerg-rules-out-eurovision-return-in-2019/.
  10. "Eurovision Monaco: TMC will not return to Eurovision in 2019 - ESCToday.com". ESCToday. 2018-08-17. http://esctoday.com/168422/monaco-tmc-will-not-return-to-eurovision-in-2019/.
  11. "Slovakia: No Return to Eurovision in 2019". 31 may 2018. https://eurovoix.com/2018/05/31/slovakia-no-return-to-eurovision-in-2019/.
  12. "Turkish prime minister claims Israeli win was ‘planned’". https://www.escxtra.com/2018/06/16/turkish-prime-minister-claims-israeli-win-was-planned/. İstifadə tarixi: 19 iyun 2018.
  13. "TRT Genel Müdürü'nden Eurovision açıklaması". ABC Gazetesi. 4 avqust 2018. https://www.abcgazetesi.com/guncel/trt-genel-mudurunden-eurovision-aciklamasi/haber-98133. İstifadə tarixi: 4 avqust 2018.
  14. "Kosovo: RTK to Push for Full EBU Membership Next Week". Eurovoix. https://eurovoix.com/2018/06/22/kosovo-rtk-to-push-for-full-ebu-membership-next-week/. İstifadə tarixi: 22 iyun 2018.
  15. "Kosovo: EBU to Vote on Full Membership of RTK in December". Eurovoix. 1 iyul 2018. https://eurovoix.com/2018/07/01/kosovo-ebu-to-vote-on-full-membership-of-rtk-in-december/.
  16. "Liechtenstein: 1 FLTV Plans Eurovision Debut in 2019". eurovoix.com. 4 noyabr 2017. https://eurovoix.com/2017/11/04/liechtenstein-1fltv-plans-eurovision-debut-2019/. İstifadə tarixi: 31 yanvar 2018.
  17. "Kazakhstan’s Channel 31 claims: "We will participate in Eurovision 2019!"" (ingiliscə). ESCXTRA. 22 dekabr 2017. https://www.escxtra.com/2017/12/22/kazakhstans-channel-31-claims-will-participate-eurovision-2019/. İstifadə tarixi: 31 yanvar 2018.
  18. "The EBU's statement regarding Channel 31 and Kazakhstan's participation in Eurovision" (ingiliscə). ESCToday. 23 dekabr 2017. http://esctoday.com/155062/ebus-statement-regarding-channel-31-kazakhstans-participation-eurovision/. İstifadə tarixi: 31 yanvar 2018.
  19. "EBU clarifies potential participation of Kazakhstan at Eurovision 2018". wiwibloggs.com. 23 dekabr 2017. https://wiwibloggs.com/2017/12/23/ebu-clarifies-participation-kazakhstan-eurovision/205449/. İstifadə tarixi: 31 yanvar 2018.
  20. "These are the 19 (!) countries taking part in Junior Eurovision 2018". Avropa Yayım İttifaqı. 25 iyul 2018. https://junioreurovision.tv/story/participating-countries-junior-eurovision-2018.
  21. "No entry in Eurovision 2019 for Kazakhstan, clarifies Jon Ola Sand". 23 noyabr 2018. https://www.escxtra.com/2018/11/23/no-entry-in-eurovision-2019-for-kazakhstan-clarifies-jon-ola-sand/?.
  22. "Dave Rich on Twitter" (ingiliscə). Twitter. https://twitter.com/daverich1/status/995553744183091200/photo/1?tfw_site=haaretzcom&ref_src=twsrc%5Etfw&ref_url=https://www.haaretz.com/israel-news/chickensong-wins-eurovision-toys-with-israel-haters-on-twitter-1.6077594.
  23. "UK participation in Eurovision 2019 in Israel would condone “outrageous human rights violations”" (ingiliscə). Liberal Democrat Voice. https://www.libdemvoice.org/uk-participation-in-eurovision-2019-in-israel-would-condone-outrageous-human-rights-violations-57518.html.
  24. Harpin, Lee (21 noyabr 2018). "BDS protest against Netta's performance at London nightclub Heaven condemned as 'sad'". www.thejc.com. https://www.thejc.com/news/uk-news/bds-protest-against-netta-s-performance-at-london-nightclub-heaven-condemned-as-sad-1.472878.
  25. "Ireland: Dublin Lord Mayor Calls for Boycott of Eurovision 2019" (ingiliscə). Eurovoix. 13 may 2018. https://eurovoix.com/2018/05/13/ireland-dublin-lord-mayor-calls-for-boycott-of-eurovision-2019/.
  26. "Ireland: Eurovision Winner Charlie McGettigan Calls For RTÉ To Boycott Next Years Contest - Eurovoix" (ingiliscə). Eurovoix. 2018-05-16. https://eurovoix.com/2018/05/16/ireland-eurovision-winner-charlie-mcgettigan-calls-for-rte-to-boycott-next-years-contest/.
  27. "Former Eurovision Winner Joins Calls For Ireland To Boycott Israel In 2019 | Scribd" (ingiliscə). Scribd. https://www.scribd.com/article/379492704/Former-Eurovision-Winner-Joins-Calls-For-Ireland-To-Boycott-Israel-In-2019.
  28. "Iceland: Daði Freyr ‏Will Not Participate in 2019 Contest as Thousands Sign Petition For Eurovision Boycott - Eurovoix" (ingiliscə). Eurovoix. 2018-05-15. https://eurovoix.com/2018/05/15/iceland-dadi-freyr-%E2%80%8Fwill-not-participate-in-2019-contest-as-thousands-sign-petition-for-boycott/.
  29. "Iceland: RÚV Considers Withdrawing From Eurovision 2019 - Eurovoix" (ingiliscə). Eurovoix. 2018-05-17. https://eurovoix.com/2018/05/17/iceland-ruv-considers-withdrawing-from-eurovision-2019/.
  30. "Vänsterpartiet Malmö - Bojkotta Israel" (isveçcə). vmalmo.se. 13 may 2018. http://www.vmalmo.se/2018/05/bojkotta-israel-3/.

Xarici keçidlər[redaktə | əsas redaktə]