2024 Avroviziya Mahnı Müsabiqəsi

2024 Avroviziya Mahnı Müsabiqəsi
I yarımfinal	7 may 2024
II yarımfinal	9 may 2024
Final	11 may 2024
Direktor	Martin Österdahl
Kanal	SVT
Keçirilən yer	Malmö Arena, Malmö, İsveç
Seçki sistemi	Yarımfinallar: 100% telesəsvermə Final: 50% münsif səsverməsi 50% telesəsvermə
İştirakçıların sayı	37
Yenidən iştirak edən ölkələr	Lüksemburq
İştirakdan imtina edən ölkələr	Rumıniya
Avroviziya Mahnı Müsabiqəsi
◄ 2023        2025 ►

2024 Avroviziya Mahnı Müsabiqəsi (ing. Eurovision Song Contest 2024; fr. Concours Eurovision de la chanson 2024) — sayca 68-ci Avroviziya Mahnı Müsabiqəsidir. Loreenin ifa etdiyi "Tattoo" mahnısı ilə 2023 Avroviziya Mahnı Müsabiqəsində 583 xal ilə qələbə qazanmasının ardınca 2024-cü ildə İsveç 8 il sonra yenidən Avroviziyaya 7-ci dəfə ev sahibliyi etmək hüququ qazanmışdır. Bununla, İsveç yeddinci dəfə müsabiqəyə (əvvəllər 1975-ci ildə Stokholmda, 1985-ci ildə Göteborqda, 1992-ci ildə Malmödə, 2000-ci ildə Stokholmda, 2013-cü ildə Malmödə, 2016-cı ildə Stokholmda ev sahibliyi etmişdir) ev sahibliyi edəcək. Avropa Yayım Birliyi (EBU) və Sveriges Television (SVT) tərəfindən təşkil olunan müsabiqə, İsveçin Malmö şəhərində yerləşən Malmö Arenada təşkil olunacaq. Beynəlxalq yarışma, 7 və 9 may 2024-cü il tarixlərində keçiriləcək iki yarı-finaldan və 11 may 2024-cü ildə baş tutacaq böyük final mərhələsindən ibarət olacaq.

Keçirildiyi yer

İsveçin 2023-cü il müsabiqəsindəki qalibiyyətindən dərhal sonra, 2024-cü ildə yarışmaya ev sahibliyi etməkdə maraqlı olduqlarını bildirən ilk şəhərlər ölkənin üç ən böyük şəhəri olan Stokholm, Göteborq və Malmö, eləcə də daha əvvəl müsabiqəyə ev sahibliyi etmiş şəhərlər oldu.

SVT, maraqlı şəhərlərin rəsmi müraciət etməsi üçün 12 iyun 2023-cü il tarixini təyin etdi. Stokholm və Göteborq müvafiq olaraq 7 və 10 iyunda öz təkliflərini rəsmi olaraq elan etdi, ardınca 13 iyunda Malmö və Örnsköldsvik. Müraciət müddətinin bağlanmasından qısa müddət əvvəl SVT bir neçə təklif aldığını açıqladı, daha sonra onların bu dörd şəhərdən gəldiyini aydınlaşdırdı. İyulun 7-də Göteborq və Örnsköldsvikin təkliflərinin ləğv edildiyi bildirildi. Həmin gün EBU və SVT Malmö şəhərini ev sahibi şəhər elan etdi.

Şəhər	Arena	Tutum	Qeyd
Göteborq	Scandinavium	14,000	1985 Avroviziya Mahnı Müsabiqəsi-nin keçirildiyi arena.
Malmö	Malmö Arena	15,500	2013 Avroviziya Mahnı Müsabiqəsi-nin keçirildiyi arena.
Örnşöldsvik	Hagglunds Arena	9,800	—
Stokholm	Friends Arena	65,000	Friends Arena İsveçin və bütün Şimali Avropanın ən böyük futbol stadionudur.
	Tele2 Arena	45,000

İştirakçı ölkələr

Aşağıda adları göstərilən ölkələr Avroviziya 2024-də iştirak edəcəklərini açıqlamışdırlar.

Yarımfinalçılar

Ölkə	Dil	Müğənni	Mahnı	Tərcümə
Albaniya		Besa	"Titan"
Avstraliya		Electric Fields	"One Milkali (One Blood)"
Avstriya		Kaleen	"We Will Rave"
Azərbaycan		Fahree ft. İlkin Dövlətov	"Özünlə apar"
Belçika		Mustii	"Before the Party's Over"
Çexiya		Aiko	"Pedestal"
Danimarka		Saba	"Sand"
Ermənistan		Ladaniva	"Jako"
Estoniya		5miinust & Puuluup	"(nendest) narkootikumidest ei tea me (küll) midagi"
Finlandiya		Windows95man	"No Rules!"
Gürcüstan		Nutsa Buzaladze	"Firefighter"
İrlandiya		Bambie Thug	"Doomsday Blue"
İslandiya		Hera Björk	"Scared of Heights"
İsrail		Eden Golan	"Hurricane"
İsveçrə		Nemo	"The Code"
Kipr		Silia Kapsis	"Liar"
Latviya		Dons	"Hollow"
Litva		Silvester Belt	"Luktelk"
Lüksemburq		Tali	"Fighter"
Malta		Sarah Bonnici	"Loop"
Moldova		Natalia Barbu	"In the Middle"
Niderland		Joost Klein	"Europapa"
Norveç		Gåte	"Ulveham"
Polşa		Luna	"The Tower"
Portuqaliya		Iolanda	"Grito"
San-Marino		Megara	"11:11"
Serbiya		Teya Dora	"Ramonda"
Sloveniya		Raiven	"Veronika"
Ukrayna		Alyona Alyona & Jerry Heil	"Teresa & Maria"
Xorvatiya		Baby Lasagna	"Rim Tim Tagi Dim"
Yunanıstan		Marina Satti	"Zari"

Final

Ölkə	Dil	Müğənni	Mahnı	Tərcümə
Almaniya		Isaak	"Always on the Run"
Böyük Britaniya		Olly Alexander	"Dizzy"
Fransa		Slimane	"Mon amour"
İtaliya		Angelina Mango	"La noia"
İspaniya		Nebulossa	"Zorra"
İsveç (ev-sahibi ölkə)		Marcus & Martinus	"Unforgettable"

Digər ölkələr

Avropa Yayım İttifaqına üzv ölkələr

• Şimali Makedoniya — Şimali Makedoniyanın yayım şirkəti MRT maliyyə məhdudiyyətlərinə görə 2023-cü il müsabiqəsində iştirak etmədi, lakin vəziyyəti stabilləşərsə, 2024-cü ildə geri dönəcəyini bildirdi. 2023-cü ilin martında MRT-nin 2024-cü il müsabiqəsində iştirakını müzakirə etdiyi bildirildi. Şimali Makedoniya sonuncu dəfə 2022-ci ildə iştirak edib.